यूहन्‍ना 1:15 - जिरेल

¹⁵ यूहन्‍नेकी परमेश्‍वर फुज्‍युङ सु ईन्‍दे सिन मिओनला लाप्‍कीन बिन्‍सुङ। थेकी मि गाङे दोन्‍दु थेला छ्या स्‍येबा खाला तेरगीन “ङे ख्‍योकोनला गोमामेई ‘था ङे तिरी मिज्‍यीक ओङगो, थेचेन ङा भन्‍दा छ्येते ईन। थेनी ङा क्‍या भन्‍दाङ गोमामेई ओत्‍कीन ओतान,’ सिन साबाते मिचेन दिराङ ईन,” सिन बात खासुङ।

यूहन्‍ना 1:15 Iomraidhean Croise

मत्ती 3:11

थेमे ङाचेन खालि खोपरोङ पापी दुका सिन छ्या स्‍येकीन परमेश्‍वर छ्य्‌वापा लै खाबाते मिओनला छ्युलाकामा लुक्‍ला बप्‍तिस्‍मा तेरग्‍यो। था ङे तिरी मिज्‍यीक ओङगो। थेचेन ङा भन्‍दा खापान खापान छ्ये ईन। सिइराङ सासीन ङानी थेते योक्‍पो ओङला काचाप खुरला थे तिरी ख्‍याम्‍बालाङ सोई मिक्‍किओ। थेकीचेन ख्‍योकोनला परमेश्‍वर आत्‍मा तेरच्‍येतेताङ मेला लुक्‍ला न्‍याय खित्‍च्‍येते काम ङिकाराङ खिओ।

मर्कूस 1:7

थोक खाला मिओनला परमेश्‍वर बात लोप्‍जीन थेकी “था ङे तिरी मिज्‍यीक ओङगो। थेचेन ङा भन्‍दा खापान खापान छ्ये ईन। सिइराङ सासीन ङानी थेते योक्‍पो ओङला थेकी खोन्‍दाते काचाप टोल्‍ला तेरालाङ सोई मिक्‍किओ।

लूका 3:16

थे बात छ्या स्‍येकीन यूहन्‍नेकी “ङानी ख्रीष्‍ट मेन। थेनी थाका ओङगीन ओत। थेचेन ङा भन्‍दा खापान खापान छ्ये ईन। सिइराङ सासीन ङानी थे योक्‍पो ओङला काचाप टोल्‍ला तेरालाङ सोई मिक्‍किओ। ङा खालि ख्‍योकोनला छ्युलाकामा लुक्‍ला बप्‍तिस्‍मा तेरग्‍यो। थेकीचेन ख्‍योकोनला परमेश्‍वर आत्‍मा तेरच्‍येतेताङ मेला लुक्‍ला न्‍याय खित्‍च्‍येते काम ङिकाराङ खिओ।

यूहन्‍ना 1:27

थे ङा भन्‍दा तिरी वाबाते ईन्‍सीनोङ ङानी थेते योक्‍पो ओङला थे काचाप टोल्‍ला तेरालाङ सोई मिक्‍किओ,” सिन सिदुक।

यूहन्‍ना 17:5

दि सा लुङबा ज्‍वा भन्‍दा गोमा ङा आबा खोत्ताङराङ छ्येज्‍यीक मान ङेत्‍कीन देता ओतान। आबा खोरोङ दोन्‍दु ङा होथोक छ्येज्‍यीक मान ङेत्‍कीन देताते बात था मिओनला खुई छ्या स्‍ये छ्युत।

यूहन्‍ना 8:58

थोक सिरजीन थेकी “ङा ख्‍योकोनला दि बात सिओ। च्‍यि सासीन ङानी अब्राहाम क्‍या भन्‍दा गोमामेईराङ ओतान,” सिन सिदुक।

कलस्‍सी 1:17

दि सा नाम खाङ ओताते जति गाङे ज्‍वा भन्‍दा गोमामेई थे ओत्‍कीन ओतान, होदि जोबाते जति गाङे चुक चुक ओङा फाप्‍च्‍येते ईन्‍दे थोकराङ ओङ ज्‍युत्‍कान्‍ते थेराङ ईन।

हिब्रू 13:8

येशू ख्रीष्‍टचेन थोङला जस्‍तो ओतान थरिङोलाङ थोकराङ ओत। थेमे सधैँभरि थोकराङ देत्‍क्‍यो, थे नोमुङ खुदुक मोन्‍डोओ।

छ्या स्‍ये च्‍युताते बात 1:11

थेकीचेन “खुई च्‍यि च्‍यि थोङगीका थे गाङे बात स्‍यिउला टिला च्‍याला एफिसस, स्‍मर्ना, पर्गामम, थिआटीरा, सार्डिस, फिलाडेल्‍फियाताङ लाओडिसिया होदि सार दुईनकारदु जम्‍मा ओङकान्‍ते येशू ख्रीष्‍ट मिओनला थोङ,” सिन सिदुक।

छ्या स्‍ये च्‍युताते बात 2:8

स्‍मर्ना सारदु जम्‍मा ओङकान्‍ते येशू ख्रीष्‍ट मिओनला ताकोरा खित्‍कान्‍ते परमेश्‍वर दूतला दोक सिन टि। दि बातचेन गाङे भन्‍दा गोमामेई ओताते थेमे तिरी तिरीसाकराङ देत्‍कान्‍ते, स्‍यिइन च्‍याकीन सोम्‍बो लोक्‍पा ओताते ङा सिन ओत।