यूहन्‍ना 10:5 - जिरेल

⁵ तर ङो मास्‍येबाते मि तिरीचेन थे लुकओन नोमुङ तिङ ङ्याला माख्‍यामो। बरू ख्‍यारला छ्योङगो। च्‍यिला सासीन थोक्‍ते मि ङोरो थेबेकी छ्याराङ मेस्‍येओ,” सिन सिदुक।

यूहन्‍ना 10:5 Iomraidhean Croise

मर्कूस 4:24

थोरूमोङ बात खिन थेकी “ङे लोप्‍च्‍येते बात लेमु खाला ङेन्‍ला च्‍यि साबाते ईन्‍ताका सिन छ्या स्‍येबा खि। ख्‍योकोनगी परमेश्‍वर बात चुक खाला ङेन्‍गीका थे ताला परमेश्‍वरगी काम खिओ। थे बात लेमु खाला ङेन्‍कान्‍ते मिकी थे बात खोकीन डुइओ। परमेश्‍वरगी थोक्‍ते मिला थे खोरोङ बात झन लेमु खाला खो ज्‍युत्‍क्‍यो।

लूका 8:18

थोगी ङे लोप्‍च्‍येते बात लेमु खाला ङेन। दि बात ङेन्‍ला लेमु खाला खोबा छोल्‍कानला दोक्‍ते बात झन काल्‍बेई छ्या स्‍येस्‍यीत सिन लाप्‍ला तेरग्‍यो। दि बात थोलाङ खोबा मोछोल्‍कान्‍ते मिओनलाचेन खोपरोङला छ्या ओत सिराच्‍योक लाबाते बादोङ टोक ज्‍येत ज्‍युत्‍क्‍यो,” सिन सिदुक।

यूहन्‍ना 10:16

ङेते ज्‍येन ज्‍येन लुगोङ ओत। थे लुकतेबा दि बगालते मेन। ङे थेबालाङ दि बगालदुराङ खुलाङा फाप्‍क्‍यो। थेबाला फोत्‍जीन थेबेकीङ ङे ङोरो थोला ङे साबाते ङेन्‍ग्‍यो। दोक खाला थेबाङ बगालज्‍यीक्‍तेराङ ओङगो। थेमे थेबा गाङेते गोठालाज्‍यीकराङ ओङगो।

यूहन्‍ना 10:4

खोरगी नाङनेकी थे खोरोङ लुकतेबा पाङला तेन्‍गीन सिन्‍नामेकी थे खोरोङचेन लुई थोङला थोङला ख्‍याम्‍ग्‍यो। थेमे लुकतेबाङ थे ङोरो छ्या स्‍येला थे तिङ ङ्याला ख्‍याम्‍ग्‍यो।

२ तिमोथी 4:3

ङे च्‍यिला दोक साबाते ईन्‍दे सासीन था समयज्‍यीक ओङगो। थेजीनचेन मिओनला मिकी ङेन्‍दा फाप्‍च्‍येते सत्‍यते बात ङेन्‍दाला गाराङ मालाङो। बरू जसकी खोपरोङला ङेन्‍दा सेम लाङच्‍येते बात लोप्‍कीदुक होथोक्‍ते मि काल्‍बेईला रूला गा खिन थेबे बात ङेन्‍ग्‍यो।

१ यूहन्‍ना 2:19

ईन्‍दानी गोमा होथेबाङ ङुरूङताङ ङ्योम्‍बुराङ ओतान। तिरी थेबा ङुरूङताङ दाक ठाल्‍गीन गाल्‍सुङ। थेबाङ ङुरूङ च्‍योक्‍तेराङ ईन्‍दा ईन्‍सीन ङुरूङताङ डिक्‍ला देत्‍च्‍या ओतान। थोक खाईन थेबा ङुरूङताङ ठाल्‍गीन गालेकी थेबा सुङ ङुरूङताङ डिक्‍कान्‍ते मि मेन सिन गाङेकी छ्या स्‍येक्‍यो।

१ यूहन्‍ना 2:21

सत्‍यते बात च्‍यि ईन्‍दे सिन ख्‍योकोनला छ्या मेत सिन ङे दि बात टिबाते मेन। सत्‍यते बात ख्‍योकोनला लेमुराङ खाला छ्या ओत। सत्‍यते बात खित्‍कान्‍तेकी नोमुङ ढाँर मिक्‍किओ सिनोङ ख्‍योकोनला छ्याराङ ओत।

छ्या स्‍ये च्‍युताते बात 2:2

च्‍यि सासीन ख्‍योकोनगी खिन ओताते गाङे काम ङाला छ्या ओत। ख्‍योकोनगी स्‍याप स्‍याप खाईन काम खाबाते थेमे दुक्‍पा ओङजीनोङ सेम मेसेता खाईन देताते ङाला छ्या ओत। थेमे थेरू मेलेबा काम खित्‍कान्‍ते मिओनला ख्‍योकोनगी मन परे माक्‍याबातेङ ङाला छ्या ओत। खोपरोङ येशू ख्रीष्‍टकी खटे खाबाते मि ईन सिन सिरकान्‍तेबाला ख्‍योकोनगी थेबा पक्‍काराङ थोक्‍ते मि ईन्‍दाकाना मेन्‍दाका सिन विचार खाईन ताकीन थेबा थोक्‍ते मि मेन सिन छ्या स्‍येला दुक। थेबानी खोपरोङगी ईन साबा च्‍योक्‍ते मि ईनराङ मेन।