यूहन्‍ना 10:4 - जिरेल

⁴ खोरगी नाङनेकी थे खोरोङ लुकतेबा पाङला तेन्‍गीन सिन्‍नामेकी थे खोरोङचेन लुई थोङला थोङला ख्‍याम्‍ग्‍यो। थेमे लुकतेबाङ थे ङोरो छ्या स्‍येला थे तिङ ङ्याला ख्‍याम्‍ग्‍यो।

यूहन्‍ना 10:4 Iomraidhean Croise

मत्ती 16:24

थेमे येशूकी चेलातेबा गाङेताङ बात खिन “ङात्ताङ ख्‍याम्‍बा सेम खित्‍कान्‍ते मिकीचेन दाक्‍पोन खुशीला ख्‍याम्‍बा तोङा फाप्‍क्‍यो। जस्‍तो दुक्‍पा ओङसीनोङ ओङस्‍यीत सिन थेकीचेन दाक्‍पोन टाँए खाला स्‍या फाप्‍च्‍येते स्‍यिङगी थाम खुरला ङे तिरी ख्‍याम्‍बा फाप्‍क्‍यो।

यूहन्‍ना 10:16

ङेते ज्‍येन ज्‍येन लुगोङ ओत। थे लुकतेबा दि बगालते मेन। ङे थेबालाङ दि बगालदुराङ खुलाङा फाप्‍क्‍यो। थेबाला फोत्‍जीन थेबेकीङ ङे ङोरो थोला ङे साबाते ङेन्‍ग्‍यो। दोक खाला थेबाङ बगालज्‍यीक्‍तेराङ ओङगो। थेमे थेबा गाङेते गोठालाज्‍यीकराङ ओङगो।

यूहन्‍ना 10:27

ङा ङाराङ लुकओन लेमु खाला छ्या स्‍येक्‍यो। थेमे थेबेकीङ ङे ङोरो थोला ङे तिङ ङ्याला ख्‍याम्‍ग्‍यो।

यूहन्‍ना 10:3

थे ओङजीनचेन लुई खोरदु देत्‍ला लुक स्‍युङकान्‍ते मिकी थेला खोरगी गो पेत्‍ला तेरग्‍यो। थेमे लुकतेबेकीङ थे खोपरोङ गोठाले ङोरो छ्या स्‍येक्‍यो। थेकी थे खोरोङ लुकओनला मिन तेन्‍ला फोला पाङला टीला खेरग्‍यो।

यूहन्‍ना 10:5

तर ङो मास्‍येबाते मि तिरीचेन थे लुकओन नोमुङ तिङ ङ्याला माख्‍यामो। बरू ख्‍यारला छ्योङगो। च्‍यिला सासीन थोक्‍ते मि ङोरो थेबेकी छ्याराङ मेस्‍येओ,” सिन सिदुक।

यूहन्‍ना 10:8

ङा भन्‍दा गोमा दुरू वाबातेबा गाङे चोरताङ डाँका ओतान। थेबे ङोरो थोसीनोङ लुकतेबा थेबे तिङ ङ्याकीन माख्‍याम्‍सुङ।

यूहन्‍ना 12:26

ङाला थे खोरोङ मालिक ईन सिरकान्‍ते मिकीचेन ङे खाबा च्‍योकराङ खिता फाप्‍क्‍यो। थोक खानामेई ङा जहाँ देत्‍कीदुक थेङ ङात्ताङराङ देत्‍क्‍यो। ङे खि साबाच्‍योक खित्‍कान्‍ते मिलाचेन ङे आबेकी मान तेरग्‍यो।

यूहन्‍ना 13:15

ख्‍योकोनगीङ ङे खाबाच्‍योक खित्‍स्‍यीत सिनराङ ङे थाल्‍ला दोक खाबाते ईन। ङे ख्‍योकोनला चुक खासुङा ख्‍योकोनगीङ खेराङ नाङ थोकराङ खि।

यूहन्‍ना 18:37

थेमे थेकी “थोक ईन्‍सीनका खो गेल्‍बोराङ दुका ओना, मेन?” सिन सिरजीन येशूकी “ङा गेल्‍बो दुका सिन खुई साबाते ठीकराङ ईन। सत्‍यते बात च्‍यि ईन्‍दे सिन लोपालाराङ ङा देमा वाकीन क्‍या फापाते ईन। सत्‍यते बात थोला दि पक्‍काराङ ईन्‍दाते बात ईन सिन पत्ते खित्‍कान्‍ते मिकी ङे बात ङेन्‍ग्‍यो,” सिन सिदुक।

यूहन्‍ना 3:29

बेउलेकी बेउली फाङमा खिओ। बेउलीचेन बेउला ओत्‍सापा डुइओ। थेमे बेउले र्‍वाचेन थे खादुराङ देत्‍ला थेकी साबाते बात ङेन्‍ग्‍यो। थेमे बेउला ओत्‍सापा बेउली डोच्‍येते बात थोला आउदी गा खिओ। थोक खाला मिओन थे ओत्‍सापा डुइदुक सिरा थोजीन ङाला गा लाङगीदुक।

१ कोरिन्‍थी 11:1

ङा ख्रीष्‍टला ताला थेकी खाबा खाबाच्‍योक खिओ। ख्‍योकोनगीङ ङे खाबाते ताला ङे खाबा च्‍योकराङ खि।

एफिसी 5:1

थोगी परमेश्‍वरला ताला ख्‍योकोनगीङ थेकी च्‍योकराङ खि। थे खोरोङ फुज्‍युङ फुमु ईन सिन थेकी ङिङज्‍ये खाबाते मि ईन्‍देकी ख्‍योकोनगी होदोक खि।

हिब्रू 12:2

दोक दोक खित्‍जीन येशूकी चुक चुक खासुङा सिन टोक मेज्‍येता खाला थेलाराङ तेइन देता फाप्‍क्‍यो। परमेश्‍वरला चुक खाला विश्‍वास खित्‍च्‍ये सिन तेन्‍ला तेरकान्‍ते थेराङ ईन। थेकी खित्‍सादुराङ ङुरूङ जुनी खाङराङ परमेश्‍वरला विश्‍वास खिन देता थुप्‍क्‍यो। स्‍यिङगी थामला टाँए खाला सेत्‍च्‍येते बात मि ङोन्‍ला आउदी मेलेबा ईन्‍सीनोङ तिरी आउदी गा खिता ङेत्‍क्‍यो सिरच्‍येते बात सेमला ज्‍यागीन मिओनगी दुक्‍पा बिन्‍दाते गाङे खपे खिन स्‍यिङगी थामला टाँए खाला स्‍याप्‍लाङ थेकी छ्याःङ ङोचा माक्‍यासुङ। थेमे थे गाल्‍गीन परमेश्‍वर देत्‍च्‍येते सिंहासन सामे छ्य्‌वापा देता ओत।

१ पत्रुस 2:21

होदोक खाला दुक्‍पा भोगे खितालाराङ परमेश्‍वरगी ख्‍योकोनला थे खोरोङ दोन्‍दु स्‍योक सिन काताङाते ईन। ख्रीष्‍टकी ख्‍योकोन लाईदु थोई दुक्‍पा भोगे खासुङा सिन ख्‍योकोनला छ्याराङ ओत। थोक खाईन थेकी दुक्‍पा ओङजीन चुक खिता फाप्‍कीते सिन तेन्‍गीन बिन्‍दा ओतेकी ख्‍योकोनगीङ थेकी च्‍योकराङ खि।

१ पत्रुस 4:1

थेमे ख्रीष्‍टकी मि जुनी लाकीन थोई दुक्‍पा भोगे खाबा ओताने सिन टोक मेज्‍येता खाला ख्‍योकोनगीङ थेकी च्‍योकराङ खाला दुक्‍पा भोगे खिओ सिन आँटे खाला देत। च्‍यिला सासीन दुक्‍पा भोगे खित्‍कान्‍ते मिकी पाप खिन मेदेदो।

१ पत्रुस 5:3

ख्‍योकोन खेराङचेन थेबे मालिक ईन सिराच्‍योक खाला छ्ये खिता माछोल। थेबेकीङ खेराङगी च्‍योकराङ खिता लोप्‍स्‍यीत सिन लेमुते लुई गोठालेकी लुक लेमु खाईन ताबाच्‍योक खाला थेबाला लेमु खि।