यूहन्‍ना 1:47 - जिरेल

⁴⁷ नथानेलला थे खोरोङ ओत्‍सापा ओङा थोङगीन येशूकी “लो तो, दिचेन लेमुते इस्राएली ईन। दि सेमगी नाङ मेलेबा सिराते छ्याःङ मिन्‍दुक,” सिन सासुङ।

यूहन्‍ना 1:47 Iomraidhean Croise

यूहन्‍ना 2:25

सु मि चुक्‍ते ईन्‍दे सिन थेला सुङगीङ लाःपा फाप्‍च्‍या मेतान। च्‍यिला सासीन मि सेम चुक ओङगीते सिन गाङे थेला लेमु खाला छ्या ओतान।

यूहन्‍ना 4:16

थोक सिरजीन येशूकी “गाल्‍ला खुई ख्‍योबोलाङ काताङला खोरच्‍योक,” सिन सिदुक।

यूहन्‍ना 8:31

थे खोरोङला विश्‍वास खिताला स्‍यूबाते यहूदीओनताङ बात खिन येशूकी “ख्‍योकोनगी ङे लापा च्‍योकराङ खिन देत्‍सीन ख्‍योकोन पक्‍काराङ ङे चेला ईन।

यूहन्‍ना 8:39

थेकी थोक सिरजीन लोईन थेबेकी “ङ्योकोन आबानी अब्राहामराङ ईन,” सिन सिदुक। थेमे थेकी “ख्‍योकोन अब्राहाम सन्‍तान ईन्‍दा ईन्‍सीन ख्‍योकोनगी थेकी खाबा च्‍योकराङ खित्‍च्‍या ओतान।

रोमी 9:4

थेबानी परमेश्‍वरगी थे खोरोङ मि सिन साबाते इस्राएलीओनराङ ईन। थेबाचेन परमेश्‍वरगी थे खोरोङ धर्म-पुत्र जोबाते मि ईन। थेबेकी परमेश्‍वरला मिगी ताराङ मुथुप्‍च्‍या झिलिमिली नाम्‍दाकला देता ओता थोङा ओतान। थे खोरोङगी च्‍यि च्‍यि खिते सिन परमेश्‍वरगी थेबाताङ पालोताङ पालो जमान खाबा ओतान। थेमे थेबेकी चुक चुक खिता फाप्‍कीते सिन नियमओनोङ बिन्‍दा ओतान। थे खोरोङला चुक खाला माने खिता फाप्‍कीते सिन लाप्‍कीन बिन्‍गीन थेकी थेबाला आशी बिन्‍ला लेमु खिओ सिनोङ याङ याङराङ साबा ओतान।

रोमी 9:6

तर इस्राएलीओन बात विचार खाला ताजीन परमेश्‍वरगी थेबाताङ खिओ साबाच्‍योक माक्‍याबा च्‍योकका थोङगीदुक मेन? बात दोक मेन, थेकी साबाते बात नोमुङ फरक परे मिक्‍किओ। बरू बात चुक ईन्‍दे सासीन इस्राएली गाङेराङ परमेश्‍वरगी छाने खाबाते मि मेन।

फिलिप्‍पी 3:3

ङुरूङका परमेश्‍वरगी छाने खाबाते जीउला खतकी चिनु जोबा ओताते मि च्‍योक्‍ते ईन। च्‍यिला सासीन परमेश्‍वरला चुक खाला माने खिता फाप्‍च्‍येते ईन्‍दे परमेश्‍वर आत्‍मे छ्य्‌वापेकी ङुरूङ थेला थोकराङ खाला माने खिओ। परमेश्‍वरला माने खिताला ङुरूङचेन दाक्‍पोन जीउला खतकी चिनु जोबा ओत थेमे ज्‍येन ज्‍येनोङ धर्म कर्म खाबा ओत सिन छ्ये मिक्‍किओ। बरू येशू ख्रीष्‍टताङ जीउज्‍यीकराङ ओङा ओतेकी गा खिओ।

१ पत्रुस 2:1

बात दोक ईन्‍देकी था ख्‍योकोनगी मेलेबा काम सिराते छ्याःङ माकेत। ज्‍येनला ढाँर खित्‍च्‍येते थेमे मिकी खेराङला चुक लेमु ईन्‍दाका सिरस्‍यीत सिरच्‍ये सेमगी छ्याःङ काम माकेत। थोकराङ खाला मिला डार खित्‍च्‍येते थेमे मि मोत्‍च्‍येते बान्‍दा माकेत।

१ पत्रुस 2:22

“थेकी नोमुङ छ्याःङ पाप खाबा मेतान, ढाँरोङ खाबा मेतान।”

छ्या स्‍ये च्‍युताते बात 14:5

थेबेकी नोमुङ सुङलाङ छ्याःङ ढाँर खाबा मेतान। थेबाला सुङगीङ दिबेकी दोक दोक गल्‍ती खाबा ओत सिन सिरा मुथुबो।