यूहन्‍ना 1:9 - जिरेल

⁹ थे नाम्‍दाक सिराते पक्‍काराङ स्‍वर्गनेकी वाबाते ईन। थेमे दि सा लुङबे मि नाङ वाला गाङेला नाम्‍दाक तेरकान्‍ते थेराङ ईन।

यूहन्‍ना 1:9 Iomraidhean Croise

मत्ती 6:23

तर मिक लेमु मेत्‍सीन मुन्‍दाकलाकामा देत्‍ला ख्‍योकोनगी छ्याःङ लेमु खिता मुथुबो। थोगी मिक लेमु मेत्‍सीन नाम्‍दाकला मेन्‍देकी आउदी ज्‍यीबा लाङच्‍या मुन्‍दाकलाकामा देता फाप्‍ला ख्‍योकोन खालि मेलेबा मेलेबा कामकामा खित्‍कान डुइओ।

लूका 11:36

च्‍याङबो खाईन देत्‍कीन मुन्‍दाकला मेन्‍देकी नाम्‍दाकलाकामा देत्‍सीन ख्‍योकोनगी खालि लेमुकामा खिता थुप्‍क्‍यो। दोक लेमु खिता थुप्‍च्‍येतेचेन ख्‍योकोनला बत्ती नाम्‍दाक फोक्‍पा च्‍योक्‍ते ईन,” सिन सिदुक।

यूहन्‍ना 1:4

मिओनला नोमुङ मिसिन्‍च्‍येते जुनी तेरकान्‍तेङ थे बात सिरातेराङ ईन। बत्ती पारनामेकी नाम्‍दाक गाल्‍ला लेमु खाला थोङा च्‍योकराङ खाला होदि जुनी तेरकान्‍तेचेन मिओन लाईदु स्‍वर्गे नाम्‍दाक ओङसुङ।

यूहन्‍ना 1:7

वाकीन यूहन्‍नेकीचेन थे नाम्‍दाक सिराते सु ईन्‍दे, थेकी च्‍यि खिते सिन मिओनला लाप्‍सुङ। थेकी लापाते बात थोला थे नाम्‍दाक सिरातेला मि गाङेकी विश्‍वास खित्‍स्‍यीत सिनराङ परमेश्‍वरगी यूहन्‍नाला ताङा ओतान।

यूहन्‍ना 12:46

ङाला विश्‍वास खित्‍कान सुङ मुन्‍दाकला देता माफाप्‍स्‍यीत सिन स्‍वर्गे नाम्‍दाक ङा दि सा लुङबादु वाबाते ईन।

यूहन्‍ना 14:6

थोक सिरजीन येशूकी “आबा ओत्‍साने डोच्‍येते लाम ङाराङ ईन। सत्‍यते परमेश्‍वरला छ्या स्‍ये ज्‍युत्‍कान्‍तेङ ङाराङ ईन। थेमे मिओनला नोमुङ मिसिन्‍च्‍येते जुनी तेरकान्‍तेङ ङाराङ ईन। ङे छ्य्‌वापेई मेन्‍दाला सुङ आबा ओत्‍साने ड्वा मुथुबो।

यूहन्‍ना 15:1

थेरूई लोईन येशूकी चेलातेबाला “ङा लेमुते अंगूर दोङबो ईन। थेमे आबाचेन दि दोङबो ताकान्‍ते ईन।

यूहन्‍ना 6:32

थोक सिरजीन थेकी “दि बात ङेन। थेजीन मोशेकी बिन्‍दाते थे साप स्‍वर्गे साप मेन। ख्‍योकोनला मेताला ओङराङ मेङच्‍येते स्‍वर्गे सापनी ङे आबेकीका तेरग्‍यो।

यूहन्‍ना 7:12

थेङला मिओन स्‍यापस्‍यापताङ स्‍युपस्‍युप खिन येशू बात आदोराङ खिन ओतान। थेबे नाङ लालेकी “थे लेमु मि ईन,” सिन ओतान। लाला लालेकीचेन “मेन मेन, थेनी मिओनला छक्‍के खित्‍कान्‍ते ईन,” सिन ओतान।

१ यूहन्‍ना 1:8

ङे छ्याःङ पाप खाबा मेत सासीनचेन ङुरूङगी दाक्‍पोनगी ठुबाते डालुम नाङ दाक्‍पोनराङ स्‍यूक्‍च्‍येते काम खाबाते ईन। थोक सासीन सत्‍यते परमेश्‍वरगी साबाते बात ङुरूङगी दाक्‍पोन सेमगी नाङ ज्‍य्‌वाबा मुथुबो।

१ यूहन्‍ना 2:8

ईन्‍सीनोङ ङा ख्‍योकोनला थेकी खि सिन कोताते ज्‍येन बातज्‍यीक टिगीन ओत। दोक चुक खाला खित्‍च्‍ये सिन थे खोरोङगी तेन्‍गीन बिन्‍दा ओतान। थेमे ख्‍योकोनगीङ थोकराङ खिन दुक। च्‍यिला सासीन मुन्‍दाक तोरला डुइन ओत। थेमे स्‍वर्गे नाम्‍दाक दुरू वाकीन सिन्‍दा ओत।

१ यूहन्‍ना 5:20

ङुरूङला ज्‍येनोङ बात च्‍यि छ्या ओते सासीन परमेश्‍वर फुज्‍युङगी दुरू वाकीन परमेश्‍वर सु ईन्‍दे, चुक्‍ते ईन्‍दे सिन ङुरूङला छ्या स्‍ये च्‍युत्‍सुङ। थेकी दोक खानामेई ङुरूङ सत्‍यते परमेश्‍वरताङ डिक्‍पा थुप्‍सुङ थेमे परमेश्‍वर फुज्‍युङ येशू ख्रीष्‍टताङ डिक्‍पा थुप्‍सुङ। येशू ख्रीष्‍टचेन सत्‍यते परमेश्‍वर ईन, नोमुङ मिसिन्‍च्‍येते जुनी तेरकान्‍तेङ थेराङ ईन।