यूहन्‍ना 1:51 - जिरेल

⁵¹ याङराङ येशूकी “दि बात ङेन। च्‍यि सासीन स्‍वर्गे गो फेत्‍कीन सिन्‍दा ओत। था थेनेकी परमेश्‍वर दूतओन परमेश्‍वर ओत्‍सादुई वाबाते मि ङा ओत्‍सामा ओङगीन डुइन खाबाते ख्‍योकोनगी खेराङ मिगीराङ थोङगो,” सिन सिदुक।

यूहन्‍ना 1:51 Iomraidhean Croise

मत्ती 25:31

थेमे परमेश्‍वर ओत्‍सादुई वाबाते मि था तिरी छ्येज्‍यीक शक्ति ङेत्‍ला गेल्‍बो ओङला परमेश्‍वर दूत गाङेताङ दुरू ग्‍युरला वाला गेल्‍बो देत्‍च्‍येते सिंहासन लाक्‍तु देत्‍क्‍यो।

मत्ती 26:24

परमेश्‍वर ओत्‍सादुई वाबाते मि ङानी परमेश्‍वर बातला टिबा ओताच्‍योक खाला स्‍यापराङ फाप्‍क्‍यो। थोक ईन्‍सीनोङ ङाला धोका तेरकान्‍ते मिकी ज्‍यीबा लाङच्‍याई सजाय ङेत्‍क्‍यो। बरू थेनी केराङ माकेबा ईन्‍सीन लेमु ओङच्‍या ओतान,” सिन सिदुक।

मत्ती 3:16

थोक खाईन सिन्‍दाईताङ येशू छ्युदुई पाङला थेन्‍सुङ। थेमे चुक ओङसुङा सासीन स्‍वर्गे गो फेत्‍कीन थेनेकी परमेश्‍वर आत्‍मा गन्‍दीमा च्‍य्‌वाबेई गाल्‍गीन थे ओत्‍सामा वाकीन थे खोरोङ लाक देताते येशूकी थोङसुङ।

मत्ती 4:11

थेमे ईन्‍सीन थेकी येशूला ताङगीन गाल्‍सुङ। थेरूई परमेश्‍वर दूतओन वाकीन येशूला च्‍यि खाला तेरा फाप्‍च्‍या दुका थोक खाईन बिन्‍सुङ।

मत्ती 8:20

थोक सिरजीन थेकी “तर दि बात छ्या स्‍येबा खि। च्‍यि सासीन किप्‍च्‍याङते देत्‍च्‍येते ठाउँ ओङगो। थोकराङ खाला छ्योज्‍युङमेतेङ छाङ ओङगो। तर परमेश्‍वर ओत्‍सादुई वाबाते मि ङेतेनी थेबेते च्‍योक खाला देत्‍च्‍येते ठाउँ छारीनी गोःज्‍यीक रिल्‍ला देत्‍च्‍येते ठाउँओङ मेत,” सिन सिदुक।

मत्ती 9:6

परमेश्‍वर ओत्‍सादुई वाबाते मि ङात्ताङ मिओन पाप माफ खित्‍च्‍येते अधिकार ओत सिन ङा था ख्‍योकोनला कामगीराङ खाला तेन्‍ग्‍यो,” सिनकामा थेकी थे कुज्‍येला “लो खोक ल्‍वा थेमे खोरोङ खोन्‍च्‍या दिङच्‍या खुरला खाँपा ग्‍युक,” सिन सिदुक।

मर्कूस 1:10

थोक खानामेई छ्युदुकी पाङला थेन्‍दासात्तु च्‍यि ओङसुङा सासीन स्‍वर्गे गो फेत्‍कीन थेनेकी परमेश्‍वर आत्‍मा गन्‍दीमा च्‍य्‌वाबेई गाल्‍गीन थे ओत्‍सामा वाकीन थे खोरोङ लाक फापाते येशूकी थोङसुङ।

मर्कूस 14:62

थेमे येशूकी “ईन, ङा थेराङ ईन। थानामेकीचेन ख्‍योकोनगी परमेश्‍वर ओत्‍सादुई वाबाते मि ङाला छ्येज्‍यीक शक्ति ओताते परमेश्‍वर सामे छ्य्‌वापा देताते थेमे था तिरी स्‍वर्गनेकी मुक्‍पे लाक्‍तु देत्‍ला दुरू ग्‍युरगीन वाबातेङ थोङगो,” सिन सिदुक।

लूका 2:13

थे दूतकी थोक साला सिन्‍दाईताङराङ थे गोठालाओनगी थेत्ताङ ज्‍येनोङ ङोला ङ्वा मुथुप्‍च्‍या परमेश्‍वर दूत थोङसुङ।

लूका 2:9

थेमे थे फिजा क्‍या छोमु ग्‍वाका च्‍यि ओङसुङा सासीन थे गोठालाओनगी प्रभु परमेश्‍वर दूतज्‍यीक थेबे दोन्‍दु ओङा थोङसुङ। थेमे प्रभु परमेश्‍वरते मिगी ताराङ मुथुप्‍च्‍या झिलिमिली नाम्‍दाक फोक्‍पेकी थेबे फेरोला नाम्‍दाक छ्याङे गाल्‍सुङ। थोक ओङजीन गोठालाओन च्‍यि ईन्‍ताका सिन ज्‍यीबेकी थरावरी गाल्‍सुङ।

लूका 22:43

थेमे स्‍वर्गनेकी परमेश्‍वर दूतज्‍यीक वाकीन थेला आँट बिन्‍सुङ।

लूका 22:69

ङा ख्‍योकोनला च्‍यि सिते सासीन थानामेकीचेन परमेश्‍वर ओत्‍सादुई वाबाते मि ङा छ्येज्‍यीक शक्ति ओताते परमेश्‍वर सामे छ्य्‌वापा देत्‍क्‍यो,” सिन सिदुक।

लूका 24:4

थोक थोङगीन थेरू च्‍यि ओङा ईन्‍ताका सिन थेबा अलमल्‍ल परे खासुङ। थेमे थेजीनराङ मिगी तापराङ मुथुप्‍च्‍या खाला टल्‍के खित्‍च्‍याज्‍यीक खोलाक खोन्‍दातेन्‍दे मेन्‍दा ङि मि थेबे दोन्‍दु लेप्‍सुङ।

लूका 3:21

थे खोरोङला जेलला लुबा भन्‍दा गोमा बप्‍तिस्‍मा नाङ सिन ओङकान्‍ते मि गाङेला यूहन्‍नेकी छ्युला लुगीन बप्‍तिस्‍मा बिन्‍सुङ। थेमे येशूङ बप्‍तिस्‍मा लिन्‍दाला वानामेई थेकी थेलाङ बप्‍तिस्‍मा बिन्‍सुङ।

यूहन्‍ना 1:50

थेकी थोक सिरजीन येशूकी “खोल्‍ला ङे नेभारे दोङबो चावादु थोङाप सिरजीनराङ खुई ङाला विश्‍वास खासुङ। खुई था झन आउदी अचम्‍बतेन्‍दे काम थोङा ङेत्‍क्‍यो,” सिन सिदुक।

यूहन्‍ना 10:1

थोरूमोङ बात खिन येशूकी थेबाला “ङा ख्‍योकोनला दि बात सिओ। च्‍यि सासीन सुइँदा मि लुई खोरगी गोदुकी मुस्‍यूक्‍पा खाला ज्‍येननापेकी नाङने स्‍यूइदुक सासीन थेचेन चोर ईन, डाँका ईन।

यूहन्‍ना 10:7

थोगी येशूकी लोईन “ङा ख्‍योकोनला दि बात सिओ। च्‍यि सासीन लुगी खोरगी गोचेन ङाराङ ईन।

यूहन्‍ना 13:16

दि बात ङेन। च्‍यि सासीन सुइँदे काम खित्‍कान्‍ते मि मालिकते भन्‍दा छ्ये मेन। थोकराङ खाला लोन केल डोकान्‍ते मिङ थे लोन तोङकान्‍ते भन्‍दा छ्ये मेन।

यूहन्‍ना 13:38

थेमे येशूकी “च्‍यि खुई ङे लाईदु खोरोङ ज्‍यान तेरग्‍यो साबाप? दि बात ङेन। था ङोमु पाखे छ्योबो फोत फोतसाकला पालो सुम खुई ज्‍येन मि दोन्‍दु ङाला ङोराङ मेस्‍येओ सिन सिओ,” सिन सिदुक।

यूहन्‍ना 14:12

दि बात ङेन। ङाला विश्‍वास खित्‍कान्‍ते मिकीचेन ङे खाबा च्‍योक्‍ते कामराङ खिओ। थेकी दिबा भन्‍दाङ छ्ये छ्ये काम खिओ। दोक खिता थुप्‍च्‍येते च्‍यिला ईन्‍दे सासीन था ङा आबा ओत्‍साने ग्‍युरला डुइओ।

यूहन्‍ना 16:20

दि बात ङेन। च्‍यि सासीन था पीरगी खित्‍सादु ख्‍योकोन आउदी खाला ङुइओ। थे बेलाला दि सा लुङबे मिओनचेन आउदी खाला गा खिओ। ख्‍योकोनगी सेम सेत्‍कीन पीर खिता फाप्‍सीनोङ दिनी था तिरी आउदी गा लाङच्‍येते बातका ओङगो।

यूहन्‍ना 16:23

थे छोमु ख्‍योकोनगी ङाला छ्याःङ नाङ मिसिरो। दि बात ङेन। ख्‍योकोनगी ङे मिन लाकीन आबाला जे नाङ सासीनोङ थेकी ख्‍योकोनला दाक तेरग्‍यो।

यूहन्‍ना 21:18

ङा खोल्‍ला दि बात सिओ। चुक सासीन खो स्‍यारा ओत्‍जीन खोरोङ काराक खोरोङराङ छ्यिङगीन ओतान। थेमे खोरोङला गा लासाला डुइन ओतान। था गान्‍दा गाल्‍नामेकी खुई खोरोङ लाक्‍पा स्‍योङगो। थेमे ज्‍येनज्‍यीगी खुई काराक च्‍यिला बिन्‍ला खोल्‍ला ड्वा सेम मालासाला टीला खेरग्‍यो,” सिन सिदुक।

यूहन्‍ना 3:3

थेकी थोक सिरजीन येशूकी “ङा खोल्‍ला दि बात सिओ। चुक सासीन मि लोईन क्‍या फाप्‍क्‍यो, थेमेकामा परमेश्‍वर राज्‍य थोङा थुप्‍क्‍यो,” सिन सिदुक।

यूहन्‍ना 3:5

थेमे येशूकी “दि बात ङेन। छ्युला स्‍यूला बप्‍तिस्‍मा लाला लोईन केबाच्‍योक मायाङथुप थेमे परमेश्‍वर आत्‍मे छ्य्‌वापेई लोईन केबाच्‍योक मायाङथुपनी मि सुङ परमेश्‍वर राज्‍यने स्‍यूक्‍पाराङ मुथुबो।

यूहन्‍ना 5:19

थेबेकी थोक खिता चाल्‍नामेकी येशूकी थेबाला “ख्‍योकोन दि बात ङेन। च्‍यि सासीन आबेकी चुक खिका सिन माथोङथुप थे फुज्‍युङगी थे खोरोङगीकामा छ्याःङ मिक्‍किओ। आबेकी जे खिदुक थे फुज्‍युङगीङ थेराङ खिओ।

यूहन्‍ना 5:27

थेमे परमेश्‍वर फुज्‍युङराङ परमेश्‍वर ओत्‍सादुई वाबाते मि ईन्‍देकी मि गाङे न्‍याय खित्‍च्‍येते अधिकारोङ परमेश्‍वरगी थेलाराङ बिन्‍दा ओत।

यूहन्‍ना 6:26

थोक सिरजीन थेकी “ङा ख्‍योकोनला दि बात सिओ। ख्‍योकोनगी ङाला चालातेचेन ङे खाबाते अचम्‍बते कामतेबा थोङगीन मेन्‍देकी सुबा खाङ सा ङेतेकीकामा ईन।

यूहन्‍ना 6:32

थोक सिरजीन थेकी “दि बात ङेन। थेजीन मोशेकी बिन्‍दाते थे साप स्‍वर्गे साप मेन। ख्‍योकोनला मेताला ओङराङ मेङच्‍येते स्‍वर्गे सापनी ङे आबेकीका तेरग्‍यो।

यूहन्‍ना 6:47

ङा ख्‍योकोनला दि बात सिओ। च्‍यि सासीन ङाला विश्‍वास खित्‍कान्‍ते मिकीचेन नोमुङ मिसिन्‍च्‍येते जुनी ङेत्‍कीन सिन्‍दा ओत।

यूहन्‍ना 6:53

थेमे येशूकी थेबाला “ङा ख्‍योकोनला दि बात सिओ। च्‍यि सासीन परमेश्‍वर ओत्‍सादुई वाबाते मि ङे स्‍या मासोसीन थेमे ङे ठाक माथुसीन ख्‍योकोनगी नोमुङ मिसिन्‍च्‍येते जुनी ङेतराङ मेङेदो।

यूहन्‍ना 8:34

थेमे थेकी थेबाला “ङा ख्‍योकोनला दि बात सिओ। च्‍यि सासीन जसकी पाप खिदुक, थेचेन पापकी योक्‍पो ओङला पाप खिन देता फाप्‍क्‍यो।

यूहन्‍ना 8:51

दि बात ङेन। च्‍यि सासीन ङे साबाते बात ङेन्‍कान्‍ते मिचेन स्‍यिराङ मिस्‍यिओ,” सिन सिदुक।

यूहन्‍ना 8:58

थोक सिरजीन थेकी “ङा ख्‍योकोनला दि बात सिओ। च्‍यि सासीन ङानी अब्राहाम क्‍या भन्‍दा गोमामेईराङ ओतान,” सिन सिदुक।

शक्ति काम 10:11

च्‍यि सासीन थेकी स्‍वर्गे गो फेताते थेमे थेनेकी गा च्‍योकस्‍यिक जोदाई छेउ छेउला सुइँदेकी जुम्‍बाच्‍योक खाईन थे ओत्‍सामा फाप्‍कीन ओङा थोङसुङ।

शक्ति काम 7:56

थोक थोङगीन थेकी याङराङ थेबाला “लो तो, ङेनी थाल्‍ला स्‍वर्गे गो फेत्‍कीन परमेश्‍वर ओत्‍सादुई वाबाते मि थे सामे छ्य्‌वापा लाकीन देताते थोङगीदुक,” सिन सिदुक।

२ थिस्‍सलोनिकी 1:7

थरिङोला दुक्‍पा भोगे खिन ओताते ख्‍योकोनलाचेन ङ्योकोनताङराङ था तिरी थेकी गाङे पीरताङ दुक्‍पादुकी टाल्‍ला लेमु खिओ। था चुक ओङगीते सासीन प्रभु येशू छ्येज्‍यीक शक्ति ओताते थे खोरोङ दूतओनताङ ज्‍यीबा लाङच्‍या मे ज्‍वाले नाङ देत्‍ला गाङेकी थोङच्‍या खाला स्‍वर्गनेकी ग्‍युरला वाला

२ थिस्‍सलोनिकी 1:9

होथोक्‍ते मिओनगी ङेत्‍च्‍येते सजाय च्‍यि ईन्‍दे सासीन थेबाचेन प्रभु येशू दोन्‍दु बान्‍दा देता मेङेदो। थेत्ताङ चुक छ्येज्‍यीक शक्ति ओता ईन्‍दाका सिनोङ नोमुङ थोङा मेङेदो। थेबेकीनी सधैँभरि आउदी खाला दुक्‍पा भोगे खिनराङ देता फाप्‍क्‍यो।

१ तिमोथी 3:16

परमेश्‍वरगी गोमा सुङलाङ छ्या स्‍ये च्‍युता मेताते थे खोरोङला चुक खाला माने खिता फाप्‍कीते सिरच्‍येते बात आउदी अचम्‍ब लाङच्‍याज्‍यीक दुक। दि बात मेन सिन सुङगीङ सिरा मुथुबो। दि बात च्‍यि ईन्‍दे सासीन ख्रीष्‍टचेन मि जुनी लाकीन पृथ्‍वीदु केसुङ। थे छ्याःङ गल्‍ती मेताते ईन सिन परमेश्‍वर आत्‍मेकी छ्या स्‍ये च्‍युता ओत। थेला परमेश्‍वर दूतओनगी थोङा ओत। जात जातकी मिला थे बात लाप्‍कीन बिन्‍दा ओत। सा लुङबा खाङ मिओनगी थेला विश्‍वास खाबा ओत। थेला परमेश्‍वरगी छ्येज्‍यीक मान बिन्‍गीन स्‍वर्गने खेरा ओत।

हिब्रू 1:14

परमेश्‍वर दूतओननी गाङेराङ परमेश्‍वरगी कोता कोता खित्‍कान्‍तेबाकामा ईन। थेबा दोकस्‍यिकराङ दुक सिन मिगी थोङा मुथुबो। परमेश्‍वरगी थेबाला थे खोरोङगी पूरो खाला पापदुकी टाल्‍ला स्‍वर्गने देत ज्‍युत्‍च्‍येते मिओनला मद्धत तेराला गाङेपा ताङा ओत।

यहूदा 1:14

होथोक्‍ते मिओनला चुक ओङगीते सिन आदम पुस्‍ता दुईन तिरी मि हनोककी परमेश्‍वरगी सिर च्‍युताते बात खिन “दि बात ङेन। च्‍यि सासीन था प्रभु परमेश्‍वर ङोला ङ्वा मुथुप्‍च्‍या थे खोरोङ दूततेबा ङ्योम्‍बु टीला

छ्या स्‍ये च्‍युताते बात 19:11

थोक थोक ओङगीन सिन्‍नामेकी ङे स्‍वर्ग गाङे ओङे फेता ओता थोङसुङ। थेरू घोडा कार्मुज्‍यीक ओतान। थेमे थे घोडे लाक जेक्‍कान्‍ते मिनचेन खिओ साबा च्‍योकराङ खित्‍कान्‍तेताङ नोमुङ ढाँर मिक्‍किकान्‍ते ईन। थेकी सुङलाङ काका पाका मिक्‍किता खाला न्‍याय खित्‍च्‍येते थेमे लडाइँ खित्‍च्‍येते खित्‍च्‍याक्‍वा।

छ्या स्‍ये च्‍युताते बात 4:1

थेमे दि तिरी ताजीन ङे स्‍वर्गे गो फेता ओताते थोङसुङ। थेमे गोमा ङाराङताङ बात खित्‍कान्‍तेकी बिकुल ङोरो च्‍योकराङ खाईन याङराङ ङाला दोक सिन बात खाबाते ङे थोसुङ। थेकी ङाला “लो देने स्‍योक। था ङा खोल्‍ला दि तिरी ओङा फाप्‍च्‍येते बातओन तेन्‍दामीन,” सिन सिदुक।