यूहन्‍ना 11:41 - जिरेल

⁴¹ थेमे थेबेकी थे फुगी गोदु ओताते दो थेन्‍सुङ। थेमे थेकी नामने ताकीन “आबा, ङा खोल्‍ला धन्‍यवाद सिओ। खुई ङे खाबाते बिन्‍ती ङेन्‍सुङ।

यूहन्‍ना 11:41 Iomraidhean Croise

मत्ती 11:25

थेमे थे बेलालाराङ गाङेकी थोच्‍या खाईन येशूकी “आबा, खो दि स्‍वर्गताङ पृथ्‍वीते मालिक ईन। ङा खुईते जय जय खिओ। च्‍यिला सासीन स्‍वर्गे राज्‍य बात खुई पढे माक्‍याबाते थेमे काल्‍बा बात छ्या मेस्‍येकान्‍ते मिओनला लेमु खाईन खो च्‍युत्‍सुङ। दि बातनी खुई आउदी बुद्धि ओतातेताङ काल्‍बेई पढे खाबाते छ्ये छ्ये मिलाङ खो च्‍युता मेतान।

मत्ती 11:26

आबा, खोल्‍ला दोक खिताराङ लेमु लासुङ। दोक खाईन खुई खिता चालाते च्‍योकराङ ओङसुङ,” सिन सासुङ।

मत्ती 27:60

फुकदु खेरगीन ज्‍याक्‍सुङ। थे फुकचेन यूसुफ थे खोरोङ स्‍यिनामेई ज्‍य्‌वाबाला सिन ठाःक ठुकीन जोबा ओतान। थे नाङ गोमा सुङगीङ रो ज्‍याक्‍पा मेतान। येशू रो ज्‍याक्‍नामेई थेकी जोदाज्‍यीक दो रिल्‍गीन थे फुगी गो टाले खाईन ज्‍यागीन च्‍याकीन गाल्‍सुङ।

मर्कूस 15:46

थेमे यूसुफकी गाल्‍गीन कार्मुते खोलाक ङ्योसुङ। थेमे येशू रो स्‍यिङगी थामदुकी थेन्‍गीन थे खोलाककी ठील्‍गीन फुकज्‍यीक्‍तु खेरगीन ज्‍याक्‍सुङ। थे फुक स्‍याप्‍ते मि ज्‍य्‌वाबाला ठाःक ठुकीन जोबा ओतान। येशू रो ज्‍याक्‍नामेई थेकी जोदाज्‍यीक दो रिल्‍गीन थे फुगी गो टाले खाईन ज्‍याक्‍सुङ।

लूका 10:21

थे बेलालाराङ परमेश्‍वर आत्‍मे छ्य्‌वापेई आउदी गा खिन येशूकी “आबा, खो दि स्‍वर्गताङ पृथ्‍वीते मालिक ईन। ङा खुईते जय जय खिओ। च्‍यिला सासीन परमेश्‍वर राज्‍य बात खुई पढे माक्‍याबाते थेमे काल्‍बा बात छ्या मेस्‍येकान्‍ते मिओनला लेमु खाईन खो च्‍युत्‍सुङ। दि बातनी खुई आउदी बुद्धि ओतातेताङ काल्‍बेई पढे खाबाते छ्ये छ्ये मिलाङ खो च्‍युता मेतान। आबा खोल्‍ला दोक खिताराङ लेमु लासुङ। दोक खाईन खुई खिता चालाते च्‍योकराङ ओङसुङ,” सिन सासुङ।

लूका 18:13

कर लिन्‍कान्‍ते मिकीचेन मन्‍दिर नाङ कुनाज्‍यीक्‍तु गाल्‍गीन ङा दोक पापी मिङ चुक खाला परमेश्‍वरला प्रार्थना खित्‍च्‍ये सिराच्‍योक खाईन खुङ खुगीन ‘ए परमेश्‍वर, ङा पापी ईन सिन ङाला छ्या ओत। ङाला दया खाला पापदुकी टाल्‍ला नाङ,’ सिन प्रार्थना खादुक्‍लो।

लूका 24:2

थेरू लेप्‍नामेकी थेबेकी थे फुगी गोदु ज्‍याक्‍पाते दो थेन्‍दा ओता थोङसुङ।

यूहन्‍ना 11:22

थोक ईन्‍सीनोङ खुई नाङ सासीन परमेश्‍वरगी खोल्‍ला थोरूमोङ जेङ तेरग्‍यो सिन ङाला छ्या ओत,” सिन सिदुक।

यूहन्‍ना 17:1

दि बाततेबा साकीन सिन्‍नामेकी येशूकी नामने ताकीन “आबा, था खुई फुज्‍युङ चुक छ्ये ईन्‍दे सिन मिओनगी छ्या स्‍येच्‍येते बेला लेप्‍कीन सिन्‍सुङ। थोगी खुई थे चुक छ्ये ईन्‍दे सिन मिओनला छ्या स्‍ये छ्युत। थेमे खुई फुज्‍युङगी आबा खो चुक छ्ये ईन्‍दे सिन तेन्‍ला तेरग्‍यो।

यूहन्‍ना 20:1

थेमे आदेरी छोमु साला नाम्‍दाक माफोक्‍पालाराङ मरियम मग्‍दलिनी येशू रो ज्‍याक्‍पाते फुकनापा गाल्‍सुङ। थेपा लेप्‍नामेकी थेकी थेरू फुगी गोदु ज्‍याक्‍पाते दो थेरूकी थेन्‍दा ओता थोङसुङ।

शक्ति काम 7:55

स्‍तिफनसचेन परमेश्‍वर आत्‍मेकी खाङा ओतेकी नामने ताजीन थेकी स्‍वर्गने परमेश्‍वर फेरोला मिगी ताराङ मुथुप्‍च्‍या झिलिमिली नाम्‍दाक थोङसुङ। येशूङ परमेश्‍वर सामे छ्य्‌वापा लाकीन देता ओता थोङसुङ।

फिलिप्‍पी 4:6

थेमे छ्याःङ बातलाङ पीर माकेत। पीर मिक्‍किता खाला बरू दुक्‍पा किम्‍मु जस्‍तो ओङजीनोङ परमेश्‍वरला प्रार्थना खि। खेराङला च्‍यि गोकीका थेला नाङ सि। थोक खित्‍जीन खेराङला लेमु खाबे लाईदु थेला धन्‍यवाद सिरा नोमुङ टोक माज्‍येत।