यूहन्‍ना 1:17 - जिरेल

¹⁷ परमेश्‍वरगी थे खोरोङ नियम मिओनला मोशे लाःक्‍तुकी बिन्‍दा ओतान। थे खोरोङ दया खित्‍कान्‍ते थेमे सत्‍यते ईन सिनचेन येशू ख्रीष्‍ट छ्य्‌वापेई तेन्‍गीन बिन्‍सुङ।

यूहन्‍ना 1:17 Iomraidhean Croise

यूहन्‍ना 1:14

थे बात सिरातेचेन मि जुनी लाकीन केकीन ङ्योकोनताङराङ देता ओतान। थोक खाला ङ्योम्‍बुराङ देत्‍जीन परमेश्‍वर आउदी खाला दया खित्‍कान्‍ते ईन, थे सत्‍यते ईन सिन थेकी ङ्योकोनला लेमु खाईन तेन्‍गीन बिन्‍दा ओतान। थेला आबातेकी देमा ताङा ओतान। थेते दोक्‍पोईकामा ओताते फुज्‍युङ ईन्‍देकी थेत्ताङ छ्येज्‍यीक शक्ति ओताते ङ्योकोनगी थोङा ङेत्‍सुङ।

यूहन्‍ना 14:6

थोक सिरजीन येशूकी “आबा ओत्‍साने डोच्‍येते लाम ङाराङ ईन। सत्‍यते परमेश्‍वरला छ्या स्‍ये ज्‍युत्‍कान्‍तेङ ङाराङ ईन। थेमे मिओनला नोमुङ मिसिन्‍च्‍येते जुनी तेरकान्‍तेङ ङाराङ ईन। ङे छ्य्‌वापेई मेन्‍दाला सुङ आबा ओत्‍साने ड्वा मुथुबो।

यूहन्‍ना 18:37

थेमे थेकी “थोक ईन्‍सीनका खो गेल्‍बोराङ दुका ओना, मेन?” सिन सिरजीन येशूकी “ङा गेल्‍बो दुका सिन खुई साबाते ठीकराङ ईन। सत्‍यते बात च्‍यि ईन्‍दे सिन लोपालाराङ ङा देमा वाकीन क्‍या फापाते ईन। सत्‍यते बात थोला दि पक्‍काराङ ईन्‍दाते बात ईन सिन पत्ते खित्‍कान्‍ते मिकी ङे बात ङेन्‍ग्‍यो,” सिन सिदुक।

यूहन्‍ना 5:45

आबे दोन्‍दु ङे ख्‍योकोन दोषी ईन सिन सितासीन सिन विचार माकेत। ङ्योकोनलानी मोशेकी परमेश्‍वर नियम लेमु खाला ङेन्‍कान ईन सिओ सिन आश खाईन देता ओत्‍सीनोङ आबे दोन्‍दुनी ङे मेन, होथे मोशेकीका ख्‍योकोन दोषी ईन सिन सिओ।

यूहन्‍ना 7:19

च्‍यि मोशेकी ख्‍योकोनला परमेश्‍वर नियम बिन्‍दा मेतरो? ईन्‍सीनोङ ख्‍योकोन खाङगीङ थे नियम मेङेन्‍दुक। थेमे ङालाचेन ख्‍योकोन च्‍यिला सेता छोल्‍गीते?” सिन सिदुक।

यूहन्‍ना 8:32

दोक खिनराङ देत्‍सीन ख्‍योकोनगी सत्‍यते परमेश्‍वरला लेमु खाला छ्या स्‍येक्‍यो। थेमे थेकी ख्‍योकोनला योक्‍पो योङमु खिन ओत्‍सादुई डेल्‍ग्‍यो,” सिन सिदुक।

यूहन्‍ना 9:29

मोशाताङचेन थाङबो परमेश्‍वरगी बात खाबा ओतान सिन ङ्योकोनला छ्या ओत। तर दि मिनी खापेकी वाबाते ईन्‍दे सिनोङ ङ्योकोनला छ्याःङ छ्या मेत,” सिन सिदुक।

शक्ति काम 28:23

थेमे थेबेकी लोक्‍ला थे बात ङेन्‍दाला दि छोमु ओङगो सिन दिनगी टुङ्गो खासुङ। थेमे थे छोमु यहूदीओन झन काल्‍बेई पावल ओत्‍सादु जम्‍मा ओङसुङ। थेमे थेकी थेबाताङ च्‍याक ङोमुमेकी ग्‍वासेसाकराङ बात खिन परमेश्‍वर राज्‍य बात लाप्‍कीन बिन्‍सुङ। थोक खित्‍जीन थेकी मोशेकी टिबाते परमेश्‍वर नियमला थेमे परमेश्‍वर बात खित्‍कान्‍तेबेकी ख्रीष्‍टकी विषयला टिबाते बात लोप्‍कीन थेबेकी टिबाते होथे बातओन येशूकी पूरो खासुङ सिन थेबाला लेमु खाईन लाप्‍कीन बिन्‍सुङ।

शक्ति काम 7:38

थेमे ङुरूङ पुर्खाओन थोक खाला ठाःकताङ बालुवा बाई छ्याःङ मेत्‍सादु सीनै बोमगी चावादु जम्‍मा ओङला देते बेलाला मोशाङ थेरू ओतान। थेमे मोशा सीनै बोमने गाल्‍नामेकी परमेश्‍वर दूतज्‍यीगी थेत्ताङ ठेत्‍कीन बात खाबा ओतान। थेजीनराङ परमेश्‍वर दूतकी थेला नोमुङ फरक परे मिक्‍किच्‍येते बात ओताते नियम बिन्‍दा ओतान। थे नियम ङुरूङ पुर्खाओन लाईदुकामा मेन्‍देकी ङुरूङ लाईदुङ बिन्‍दा ओतान।

रोमी 6:14

ख्‍योकोनगी था पाप खिन देता माफाबो। च्‍यिला सासीन था ख्‍योकोन परमेश्‍वर नियम अधीनला मेत। परमेश्‍वरगी दया खाबेकी थानी ख्‍योकोन थे अधीनलाका ओत।

२ कोरिन्‍थी 1:20

ख्रीष्‍टकी खाबाते कामगी खित्‍सादुराङ परमेश्‍वरगी मिओनताङ खाबाते जमान जति गाङे पूरो खिओ। थोगीराङ परमेश्‍वरला प्रार्थना खित्‍जीनोङ ङुरूङ ख्रीष्‍टकी मिनगी छ्य्‌वापेई आमेन सिन सिओ। दोक सिरच्‍येतेचेन परमेश्‍वरला मान खाबाते ईन।

गलाती 3:17

बात च्‍यि सासीन परमेश्‍वरगी अब्राहामताङ जमान खानामेई लो सय स्‍यीताङ खालज्‍यीकताङ च्‍युताम्‍बा तिरीकामा यहूदीओनला थे खोरोङ नियम बिन्‍दा ओतान। थे नियम बिन्‍दा ईन्‍सीनोङ थेकी गोमाका जस्‍तो खिओ सिन जमान खाबा ओतान थोकराङ खिओ। थेकी जमान खाबा च्‍योकराङ मिक्‍किच्‍या ईन्‍दा ईन्‍सीन थेकी आशी तेरग्‍यो सिन साबाते बात बातकामा ओङच्‍या ओतान।

हिब्रू 9:22

परमेश्‍वरगी बिन्‍दाते नियम तासीन ठाक थोरनामेई काल्‍बा च्‍योक जे कुरोङ चोके खिन ओतान। थेमे खइँदा भोग माबिन्‍दालानी मिकी खाबाते पाप माफ ओङराङ मेङगो।