यूहन्‍ना 11:54 - जिरेल

⁵⁴ थोगी येशू गाङेकी थोङच्‍या खाईन यहूदिये अञ्‍चल नाङला माख्‍याम्‍सुङ। थे थेरूकी एफ्राइम सिराज्‍यीक युलनापा गाल्‍गीन चेलातेबाताङ थेरूराङ देत्‍सुङ। थे युलचेन री खादुराङ फाप्‍कीन ओतान।

यूहन्‍ना 11:54 Iomraidhean Croise

यूहन्‍ना 10:40

थेरूई येशू यरूशलेम ताङगीन लोईन यर्दन चाङबो फारकेनपा गाल्‍गीन देत्‍सुङ। थे ठाउँदुराङ थोङला यूहन्‍नेकी मिओनला बप्‍तिस्‍मा तेरगीन ओतान।

यूहन्‍ना 18:20

ठिजीन थेकी “ङे लोप्‍च्‍येते बात ङे ओताते जति मि गाङेकी थोच्‍या खाईन साबा ओत। यहूदीओन रूसा रूसाला मिटिङ खित्‍च्‍येते खाम्‍बे नाङला ईन्‍स्‍यीत थेमे परमेश्‍वर मन्‍दिरदु ईन्‍स्‍यीत ङे दि बातओन लापा ओत। ङे खाराक्‍पा सुङलाङ बातज्‍यीगोङ साबा मेत।

यूहन्‍ना 7:1

दि तिरी येशू गालील अञ्‍चलदु युल युलला थेमे सार सारला युगीन देत्‍सुङ। यहूदीओनते छ्ये छ्ये मिकी थे खोरोङला सेता चाला ओतेकी थे यहूदियापा मागाल्‍सुङ।

यूहन्‍ना 7:10

ईन्‍सीनोङ न्‍वातेबा यहूदियापा चाड माने खिताला ख्‍याम्‍नामेकी येशूङ थेपा गाल्‍सुङ। मि गाङेकी मोथोङस्‍यीत सिन थे खाराक्‍पा थेपा गाल्‍सुङ।

यूहन्‍ना 7:13

थोक ईन्‍सीनोङ यहूदीओनते छ्ये छ्ये मि ज्‍यीबेकी खित्‍सादु सुङगीङ गाङेकी थोच्‍या खाला बात खिन मेतान।

यूहन्‍ना 7:4

दाक्‍पोन चुक छ्ये ईन्‍दाका सिन ज्‍येनगी छ्या स्‍येस्‍यीत सिन सेम खित्‍कान्‍ते मिकीनी सुङगीङ दोक खाला ईप्‍ला काम मिक्‍किओ। खुई खिन ओताते दि कामओन गाङेपा गाल्‍ला मिओन ङोन्‍ला खाला तेनना,” सिन सिदुक।