यूहन्‍ना 11:4 - जिरेल

⁴ थे लोन थोनामेकी थेकी चेलातेबाला “थे थोक खाईन नाबाते स्‍यिला ड्वाप्‍ला मेन। बरू परमेश्‍वरगी चुक छ्येज्‍यीक काम खिता थुप्‍कीते थेमे परमेश्‍वर फुज्‍युङताङ चुक छ्येज्‍यीक शक्ति ओते सिन मिओनगी छ्या स्‍येस्‍यीत सिनराङ दोक ओङाते ईन,” सिन सिदुक।

यूहन्‍ना 11:4 Iomraidhean Croise

यूहन्‍ना 10:38

तर ङेङ आबेकी खित्‍च्‍येते च्‍योक्‍ते काम खित्‍जीनोङ ङा थेराङ दुका सिन ख्‍योकोन पत्ते मिक्‍किओ सासीन ङे खाबाते कामतेबा ताला आबाताङ ङा दोक्‍पोईराङ दुका सिन छ्या स्‍येबा खि,” सिन सिदुक।

यूहन्‍ना 11:40

थेमे येशूकी “च्‍यि खोल्‍ला ङे आनाङका ङे बात पत्ते खासीन परमेश्‍वरगी चुक छ्येज्‍यीक काम खिता थुप्‍च्‍या ईन्‍दाका सिन छ्या स्‍येक्‍यो सिन साबाते मेनरो?” सिन सिदुक।

यूहन्‍ना 12:28

आबा, खो खोरोङ चुक छ्ये ईन्‍दे सिन मिओनला तेन्‍ला बिन,” सिन सिदुक। थेकी थोक सानामेकी परमेश्‍वरगी स्‍वर्गनेकी “ङे ङाराङ चुक छ्ये ईन्‍दे सिन गोमाका तेन्‍गीन बिन्‍दा ओत। थेमे था लोक्‍लाङ ङा तेन्‍ग्‍यो,” सिन सिदुक।

यूहन्‍ना 17:1

दि बाततेबा साकीन सिन्‍नामेकी येशूकी नामने ताकीन “आबा, था खुई फुज्‍युङ चुक छ्ये ईन्‍दे सिन मिओनगी छ्या स्‍येच्‍येते बेला लेप्‍कीन सिन्‍सुङ। थोगी खुई थे चुक छ्ये ईन्‍दे सिन मिओनला छ्या स्‍ये छ्युत। थेमे खुई फुज्‍युङगी आबा खो चुक छ्ये ईन्‍दे सिन तेन्‍ला तेरग्‍यो।

यूहन्‍ना 17:10

ङात्ताङ ओताते जति गाङे खुईतेराङ ईन थेमे खोत्ताङ ओताते ङेतेङ ईन। ङा चुक छ्ये ईन्‍दे सिन ज्‍येनला तेन्‍ला तेरकान्‍ते दिबाराङ ईन।

यूहन्‍ना 17:5

दि सा लुङबा ज्‍वा भन्‍दा गोमा ङा आबा खोत्ताङराङ छ्येज्‍यीक मान ङेत्‍कीन देता ओतान। आबा खोरोङ दोन्‍दु ङा होथोक छ्येज्‍यीक मान ङेत्‍कीन देताते बात था मिओनला खुई छ्या स्‍ये छ्युत।

यूहन्‍ना 2:11

येशूकी खाबाते अचम्‍बते कामओन नाङ गाङे भन्‍दा गोमा खाबाते अचम्‍बते दि कामचेन गालील अञ्‍चल काना सारदु खाबा ओतान। थेरू थोक खाईन थेकी थे खोरोङताङ छ्येज्‍यीक शक्ति ओत सिन तेन्‍सुङ। थेमे थे चेलाओनगी थेला परमेश्‍वरगीराङ ताङाते दुका सिन विश्‍वास खिताला स्‍यूसुङ।

यूहन्‍ना 5:23

आबेकी थोक खाबातेचेन मिओनगी जस्‍तो खाला थे खोरोङला मान खिदुक, थोकराङ खाला थे फुज्‍युङलाङ मान खित्‍स्‍यीत सिनराङ ईन। थोक ईन्‍देकी थे फुज्‍युङला मान मिक्‍किकान्‍ते मिकीचेन थेला दुरू तोङकान्‍तेलाङ मान माक्‍याबाते ईन।

यूहन्‍ना 8:54

थोक सिरजीन थेकी “ङाराङगी ङा दोक्‍ते ईन, ङे दोक खिता थुप्‍क्‍यो साबा ईन्‍सीन छ्याःङ काम लै खित्‍च्‍या मेतान। ख्‍योकोन ङे आबाला खेराङ परमेश्‍वर ईन खिदुक। ङाला मान बिन्‍ला छ्ये जोकान्‍ते थेराङ ईन।

यूहन्‍ना 9:24

गोमा अन्‍ध ओताते थे मिला थेबेकी याङराङ काताङगीन च्‍याकीन “लो परमेश्‍वर साक्षी ज्‍याक्‍ला खो साँचोते बात खि। थे मि पापी ईन सिन ङ्योकोनला लेमु खाला छ्या ओत,” सिन सिदुक।

यूहन्‍ना 9:3

ठिजीन थेकी “दि दोक गाल्‍गीन केबाते दि खोरोङ पापकी खित्‍सादुङ मेन, आबा आमे पापकी खित्‍सादुङ मेन। दि जुनीदु ओङाते काम थोङला परमेश्‍वर शक्ति चुक छ्ये ईन्‍दे सिन मिओनगी छ्या स्‍येस्‍यीत सिनराङ दि दोक गाल्‍गीन केबाते ईन।

रोमी 11:11

इस्राएलीओन दोक खाईन परमेश्‍वरगी साबाते मेङेन्‍कान गाल्‍सीनोङ था थेबेकी नोमुङ परमेश्‍वर छ्य्‌वापा लै खित्‍च्‍येते मौका माङेत्‍ला पापकी सजाय भोगे खिता फाप्‍क्‍यो सिनचेन ङे साबाते मेन। बरू बात चुक ईन्‍दे सासीन थेबेकी थोक खाईन परमेश्‍वरगी साबाते माङेन्‍देकी खित्‍सादु ज्‍येन ज्‍येन जातकी मिकीका परमेश्‍वरगी खोपरोङला पापकी सजायदुकी डेल्‍ग्‍यो सिरच्‍येते बात छ्या स्‍येच्‍येते मौका ङेत्‍सुङ। थेकी थेबाला दि मौका बिन्‍दा थोङनामेई इस्राएलीओनला स्‍येदाङ लाला थेबा थे खोरोङ छ्य्‌वापा लै खाला आशी ङेत्‍स्‍यीत सिनराङ परमेश्‍वरगी दोक खाबाते ईन।

फिलिप्‍पी 1:11

थेमे परमेश्‍वरगी खि साबाच्‍योक खाला लेमुते कामकामा खित्‍कान्‍ते मि ओङगो। परमेश्‍वरगी मान ङेत्‍स्‍यीत थेमे थेते जय जय ओङस्‍यीत सिनराङ येशू ख्रीष्‍टकी खित्‍सादु ख्‍योकोन थोक्‍ते मि ओङच्‍येते ईन।

फिलिप्‍पी 1:20

था याङराङ अड्डादु बयान लिन्‍जीन ङाला सेत्‍सीनोङ सोम्‍बोराङ ताङसीनोङ थातासाक खाबा च्‍योकराङ खाला हत्तेरिका ङे च्‍यिला थोक खाताका सिराच्‍योक लाङच्‍येते कामताङ बात छ्याःङ मिक्‍किओ सिन टुङ्गो खाबा ओत। दोक खाला ङाराङला जस्‍तो ओङसीनोङ सुङताङ ज्‍यीबा मिक्‍किता खाला ख्रीष्‍टते जय जय ओङच्‍येते कामकामा खिता थुप्‍स्‍यीत सिन ङे आश खाबा ओत।

१ पत्रुस 1:21

थेकी खित्‍सादुराङ ख्‍योकोनगी परमेश्‍वरला विश्‍वास खित्‍च्‍येते थेमे परमेश्‍वरगी तेरग्‍यो सिन साबातेबा ङेत्‍क्‍यो सिन आश खिन देत्‍च्‍येते ईन। परमेश्‍वरगी थेला स्‍यिसादुकीङ सोम्‍बो लोगीन छ्येज्‍यीक मान बिन्‍दा ओत।

१ पत्रुस 4:11

च्‍यि सासीन ज्‍येनला परमेश्‍वर बात लोप्‍कान्‍तेकी परमेश्‍वरगी जे साला दुक थेराङ लोप। थेमे ज्‍येनला ता फाप्‍कानगीङ परमेश्‍वरगी ङाला थोक खित्‍च्‍येते शक्ति बिन्‍दाते ईन सिन थे काम खि। दोक खाला जसकी जे खासीनोङ येशू ख्रीष्‍ट छ्य्‌वापेकी परमेश्‍वरते जय जय खित्‍च्‍येते काम खि। परमेश्‍वरते सधैँभरि जय जय ओङस्‍यीत। थेकी गाङेपा गाङेला राज्‍य खिनराङ देत्‍स्‍यीत। आमेन।

१ पत्रुस 4:14

ख्रीष्‍टकी मि ईन्‍देकी ज्‍येनगी मनपरी सासीन ख्‍योकोननी भाग्‍यमानीका ईन। थेबेकी थोक खित्‍जीन ख्‍योकोनगी छ्येज्‍यीक शक्ति ओताते परमेश्‍वर आत्‍मा खेराङताङ ओत सिन झन लेमु खाला छ्या स्‍येक्‍यो।