यूहन्‍ना 1:41 - जिरेल

⁴¹ थेकी होत्ताराङ थे खोरोङ न्‍वाते शिमोनला ठेता खाईन “शिमोन, ङ्योकोनगी परमेश्‍वरगी तोङगो साबाते मसीहला ठेत्‍सुङ,” सिन लाःप्‍सुङ। मसीह साबातेचेन ख्रीष्‍ट साबाते ईन।

यूहन्‍ना 1:41 Iomraidhean Croise

मत्ती 1:23

थेकी चुक साबा ओताने सासीन “कर्नेते फेम्‍मे फिजाज्‍यीगी फुज्‍यीमा खुरला फुज्‍युङज्‍यीक केइओ। थे फिजाला इम्‍मानुएल सिन सिओ,” सिन साबा ओतान। इम्‍मानुएल साबाते परमेश्‍वर ङुरूङताङराङ देत्‍ला लेमु खिओ साबाते ईन।

लूका 2:17

थे फिजाला थोङनामेई थे गोठालाओनगी थे फिजे आबा आमाताङ थेरू ओताते मिबरी गाङेला थे फिजा चुक्‍ते ईन्‍दे, थेकी च्‍यि च्‍यि खिते सिन गोमा परमेश्‍वर दूतकी खोपरोङला साबाते बात गाङे लाःप्‍सुङ।

लूका 2:38

शिमियोनगी यूसुफताङ मरियमला थे फिजे बात खिन ओत्‍जीनराङ थे फेम्‍मे मिङ थेबा ओत्‍सादु ख्‍योल्‍सुङ। थेमे थेकी येशूला थोङगीन परमेश्‍वरगी तोङगो साबाते ख्रीष्‍ट ताङदुक सिन परमेश्‍वरला धन्‍यवाद बिन्‍सुङ। थेमे यरूशलेम मिओनला दुक्‍पादुकी डेल्‍कान्‍ते नाम वाओङा सिन थे मोरोङ च्‍योकराङ खाईन गुकीन देताते मिओनला थानी थे वादुक सिन थे फिजे बात लाःप्‍कीन बिन्‍सुङ।

यूहन्‍ना 1:45

थेमे फिलिपकीङ नथानेलला ठेता खाईन “मोशेकी टिबाते परमेश्‍वर नियमला तिरी इस्राएलीओन नाङ मिज्‍यीक ओङगो सिन साबा ओतान। थेमे परमेश्‍वर बात खित्‍कान्‍ते ज्‍येन ज्‍येनगीङ थे ओङगो सिन टिबा ओतानना, थेबेकी साबाते होथे मिला ङ्योकोनगी ठेत्‍सुङ। थेचेन नासरतपे यूसुफ फुज्‍युङ येशू ईन,” सिन सिदुक।

यूहन्‍ना 4:25

थेमे थे फेम्‍मे मिकी “ङाला दि बात छ्या ओत। च्‍यि सासीन था ख्रीष्‍ट सिराते मसीह ओङगो। थे वानामेई थेकीराङ ङ्योकोनला दि गाङे बात लोप्‍क्‍यो,” सिन सिदुक।

शक्ति काम 10:38

चुक सासीन परमेश्‍वरगी नासरतपे येशूला खटे खाईन परमेश्‍वर आत्‍मा थेमे छ्येज्‍यीक शक्ति बिन्‍दा ओतान। परमेश्‍वर थेत्ताङ ङ्योम्‍बु ओतेकी थेचेन शैतानगी दुक्‍पा बिन्‍गीन ल्‍हन्‍डीक स्‍यिन्‍डीप खोबाते थेमे नाबाते मि गाङेला ठाक्‍पा खिन गाङेपा गाङेला लेमु खिन युगीन ओतान।

शक्ति काम 4:27

परमेश्‍वर, गाङे बात गोमाका गेल्‍बो दाऊदकी साबा च्‍योकराङ ओङाते खोल्‍ला छ्याराङ ओत। च्‍यि सासीन सेमला पाप सिराते छ्याःङ मेताते खालि खुई कामकामा खित्‍कान्‍ते येशूला मेलेबा खिताला हेरोद गेल्‍बो, रोमी गेल्‍बो हाकिम पन्‍तियस पिलातस, ज्‍येन ज्‍येन जातकी मि थेमे इस्राएली गाङेराङ डिगीन दि सारदु जम्‍मा ओङसुङ। थोक खाईन थेबेकी खुई खटे खाईन ताङाते येशूला मेलेबा खासुङ।

१ यूहन्‍ना 1:3

ख्‍योकोनोङ ङ्योकोनताङ ङ्योम्‍बुराङ डिक्‍ला देता थुप्‍स्‍यीत सिनराङ ङेराङगी थोङाते थेमे थोबाते दि बाततेबा ख्‍योकोनलाङ सिओ। ङुरूङचेन आबा परमेश्‍वर थेमे थे फुज्‍युङ येशू ख्रीष्‍टताङ ङ्योम्‍बुराङ डिक्‍ला देत्‍क्‍यो।