यूहन्‍ना 11:53 - जिरेल

⁵³ थे छोमुमेई थेबाबरीकी येशूला सेताराङ फाप्‍क्‍यो सिन ठो खासुङ।

यूहन्‍ना 11:53 Iomraidhean Croise

मत्ती 12:14

थेकी थे मि लाक्‍पा ठाक्‍पा खानामेकी फरिसी पाटी मिओन स्‍येदाङ खिन थेरूकी गाल्‍गीन येशूला सेता फाप्‍क्‍यो सिन ठो खिताला स्‍यूसुङ।

मत्ती 16:21

थेमे दि तिरीमेकीचेन येशूकी चेलातेबाला “था ङा यरूशलेमपा ड्वा फाप्‍क्‍यो। थेपा गाल्‍नामेकी यहूदी छ्ये छ्ये मि, छ्ये छ्ये पूजारीताङ धर्मे गुरूओनगी ङाला आउदी दुक्‍पा तेरग्‍यो। थेमे सेदोङ ज्‍युत्‍क्‍यो। तर सेताते ङीमा सुमगी छोमु परमेश्‍वरगी ङाला सोम्‍बो लोइओ,” सिन थे खोरोङला च्‍यि ओङगीते, चुक ओङगीते सिन लाःपाला स्‍यूसुङ।

मत्ती 22:46

थोक सिरजीन थेबा सुङगीङ थेला छ्याःङ सिरा माथुप्‍सुङ। थे छोमुमेकीचेन थेबेकी थेला छ्याःङ खालाङ ग्‍याला मुथुप्‍च्‍याक्‍वा सिन सुङगीङ थेला बातज्‍यीगोङ ठिच्‍ये आँट माक्‍यासुङ।

मत्ती 26:4

थेमे थेबेकी थेरू चुक खाला मि सुङगीङ थाहा मेछ्येता खाला येशूला जुम्‍ला सेता थुबोङा सिन ठो खिताला स्‍यूसुङ।

मत्ती 26:59

थेमे थेरू रूबाते छ्ये छ्ये पूजारी, धर्मे गुरूओन थेमे यहूदी छ्ये छ्ये मि गाङेकी येशूला सेता फाप्‍च्‍येते खइँदा गल्‍ती थेप्‍कीता सिन ईनराङ मेन्‍दाते बात खिताला मेरा काल्‍बेईला साक्षी बके खित च्‍युत्‍सुङ।

मर्कूस 14:1

थेमे निस्‍तार चाडताङ सोडा मुलुबा खाला स्‍योबेन स्‍येला साच्‍येते चाड ओङाला ङीमा ङिकामा बाँकी ओतान। थे बेलालाराङ छ्ये छ्ये पूजारीताङ धर्मे गुरूओनचेन चुक खाला मि सुङगीङ थाहा मेङेता खाला येशूला जुम्‍ला सेता थुबोङा सिन मौका तेइन ओतान।

मर्कूस 3:6

थेकी थे मि लाक्‍पा ठाक्‍पा खानामेकी थे फरिसी पाटी मिओन मिटिङ खित्‍च्‍येते खाम्‍बादुकी गाल्‍सुङ। थेमे हेरोद गेल्‍बोताङ डिक्‍कान्‍ते मिओनताङ ठेता खाईन येशूला सेता फाप्‍क्‍यो सिन ठो खिताला स्‍यूसुङ।

यूहन्‍ना 11:47

थेमे छ्ये छ्ये पूजारीताङ फरिसी पाटी मिओनगी यहूदीओन छ्ये छ्ये मि ज्‍येनलाङ काताङगीन च्‍याकीन “था ङुरूङगी चुक खित्‍च्‍ये? दि मिकीनी अचम्‍बते काम काल्‍बेई खिदुक।

यूहन्‍ना 12:10

दोक ओङाला स्‍यूनामेई छ्ये छ्ये पूजारीकी लाजरसलाङ सेत्‍च्‍ये ठो खासुङ।

यूहन्‍ना 7:1

दि तिरी येशू गालील अञ्‍चलदु युल युलला थेमे सार सारला युगीन देत्‍सुङ। यहूदीओनते छ्ये छ्ये मिकी थे खोरोङला सेता चाला ओतेकी थे यहूदियापा मागाल्‍सुङ।

शक्ति काम 5:33

थेबेकी दोक सिरजीन थेरू ओताते छ्ये छ्ये मि गाङेला स्‍येदाङगी मे बारसुङ। थोगी थेबेकी थेबाला सेत्‍च्‍ये ठो खासुङ।

शक्ति काम 9:23

थोक खाईन शावलगी येशूराङ ख्रीष्‍ट ईन सिन थे बात लोप्‍कीन ख्‍याम्‍बाते आदोराङ गाल्‍नामेकी यहूदीओनगी थेला सेत्‍च्‍ये ठो खासुङ।