यूहन्‍ना 1:4 - जिरेल

⁴ मिओनला नोमुङ मिसिन्‍च्‍येते जुनी तेरकान्‍तेङ थे बात सिरातेराङ ईन। बत्ती पारनामेकी नाम्‍दाक गाल्‍ला लेमु खाला थोङा च्‍योकराङ खाला होदि जुनी तेरकान्‍तेचेन मिओन लाईदु स्‍वर्गे नाम्‍दाक ओङसुङ।

यूहन्‍ना 1:4 Iomraidhean Croise

मत्ती 4:16

थेबा पापताङ लोभकी खाङाते मुन्‍दाकते ठाउँदु देता ओतान। थानी थेबेकी स्‍वर्गनेई वाबाते जोदाज्‍यीक नाम्‍दाक थोङा ङेत्‍सुङ। मुन्‍दाकते ठाउँदु देत्‍कीन स्‍याप छेतराङ गाला ओताते मिओनगी नाम्‍दाक छ्याङे गाला थोङसुङ,” सिन साबा ओतान।

लूका 2:32

दि वाबेकी खित्‍सादु था ज्‍येन ज्‍येन जातकी मिकी परमेश्‍वर खुई दया खाला पापताङ दुक्‍पादुकी डेल्‍ग्‍यो सिन छ्या स्‍येक्‍यो। थेमे खुई छाने खाबाते इस्राएली ङ्योकोनगी मान ङेत्‍क्‍यो,” सिन बात खासुङ।

यूहन्‍ना 11:25

थेमे येशूकी थेला “मिओनला स्‍यिसादुकी सोम्‍बो लोक्‍कान्‍ते ङाराङ ईन। थेमे नोमुङ मिसिन्‍च्‍येते जुनी तेरकान्‍तेङ ङाराङ ईन। ङाला विश्‍वास खित्‍कान्‍ते मिचेन नोमुङ मिसिन्‍च्‍येते जुनी ङेतेकी स्‍यिसीनोङ लोक्‍ला सोम्‍बो लोइओ।

यूहन्‍ना 12:35

थेरूई थेकी थेबाला “था टिक्‍पी दिनसाककामा स्‍वर्गे नाम्‍दाक ख्‍योकोनताङ देत्‍क्‍यो। थोगी ख्‍योकोन नाम्‍दाकला ख्‍योम। स्‍वर्गे नाम्‍दाक ख्‍योकोनताङ देत देतसाक ख्‍योकोन मुन्‍दाकला ख्‍याम्‍बा माफाबो। मुन्‍दाकला ख्‍याम्‍कान्‍ते मिला थे खोरोङ खापा डुइन ओते सिन छ्याःङ छ्या मेङगो।

यूहन्‍ना 12:46

ङाला विश्‍वास खित्‍कान सुङ मुन्‍दाकला देता माफाप्‍स्‍यीत सिन स्‍वर्गे नाम्‍दाक ङा दि सा लुङबादु वाबाते ईन।

यूहन्‍ना 14:6

थोक सिरजीन येशूकी “आबा ओत्‍साने डोच्‍येते लाम ङाराङ ईन। सत्‍यते परमेश्‍वरला छ्या स्‍ये ज्‍युत्‍कान्‍तेङ ङाराङ ईन। थेमे मिओनला नोमुङ मिसिन्‍च्‍येते जुनी तेरकान्‍तेङ ङाराङ ईन। ङे छ्य्‌वापेई मेन्‍दाला सुङ आबा ओत्‍साने ड्वा मुथुबो।

यूहन्‍ना 3:19

स्‍वर्गे नाम्‍दाक दि सा लुङबादु वाबा ईन्‍सीनोङ मिओन मेलेबा कामकामा खित्‍कान ईन्‍देकी नाम्‍दाक भन्‍दा थेबेईचेन मुन्‍दाकराङ मन परे खासुङ। थोगीराङ थेबेकी सजाय ङेत्‍च्‍येते ईन।

यूहन्‍ना 5:21

च्‍यिला सासीन जस्‍तो खाला आबेकी स्‍याप्‍ते मिओनला सोम्‍बो लोक्‍ला नोमुङ मिसिन्‍च्‍येते जुनी तेरगीदुक, थोकराङ खाला थे फुज्‍युङगीङ थे खोरोङगी नोमुङ मिसिन्‍च्‍येते जुनी तेरा चालाते मिओनला थे जुनी तेरग्‍यो।

यूहन्‍ना 5:26

मिओनला जुनी तेरकान्‍तेचेन आबा ईन। थे खोरोङगी च्‍योकराङ खाला मिओनला जुनी तेरच्‍येते अधिकार थेकी थे खोरोङ फुज्‍युङलाङ बिन्‍दा ओत।

यूहन्‍ना 8:12

येशूकी लोईन मिओनताङ बात खिन “दि सा लुङबे मिओनला नाम्‍दाक तेरकान्‍ते स्‍वर्गे नाम्‍दाक ङाराङ ईन। ङे बात ङेन्‍ला ङे साबाच्‍योक खित्‍कान्‍ते सुङ नोमुङ मुन्‍दाकला ख्‍याम्‍बा माफाबो। थेकीचेन ङे छ्य्‌वापेकी जुनी ङेत्‍च्‍येते नाम्‍दाक ङेत्‍क्‍यो,” सिन सिदुक।

यूहन्‍ना 9:5

दि सा लुङबादु देत देतसाक दि सा लुङबे मिओनला नाम्‍दाक तेरकान्‍ते स्‍वर्गे नाम्‍दाक ङाराङ ईन,” सिन सिदुक।

शक्ति काम 26:23

थेबेकीचेन ख्रीष्‍टकी विषयला बात खिन ख्रीष्‍टकी दुरू वाला आउदी दुक्‍पा भोगे खिता फाप्‍क्‍यो थेमे स्‍याङ फाप्‍क्‍यो। थेमे स्‍याप्‍तेबा गाङे नाङ थे गोमा सोम्‍बो लोक्‍ला था परमेश्‍वरगी मिओनला पापताङ दुक्‍पादुकी डेल्‍ग्‍यो सिन खोपरोङ यहूदी थेमे ज्‍येन ज्‍येन जातकी मि गाङेला छ्या स्‍ये ज्‍युत्‍क्‍यो सिन साबा ओतान,” सिन सिदुक।

१ कोरिन्‍थी 15:45

परमेश्‍वर बातला चुक साला दुका सासीन “परमेश्‍वरगी गाङे भन्‍दा गोमा जोबाते मि आदमला नोउनामेई ङेपाक लुगीन बिन्‍सुङ। दोक खानामेई थे सोन्‍सुङ,” सिन टिला दुक। तिरी आदम सिन साबाते ख्रीष्‍टचेन नोमुङ मिसिन्‍च्‍येते जुनी तेरकान्‍ते आत्‍मा ईन।

एफिसी 5:14

नाम्‍दाककी खित्‍सादुराङ थोक खाला थेबाङ मुन्‍दाकदुकी ठाल्‍ला नाम्‍दाकला देता ङेत्‍क्‍यो। थोगीराङ “ङ्याला ओतातेबा ङिक छेत्‍ला स्‍याप छेतराङ गाल्‍सादुकी ल्‍वा थेमे ख्रीष्‍टकी ख्‍योकोनला नाम्‍दाकला देत ज्‍युत्‍क्‍यो,” सिन सिरच्‍येते ईन।

कलस्‍सी 3:4

ङुरूङला साम्‍बाते जुनी तेरकान्‍ते ख्रीष्‍ट था तिरी गाङेकी थोङच्‍या खाला देमा ग्‍युरला ओङगो। थेजीनराङ ख्‍योकोन परमेश्‍वरगी ज्‍वा चालाच्‍योक लेमु गाल्‍गीन मान ङेत्‍कीन थेत्ताङ ङ्योम्‍बु ओताते गाङेकी थोङगो।

१ यूहन्‍ना 1:1

ङ्योकोन दि बात गाङेला सिओ। च्‍यि सासीन दि सा नाम ज्‍वा भन्‍दा गोमामेईराङ थे बात सिराते ओतान। मिओनला जुनी तेरकान्‍तेचेन थेराङ ईन। थेकी साबाते बातओन ङ्योकोनगी ङेराङ नामज्‍योककीराङ थोबाते ईन। थेमे ङेराङ मिगीराङ थेला थोङाते ईन। थेत्ताङनी ङ्योकोन ङ्योम्‍बुराङ देतातेङ ईन।

१ यूहन्‍ना 1:2

मिओनला जुनी तेरकान्‍ते थे दुरू वाकीन ङ्योकोनगी थेला थोङाते ईन। ङ्योकोन ङेराङगी थोङाते थेमे थोबाते बात ख्‍योकोनला सिओ। मिओनला नोमुङ मिसिन्‍च्‍येते जुनी तेरकान्‍ते थे दुरू ओङा भन्‍दा गोमा आबा परमेश्‍वरताङ ङ्योम्‍बुराङ ओतान।

१ यूहन्‍ना 5:11

परमेश्‍वरगी थे खोरोङ फुज्‍युङ चुक्‍ते ईन्‍दे सिन साबाते बात दिराङ ईन। च्‍यि सासीन परमेश्‍वरगी ङुरूङला नोमुङ मिसिन्‍च्‍येते जुनी बिन्‍दा ओत। मिओनला दि जुनी तेरकान्‍ते थे फुज्‍युङराङ ईन।

छ्या स्‍ये च्‍युताते बात 22:1

थेमे दि तिरी थे दूतकी ङाला चाङबोज्‍यीक तेन्‍सुङ। थे चाङबो बिल्‍लौर सिराते यु च्‍योकराङ साङलोई ओतान। थे चाङबो छ्यु थुङकान्‍ते मिओनगी नोमुङ मिसिन्‍च्‍येते जुनी ङेत्‍क्‍यो। थे चाङबोचेन परमेश्‍वरताङ लुई रीउ देत्‍च्‍येते सिंहासनदुकी थेन्‍गीन

छ्या स्‍ये च्‍युताते बात 22:16

“थाल्‍लासाक तेन्‍गीन बिन्‍दाते बाततेबा ठाउँ ठाउँला जम्‍मा ओङकान्‍ते ङे मिओनला छ्या स्‍ये ज्‍युताला ङा येशूकीराङ ङाराङ दूतला खो ओत्‍सादु ताङाते ईन। ङा दाऊद गेल्‍बो थरगीते थे सन्‍तानराङ ईन। ङोमु पाखाला स्‍यारच्‍येते आउदी खाला टल्‍के खित्‍च्‍येते कार्मा ङाराङ ईन,” सिन सिदुक।