यूहन्‍ना 10:16 - जिरेल

¹⁶ ङेते ज्‍येन ज्‍येन लुगोङ ओत। थे लुकतेबा दि बगालते मेन। ङे थेबालाङ दि बगालदुराङ खुलाङा फाप्‍क्‍यो। थेबाला फोत्‍जीन थेबेकीङ ङे ङोरो थोला ङे साबाते ङेन्‍ग्‍यो। दोक खाला थेबाङ बगालज्‍यीक्‍तेराङ ओङगो। थेमे थेबा गाङेते गोठालाज्‍यीकराङ ओङगो।

यूहन्‍ना 10:16 Iomraidhean Croise

मत्ती 17:5

थेकी बात खिन खिनलाराङ आउदी कार्मुज्‍यीक मुक्‍पा वाकीन थेबा गाङेला उप्‍सुङ। थेमे थे मुक्‍पे नाङदुकीराङ “दि ङे फुज्‍युङ ईन। ङा दिला आउदी ङिङज्‍ये खिओ। दित्ताङ ङा आउदी खुशी ओत। दिकी साबाते बात ङेन,” सिन सिरा थेबेकी थोसुङ।

लूका 15:8

थेमे सुइँदा फेम्‍मे मिते चाँदी डबल च्‍युताम्‍बे नाङ दोक्‍पोई तोरसीन थेकी च्‍यि खिते सिन ख्‍योकोनला छ्या ओत मेन? बत्ती पारला खाम्‍बे नाङ गाङेपा जेक च्‍याला माङेतथुप थेकी थे छोल्‍गीनराङ देत्‍क्‍यो।

यूहन्‍ना 10:11

लेमुते गोठालाचेन ङा ईन। लेमुते गोठालेकी लुई लाईदु थे खोरोङ ज्‍यानराङ तेरग्‍यो।

यूहन्‍ना 10:2

खोरगी गोनामेकी स्‍यूक्‍कान्‍तेकामा खास लुई गोठाला ईन।

यूहन्‍ना 10:27

ङा ङाराङ लुकओन लेमु खाला छ्या स्‍येक्‍यो। थेमे थेबेकीङ ङे ङोरो थोला ङे तिङ ङ्याला ख्‍याम्‍ग्‍यो।

यूहन्‍ना 10:3

थे ओङजीनचेन लुई खोरदु देत्‍ला लुक स्‍युङकान्‍ते मिकी थेला खोरगी गो पेत्‍ला तेरग्‍यो। थेमे लुकतेबेकीङ थे खोपरोङ गोठाले ङोरो छ्या स्‍येक्‍यो। थेकी थे खोरोङ लुकओनला मिन तेन्‍ला फोला पाङला टीला खेरग्‍यो।

यूहन्‍ना 10:4

खोरगी नाङनेकी थे खोरोङ लुकतेबा पाङला तेन्‍गीन सिन्‍नामेकी थे खोरोङचेन लुई थोङला थोङला ख्‍याम्‍ग्‍यो। थेमे लुकतेबाङ थे ङोरो छ्या स्‍येला थे तिङ ङ्याला ख्‍याम्‍ग्‍यो।

यूहन्‍ना 10:5

तर ङो मास्‍येबाते मि तिरीचेन थे लुकओन नोमुङ तिङ ङ्याला माख्‍यामो। बरू ख्‍यारला छ्योङगो। च्‍यिला सासीन थोक्‍ते मि ङोरो थेबेकी छ्याराङ मेस्‍येओ,” सिन सिदुक।

यूहन्‍ना 11:52

थेबे लाईदुकामा मेन, लुङबा लुङबाला देता ओताते परमेश्‍वर फुज्‍युङ फुमु गाङेला डिक्‍पा खाला सेमज्‍यीकराङ खाला देत ज्‍युताला थे थोक खाला स्‍यिइओ सिन कैयाफेकी थोक साबा ओतान।

यूहन्‍ना 17:20

दिबे लाईदुकामा मेन, दिबेकी लापाते बात ङेन्‍ला ङाला विश्‍वास खित्‍कान्‍ते मिओन लाईदुङ ङा प्रार्थना खिओ।

यूहन्‍ना 6:37

आबेकी ङे जिम्‍माला तेरच्‍येते मि जति गाङे ङे छ्य्‌वापा लै खिओ। थोक खित्‍कान्‍ते सुङलाङ ङा ङे छ्य्‌वापा माङ सिन नोमुङ मिसिरो।

शक्ति काम 15:14

चुक खाईन परमेश्‍वरगीराङ ज्‍येन ज्‍येन जातकी मिलाङ दया खाईन थेबे नाङदुई थे खोरोङ मि जोसुङा सिनका थाल्‍ला भर्खरराङ शिमोनगी ङुरूङला लाःप्‍सुङ।

शक्ति काम 18:10

च्‍यिला सासीन दि सारदु था मि काल्‍बेईकी ङाला विश्‍वास खिओ। ङा खोत्ताङराङ देत्‍क्‍यो। खोल्‍ला सुङगीङ छ्याःङ मेलेबा खिता मुथुबो,” सिन सिदुक।

शक्ति काम 22:14

थेमे थेकी ङाला ‘ङुरूङ ज्‍युज्‍यु पुर्खेकी माने खाबाते परमेश्‍वरगी थे खोरोङगी च्‍यि च्‍यि खिन ओते सिन खुई छ्या स्‍येस्‍यीत थेमे थे खोरोङगी खि साबा साबा च्‍योककामा खित्‍कान्‍तेला ठेत्‍स्‍यीत थेमे खुई थेकी खोत्ताङ बात खाबाते थोबा ङेत्‍स्‍यीत सिन खोल्‍ला छाने खाबा ओत।

रोमी 11:25

थेमे याङराङ आज्‍यो न्‍वावे, परमेश्‍वरगी इस्राएलीओनला चुक चुक खिते सिरच्‍येते बात ख्‍योकोनगी छ्या स्‍येस्‍यीत सिन ङा दि बातज्‍यीक सिरामीन। दि बात ख्‍योकोनगी खेराङ बुद्धि खिये खाला छ्या स्‍येबा मुथुबो। थेकी गोमा सुङलाङ छ्या स्‍ये च्‍युता मेताते बात च्‍यि ईन्‍दे सासीन काल्‍बा च्‍योक इस्राएलीकी परमेश्‍वरगी साबाते पटक्‍क ङेन्‍च्‍ये सेम माक्‍यासीनोङ थेबा तिरीसाक दोकराङ खिन मेदेदो। परमेश्‍वरगी ज्‍येन ज्‍येन जातकी मि नाङदुकी थे खोरोङला विश्‍वास खिओ साबाते मि जति थे खोरोङ छ्य्‌वापा लै खाईन मासिनथुपकामा थेबा दोक खिन देत्‍क्‍यो।

२ थिस्‍सलोनिकी 2:13

दोक ईन्‍सीनोङ आज्‍यो न्‍वावे, ख्‍योकोनलाचेन प्रभु येशू ख्रीष्‍टकी आउदी ङिङज्‍ये खाबा ओत। थेमे ङ्योकोन जहिलेङ ख्‍योकोन लाईदु परमेश्‍वरला धन्‍यवाद सिओ। परमेश्‍वर आत्‍मेकी खित्‍सादु ख्‍योकोन सेम खुदुक गालाते मि ओङला थेमे सत्‍यते बात ङेन्‍ला ख्‍योकोनगी पापकी सजाय भोगे खिता माफाप्‍स्‍यीत सिन परमेश्‍वरगी ख्‍योकोनला दि सा नाम ज्‍वा भन्‍दा गोमाकाराङ छाने खाबा ओतेकी ङ्योकोनगी थेला धन्‍यवाद सिरा फाप्‍च्‍येतेराङ ईन।

हिब्रू 13:20

परमेश्‍वरगी खाबाते नोमुङ खुदुक मोन्‍डोच्‍येते जमान येशूकी थे खोरोङ ज्‍यान बिन्‍ला स्‍यिजीन थे जीउदुकी थेन्‍दाते ठागी खित्‍सादु पूरो खाबा ओत। येशूचेन लुक लेमु खाला ताकान्‍ते छ्येते लुई गोठाला च्‍योक्‍ते ईन। मि सेम ढुक्‍क लोङकान्‍ते परमेश्‍वरगी ङुरूङ प्रभु येशूला स्‍यिसादुकी सोम्‍बो लोक्‍पा ओत।

१ पत्रुस 2:10

गोमा ख्‍योकोनला परमेश्‍वरगी थे खोरोङ मि साबा मेतान, थानी ख्‍योकोन थे मिराङ ईन। परमेश्‍वर चुक ङिङज्‍ये खित्‍कान्‍ते ईन्‍दे सिन थेजीन ख्‍योकोनगी छ्याःङ छ्या स्‍येबा मेतान, थेकी चुक आउदी ङिङज्‍ये खित्‍च्‍या ईन्‍दाका सिन थानी ख्‍योकोनगी छ्या स्‍येबा ओत।

१ पत्रुस 2:25

गोमा ख्‍योकोन गोठाला मेत्‍कीन छरपुट्ट गालाते लुक च्‍योकराङ ओतान। थाचेन ख्‍योकोन प्रभु येशू छ्य्‌वापा लै खाबा ओत। थेचेन लेमुते लुई गोठाला ईन। थेकी ख्‍योकोनला मेलेबा खित्‍च्‍ये छ्य्‌वापेई जोए खाला लेमु खाला तेइओ।

१ पत्रुस 5:4

दोक खासीन था येशू ख्रीष्‍ट ग्‍युरला ओङजीन थेकी ख्‍योकोनला इनाम सिन छ्येज्‍यीक मान तेरग्‍यो। थेकी थोक खानामेई ख्‍योकोन सधैँ मान ङेत्‍ला देता ङेत्‍क्‍यो। येशू ख्रीष्‍टचेन ज्‍येन गोठाला गाङेला कोत्‍कान्‍ते छ्येते गोठाला च्‍योक्‍ते ईन।

छ्या स्‍ये च्‍युताते बात 3:20

लो लेमु खाला ङेन। ख्‍योकोन सेमगी नाङ देताला ओङगो सिन ङा ख्‍योकोन दोन्‍दु वाला कातोङगो। ङे थोक खित्‍जीन थे सेमगी नाङ स्‍योक सिन सिरकान्‍ते मि सेमगी नाङ स्‍यूला ङा थेत्ताङराङ देत्‍क्‍यो। थेमे थेत्ताङ ङा ङ्योम्‍बुराङ भोज सेइओ।