याकूब 5:7 - जिरेल

⁷ थेमे आज्‍यो न्‍वावे, प्रभु येशू ग्‍युरला ओङ ओङसाक ख्‍योकोन सेम मेसेता खाला गुलाराङ देत। खेती खित्‍कान्‍ते मिङनी बाली लेस्‍यीत सिन समय समयला देक्‍च्‍येते छ्यार्बा देक देकसाक गुलाराङ देत्‍क्‍यो।

याकूब 5:7 Iomraidhean Croise

मत्ती 16:27

था तिरी परमेश्‍वर ओत्‍सादुई वाबाते मि ङा दुरू ग्‍युरला वाला मि गाङेला दाक्‍पोन दाक्‍पोनगी खाबाते काम ताला कोईला सजाय तेरग्‍यो, कोईला इनाम तेरग्‍यो। थेजीन ङा आबेते छ्येज्‍यीक शक्ति ङेत्‍ला नाम्‍दाककी झिलिमिली गाल्‍ला ङे दूतओनताङ दुरू ग्‍युरला ओङगो।

मत्ती 16:28

थेमे ङा ख्‍योकोनला दि बादोङ साला ज्‍य्‌वाक्‍यो। च्‍यि सासीन ख्‍योकोन नाङ कोई कोईचेन परमेश्‍वर ओत्‍सादुई वाबाते मि ङे दुरू राज्‍य खिताला स्‍यूबाते थोङलाकामा स्‍यिइओ,” सिन सिदुक।

मत्ती 24:27

चिलाम नाम्‍दाककी खित्‍सादु चिलाम खासुङ सिन छ्या स्‍येबा च्‍योकराङ परमेश्‍वर ओत्‍सादुई वाबाते मि ङा गाङेकी थोङा खाला देमा ग्‍युरला ओङगो। ङा वाबाते ईन्‍दा ना मेन्‍दा सिन सुङगीङ छ्याःङ शंकाराङ खिता माफाबो।

मत्ती 24:44

परमेश्‍वर ओत्‍सादुई वाबाते मि ङाङ चोर च्‍योकराङ सुङगीङ छ्या मास्‍येबाते दिनगी छोमु दुरू ग्‍युरला ओङगो। थोगी थरिङनी मेङतासीन सिराच्‍योक मिक्‍किता खाला ख्‍योकोन ठीक ओङला थेला गुलाराङ देत।

लूका 18:8

दि बात ङेन। परमेश्‍वरगीनी थेबाला दुक्‍पा तेरकान्‍तेबे लाःक्‍तुकी होत्ताराङ टाल्‍ला तेरग्‍यो। थोक ईन्‍सीनोङ परमेश्‍वर ओत्‍सादुई वाबाते मि ङा पृथ्‍वीमा ग्‍युरला ओङ ओङसाकराङ परमेश्‍वरगी प्रार्थना ङेन्‍ला दुक्‍पादुकी डेल्‍ग्‍यो सिन थेला विश्‍वास खिनराङ देत्‍कान्‍तेबा मेरा थोईजो ओङोङा? दि बात ख्‍योकोनगी सेमगी नाङ गुने खि,” सिन सिदुक।

लूका 21:27

थोक थोक ओङनामेई परमेश्‍वर ओत्‍सादुई वाबाते मि ङा छ्येज्‍यीक शक्ति ङेत्‍ला मिगी ताराङ मुथुप्‍च्‍या नाम्‍दाककी झिलिमिली गाल्‍ला मुक्‍पे नाङ देत्‍ला स्‍वर्गनेकी देमा ओङगीन ओताते मि गाङेकी थोङगो।

लूका 8:15

कोई कोईकीचेन परमेश्‍वर बात थोनामेई आउदी लेमु खाला ङेन्‍ग्‍यो। थेबेकी खोपरोङला जे ओङसीनोङ थे बात ङेन्‍दा मोतोङा खाला लेमु काम खिन देत्‍क्‍यो। सबी लेमु ओत्‍साला फापाते सोन साबातेचेन होथोक्‍ते मिओनला साबाते ईन।

यूहन्‍ना 21:22

थोक सिरजीन थेकी “थे था तिरी ङा ग्‍युरला ओङ ओङसाक सोन्‍लाराङ देत्‍स्‍यीत सिरच्‍येते ङे सेम ओत्‍सीनोङ दि बात खोल्‍ला च्‍यिला छ्या स्‍येबा फाप्‍सुङारो? खो ङात्ताङ ख्‍योम,” सिन सिदुक।

यूहन्‍ना 21:23

थोगी ज्‍येन चेलातेबेकीचेन था होथे चेला मिस्‍यिओ सिन बात खिताला स्‍यूसुङ। थे स्‍यिराङ मिस्‍यिओ सिनचेन येशूकी साबा मेतान। थेकी खालि “थे था तिरी ङा ग्‍युरला ओङ ओङसाक सोन्‍लाराङ देत्‍स्‍यीत सिरच्‍येते ङे सेम ओत्‍सीनोङ दि बात खोल्‍ला च्‍यिला छ्या स्‍येबा फाप्‍सुङा?” सिन साबा ओतान।

रोमी 15:4

परमेश्‍वर बातला गोमाबा टिबा ओताते गाङे बात ङुरूङगी खइँदा लोप्‍स्‍यीत सिन टिबाते ईन। थे बात ताजीन ङुरूङगी ज्‍येनतेबे ख्‍याल ज्‍य्‌वाजीन दुक्‍पा ओङसीनोङ चुक खाला सेम मेसेता खाला काम खिन देता फाप्‍च्‍या ईन्‍दाका सिन छ्या स्‍येक्‍यो। थेमे परमेश्‍वरगी खिओ साबाच्‍योक पक्‍काराङ खिओ सिन आश खाला गुलाराङ देता थुप्‍क्‍यो।

रोमी 2:7

था तिरी परमेश्‍वरगी खोपरोङला थेकी ज्‍वा चाला च्‍योकराङ लेमु जोइओ थेमे मान बिन्‍ला नोमुङ मिस्‍यिच्‍येते जुनी तेरग्‍यो सिन थेकी साबाते ङेन्‍ला लेमु कामकामा खिन देत्‍कान्‍ते मिओनलाचेन थेकी नोमुङ मिसिन्‍च्‍येते जुनी तेरग्‍यो।

१ कोरिन्‍थी 1:7

थोक ईन्‍देकी था प्रभु येशू ख्रीष्‍ट नामराङ ग्‍युरला वाओङा सिन गुला देत्‍जीन ख्‍योकोनला गोच्‍येते परमेश्‍वर आत्‍मेकी तेरच्‍येते सीपताङ शक्ति ख्‍योकोनगी गाङे ङेता ओत।

गलाती 5:5

ङुरूङनी परमेश्‍वर नियम ङेन्‍देकी मेन्‍गीन येशू ख्रीष्‍टला विश्‍वास खाबेकीका परमेश्‍वरगी दाक्‍पोनला दोषी मेन सिन साबाते ईन सिन पत्ते खिओ। परमेश्‍वर आत्‍मा ङेता ओतेकी था तिरी परमेश्‍वरगी दाक्‍पोनला पक्‍काराङ दोषी मेन सिओ सिन ङुरूङ आश खाला गुलाराङ देत्‍क्‍यो।

गलाती 6:9

थोगी आ लेमु खालाङ च्‍यि ओङगीतेरो सिराच्‍योक खाला ङुरूङगी लेमु खिन देता तोङा मेङगो। सेम मेसेता खाईन लेमु खिनराङ देत्‍सीनचेन बाली लै खानामेई तिरी बाली रूक्‍पा ङेता च्‍योकराङ खाला लेमु खाबेकी खित्‍सादु ङीमाई ङुरूङगीङ इनाम ङेत्‍क्‍यो।

कलस्‍सी 1:11

दोस्‍यिककामा मेन, जस्‍तो ओङसीनोङ सेम मेसेता खाला गा खिन जस्‍तो दुक्‍पाङ खपे खिन देताला परमेश्‍वरगी ख्‍योकोनला थे खोरोङ छ्येज्‍यीक शक्ति तेरस्‍यीत

१ थिस्‍सलोनिकी 1:3

धन्‍यवाद सिरजीनराङ ख्‍योकोनगी येशू ख्रीष्‍टला विश्‍वास खाईन लेमु काम खिताला स्‍यूबाते थेमे ज्‍येनला ङिङज्‍ये खिन झन झन लेमु खाबाते बातकी लाईदु ङुरूङ आबा परमेश्‍वरला धन्‍यवाद सिओ। थे लाईदुकामा मेन, था ङीमाई ङुरूङ प्रभु येशू ख्रीष्‍ट ग्‍युरला ओङगो सिन आश खाईन गुकीन देता ओतेकी जस्‍तो दुक्‍पा ओङसीनोङ ख्‍योकोन सेम मेसेता खाईन देता ओताते बातकी लाईदुङ ङ्योकोन थेला धन्‍यवाद सिओ।

१ थिस्‍सलोनिकी 2:19

था प्रभु येशू ग्‍युरला ओङे छोमु थे दोन्‍दु देत्‍जीन ख्‍योकोनगी खित्‍सादु ङ्योकोनगी मान ङेत्‍क्‍यो सिन आश खाईन गुकीन देता ओत। ख्‍योकोनगी खित्‍सादुराङ थे छोमु खुशीङ ओङा ङेत्‍क्‍यो थेमे ख्‍योकोनगी चुक लेमु खाबा ओताने सिन गा खिता ङेत्‍क्‍यो।

१ थिस्‍सलोनिकी 3:13

दोस्‍यिककामा मेन, था ङुरूङ प्रभु येशू थे खोरोङ मि गाङेताङ ग्‍युरला ओङे छोमु ङुरूङ आबा परमेश्‍वर दोन्‍दु ख्‍योकोन छ्याःङ गल्‍ती मेताते थेमे मेलेबाते काम सिराते छ्याःङ माक्‍याबाते मि ओङस्‍यीत सिन थेकी ख्‍योकोनला थे खोरोङला विश्‍वास खिन देताला आँट तेरस्‍यीत सिनोङ ङ्योकोन प्रार्थना खिओ।

हिब्रू 6:15

थेमे अब्राहामगी परमेश्‍वरगी थे खोरोङताङ जमान खाबा च्‍योकराङ खिओ सिन लो काल्‍बेईसाक सेम मेसेता खाईन गुकीनराङ देतेकी परमेश्‍वरगी थेला तेरग्‍यो सिन साबाते गाङे बिन्‍सुङ।

याकूब 4:11

आज्‍यो न्‍वावे, ख्‍योकोनगी फलाना दोक्‍तेताङ थोक्‍ते सिन दोक्‍पोईकी ज्‍येनज्‍यीक बात माकेत। दाक्‍पोन आज्‍यो न्‍वाकी बात खिन ख्‍याम्‍कान्‍ते कि खो दोषी ईन सिन सिरकान्‍ते मिकीचेन परमेश्‍वर नियमला साबाते दि दि बात लेमु मेन सिन थे नियमराङ ठीक मेन साबाते ईन। थोक खित्‍कान्‍ते मिकीनी थे नियम ङेन्‍दा साटोला थे लेमु मेन सिनका साबाते ईन।

याकूब 5:10

आज्‍यो न्‍वावे, प्रभु परमेश्‍वरगी सिर च्‍युताते बात खित्‍कान्‍ते मिओनला ताला दुक्‍पा ओङजीन खेराङगी चुक खिता फाप्‍च्‍या ईन्‍दाका सिन छ्या स्‍येबा खि।

याकूब 5:3

थोकराङ खाला ख्‍योकोनताङ ओताते सेरताङ चाँदीङ खिये खाला डुइओ। था परमेश्‍वरगी मि गाङे न्‍याय खिते छोमु ख्‍योकोन सेर चाँदी थोक खाईन खिये खाबाते थोङजीन ख्‍योकोनगी खेराङला लेमु ओङच्‍येते कामकामा खादुक सिन परमेश्‍वरगी छ्या स्‍येक्‍यो। ख्‍योकोन सेर चाँदी थोक डोच्‍या खाईन ज्‍याक्‍पेकी ख्‍योकोन मेकी छिक्‍ला सोला डुइओ। ख्‍योकोनगी था परमेश्‍वरगी मि गाङे न्‍याय खिते छोमु सजाय ङेताला सम्‍पत्ति साकीन ज्‍याक्‍ला दुक।

२ पत्रुस 3:4

“थे याङराङ दुरू ग्‍युरला ओङगो साबाते बात खै खापा तोरसुङा? ज्‍युज्‍यु पुर्खा गाङे स्‍यिइन गाल्‍सुङ। ईन्‍सीनोङ दि सा लुङबा जोजीनमेई ओता च्‍योकराङ जेसुकै थोककी थोकराङ दुक,” सिन सिओ।