यूहन्‍ना 1:7 - जिरेल

⁷ वाकीन यूहन्‍नेकीचेन थे नाम्‍दाक सिराते सु ईन्‍दे, थेकी च्‍यि खिते सिन मिओनला लाप्‍सुङ। थेकी लापाते बात थोला थे नाम्‍दाक सिरातेला मि गाङेकी विश्‍वास खित्‍स्‍यीत सिनराङ परमेश्‍वरगी यूहन्‍नाला ताङा ओतान।

यूहन्‍ना 1:7 Iomraidhean Croise

यूहन्‍ना 1:12

दोक ईन्‍सीनोङ थे वादुक सिन मान खिन थेला विश्‍वास खित्‍कान्‍ते मिओनलाचेन थेकी परमेश्‍वर फुज्‍युङ फुमु ओङच्‍येते अधिकार बिन्‍सुङ।

यूहन्‍ना 1:15

यूहन्‍नेकी परमेश्‍वर फुज्‍युङ सु ईन्‍दे सिन मिओनला लाप्‍कीन बिन्‍सुङ। थेकी मि गाङे दोन्‍दु थेला छ्या स्‍येबा खाला तेरगीन “ङे ख्‍योकोनला गोमामेई ‘था ङे तिरी मिज्‍यीक ओङगो, थेचेन ङा भन्‍दा छ्येते ईन। थेनी ङा क्‍या भन्‍दाङ गोमामेई ओत्‍कीन ओतान,’ सिन साबाते मिचेन दिराङ ईन,” सिन बात खासुङ।

यूहन्‍ना 1:19

यूहन्‍नाला थे सु ईन्‍दे सिन ठिला स्‍योक सिन यहूदीओनते छ्ये छ्ये मिकी यरूशलेमदुई पूजारीओनताङ लेवी थरगी मिओनला ताङसुङ। थेमे थेबेकी यूहन्‍ना ओत्‍सादु लेप्‍कीन थेला “खो सु ईन्‍दे?” सिन ठिसुङ।

यूहन्‍ना 1:36

थेमे येशू थे खोरोङ दोन्‍नापेईराङ खाईन ड्वा थोङगीन थेकी “लो तो, परमेश्‍वरगी मि लाईदु बिन्‍दाते लुई रीउचेन दिराङ ईन,” सिन सिदुक।

यूहन्‍ना 1:9

थे नाम्‍दाक सिराते पक्‍काराङ स्‍वर्गनेकी वाबाते ईन। थेमे दि सा लुङबे मि नाङ वाला गाङेला नाम्‍दाक तेरकान्‍ते थेराङ ईन।

शक्ति काम 19:4

थोक सिरजीन थेकी “यूहन्‍नेकीनी खोपरोङ पापी दुका सिन छ्या स्‍येकीन परमेश्‍वर छ्य्‌वापा लै खाबाते मिओनला छ्युला लुगीन बप्‍तिस्‍मा बिन्‍दा ओतान। थोक खित्‍जीनराङ थेकी मिओनला ‘दि ङे बातकामा ङेन्‍ला मेङगो। ख्‍योकोनगी था ङे तिरी ओङगीन ओताते मिकी साबाते ङेन्‍ला थेला विश्‍वास खिता फाप्‍क्‍यो। थेचेन येशूराङ ईन,’ सिन साबा ओतान,” सिन सिदुक।

गलाती 3:26

येशू ख्रीष्‍टला विश्‍वास खाबेकी खित्‍सादु था ख्‍योकोन गाङेराङ परमेश्‍वर फुज्‍युङ फुमु ओङाते ईन।

एफिसी 3:9

थेमे परमेश्‍वरगी गोमा सुङलाङ छ्या स्‍ये च्‍युता मेताते बात चुक खाईन छ्या स्‍ये च्‍युत्‍सुङा सिन मि गाङेला लेमु खाला खो ज्‍युत्‍च्‍येते ईन। दि सा नाम थेमे ओताते जति गाङे जोकान्‍ते परमेश्‍वरगी गोमा गोमा दि बात गाङेताङ ब्‍वाकीन ज्‍याक्‍पा ओतान।

१ तिमोथी 2:4

मि सुङगीङ पापकी सजाय भोगे खिता माफाप्‍स्‍यीत थेमे गाङेकी सत्‍यते बात छ्या स्‍येला ङेन्‍स्‍यीत सिरच्‍येते परमेश्‍वर सेम ओत।

तीतस 2:11

येशू ख्रीष्‍ट मिओनगी होदोक दोक खिता फाप्‍क्‍यो। च्‍यिला सासीन परमेश्‍वरगी मि गाङेला पापकी सजायदुकी डेलाला दया खाईन येशू ख्रीष्‍टला देमा ताङा ओत।

२ पत्रुस 3:9

मि कोई कोईकी परमेश्‍वरगी खिओ साबाते बात थेकी खोले खोलेकामा खिओ सिन विचार खिदुक। तर बात दोक मेन। मि सुङ नरककुण्‍डमा स्‍यूक्‍पा माफाप्‍स्‍यीत, बरू थेबा गाङेकी खोपरोङ पापी दुका सिन छ्या स्‍येला थे खोरोङ छ्य्‌वापा लै खित्‍स्‍यीत सिनकामा सजाय मेतेरा खाईन थे गुकीन देताते ईन।