यूहन्‍ना 1:3 - जिरेल

³ दि सा नाम थेमे सा नाम खाङ ओताते जति गाङे परमेश्‍वरगी थे बात सिराते छ्य्‌वापेकीराङ जोबा ओतान। दोक खाईन जोबातेबे नाङ थे बात सिराते छ्य्‌वापेकी मेन्‍दालाचेन छ्याःङज्‍यीक खाङज्‍यीगोङ थाराङ ठुङा मेतान।

यूहन्‍ना 1:3 Iomraidhean Croise

यूहन्‍ना 1:10

थे छ्य्‌वापेकीराङ परमेश्‍वरगी दि सा लुङबा जोबा ओतान। दोक खाईन थे खोरोङ छ्य्‌वापेई जोबाते दि सा लुङबादुराङ ओङजीनोङ थे सु ईन्‍दे सिन दि सा लुङबे मिओनगी छ्या मास्‍येसुङ।

यूहन्‍ना 1:2

थेचेन च्‍याक थाङबो जुगनामेईराङ परमेश्‍वरताङ ङ्योम्‍बु ओतान।

१ कोरिन्‍थी 8:6

ईन्‍सीनोङ ङुरूङ लाईदुनी परमेश्‍वर खालि दोक्‍पोईकामा ओत। थेचेन ङुरूङ आबा ईन। दि सा नाम थेमे ओताते जति गाङे थेकीराङ जोबाते ईन। थेमे परमेश्‍वर मि ईन्‍देकी ङुरूङ थेकी साबाते ङेन्‍ला थेला छ्ये जोइओ। थोकराङ खाला येशू ख्रीष्‍टकामा ङुरूङ मालिक ईन। दि सा नाम थेमे ओताते जति गाङे परमेश्‍वरगी थे छ्य्‌वापेकीराङ जोबाते ईन। थेमे ङुरूङला जुनी तेरकान्‍तेङ येशू ख्रीष्‍टराङ ईन।

एफिसी 3:9

थेमे परमेश्‍वरगी गोमा सुङलाङ छ्या स्‍ये च्‍युता मेताते बात चुक खाईन छ्या स्‍ये च्‍युत्‍सुङा सिन मि गाङेला लेमु खाला खो ज्‍युत्‍च्‍येते ईन। दि सा नाम थेमे ओताते जति गाङे जोकान्‍ते परमेश्‍वरगी गोमा गोमा दि बात गाङेताङ ब्‍वाकीन ज्‍याक्‍पा ओतान।

हिब्रू 11:3

परमेश्‍वरला विश्‍वास खितेकी खित्‍सादु थेकी दुरू दोक ओङस्‍यीत, थेरू थोक ओङस्‍यीत सिन सानामेई साबा च्‍योकराङ खाईन दि सा नाम थेमे सा नाम खाङ ओताते जति गाङे उत्‍पन्‍न ओङा ओतान सिन ङुरूङ पत्ते खिओ। दोक खाईन जोबाते थरिङोला मि मिगी थोङच्‍येते जति गोमा ओतराङ मेत्‍सीनोङ परमेश्‍वरगी दुरू दोक ओङस्‍यीत, थेरू थोक ओङस्‍यीत साकीन जोबा ओतान।

१ यूहन्‍ना 5:1

येशू परमेश्‍वरगी तोङगो साबाते ख्रीष्‍ट ईन सिन पत्ते खित्‍कान्‍ते मि गाङे परमेश्‍वर फुज्‍युङ फुमु ओङाते मि ईन। आबा परमेश्‍वरला ङिङज्‍ये खित्‍कान्‍ते मिकी थे फुज्‍युङ फुमुलाङ ङिङज्‍ये खिओ।

छ्या स्‍ये च्‍युताते बात 3:14

लाओडिसिया सारदु जम्‍मा ओङकान्‍ते येशू ख्रीष्‍ट मिओनला ताकोरा खित्‍कान्‍ते परमेश्‍वर दूतला दोक सिन टि। दि बातचेन साँचोते बातकामा खित्‍कान्‍ते थेमे परमेश्‍वर सु ईन्‍दे सिन थेमे थेकी खित्‍च्‍येते कामगी बात लेमु खाला लाप्‍ला तेरकान्‍ते आमेन सिराते ङा सिन ओत। परमेश्‍वरगी सा नाम थेमे ओताते जति गाङे ङे छ्य्‌वापेकीराङ जोबाते ईन।

छ्या स्‍ये च्‍युताते बात 4:11

“ङ्योकोन प्रभु परमेश्‍वर, खुईते जय जय ओङस्‍यीत। खोल्‍ला मान खिता सोई खिओ, खोत्ताङ छ्येज्‍यीक शक्ति ओत। च्‍यिला सासीन सा नाम थेमे ओताते जति गाङे खुईराङ जोबाते ईन। थोगी दिबा ओङाते ईन। दिबा गाङे खुई ज्‍वा चाला च्‍योकराङ खाईन जोबाते ईन,” सिन ओतान।