यूहन्‍ना 10:41 - जिरेल

⁴¹ थे थेरू देत्‍जीन थे ओत्‍सादु मि काल्‍बेई ख्‍योल्‍सुङ। थेमे थेबेकी “यूहन्‍नेकी अचम्‍बते काम छ्याःङ खाबा मेतान। थोक ईन्‍सीनोङ थेकी दि मि विषयला साबाते बातचेन गाङे ईन्‍दातेराङ दुका,” सिन बात खासुङ।

यूहन्‍ना 10:41 Iomraidhean Croise

मत्ती 14:2

थेमे थेकी थे खोरोङ दरवारदु काम खित्‍कान्‍ते मिओनताङ “थे येशू सिरातेनी बप्‍तिस्‍मा तेरकान्‍ते यूहन्‍नाराङ सोम्‍बो लोगीन वाबाते दुका। थेमेका थेकी थोक अचम्‍बते कामओन खित्‍च्‍येते ईन्‍दासीन,” सिन बात खासुङ।

मर्कूस 1:37

थेमे थेला ठेत्‍नामेकी थेबेकी “गुरू, मि गाङेकी खो खापा गाल्‍ताका सिन ठिइदुक,” सिन सासुङ।

लूका 12:1

थेजीन ङोला ङ्वा मुथुप्‍च्‍या मि येशू खादु जम्‍मा ओङगीन ओतान। थे दोन्‍दुराङ ड्वाप सिन थेबा आउदी खाला च्‍येपा च्‍येप खिन ओतान। थेमे गोमाचेन येशूकी चेलातेबाताङ बात खिन “फरिसी पाटी मिओनताङ च्‍याङबो खिसा है। थेबाताङनी स्‍योबेनला लुच्‍येते सोडा ओत। थेबाताङ सोडा ओत साबाते च्‍यि सासीन थेबेकीनी खेकीकामा लेमुते बात खिओ। सेमगी नाङचेन मेलेबा मेलेबा बात ब्‍वाकीन ज्‍याक्‍पा ओङगो।

लूका 5:1

थेमे ङीमाई येशू गनेसरेत सिराते समुन्‍द्रे छेउदु देत्‍ला परमेश्‍वर बात लोप्‍कीन ओतान। थेकी साबाते बात लेमु खाला ङेन्‍दाप सिन मिबरीचेन फुलरीङ फुलरीङ खिन थे दोन्‍दुराङ ड्वा छोल्‍गीन ओतान।

यूहन्‍ना 1:27

थे ङा भन्‍दा तिरी वाबाते ईन्‍सीनोङ ङानी थेते योक्‍पो ओङला थे काचाप टोल्‍ला तेरालाङ सोई मिक्‍किओ,” सिन सिदुक।

यूहन्‍ना 2:11

येशूकी खाबाते अचम्‍बते कामओन नाङ गाङे भन्‍दा गोमा खाबाते अचम्‍बते दि कामचेन गालील अञ्‍चल काना सारदु खाबा ओतान। थेरू थोक खाईन थेकी थे खोरोङताङ छ्येज्‍यीक शक्ति ओत सिन तेन्‍सुङ। थेमे थे चेलाओनगी थेला परमेश्‍वरगीराङ ताङाते दुका सिन विश्‍वास खिताला स्‍यूसुङ।