याकूब 5:6 - जिरेल

⁶ ख्‍योकोनगी छ्याःङ खिता मुथुप्‍कान्‍ते सुधोते मिओनला थाराङ दोष लै खाईन सेत्‍सुङ। थेबेकी ख्‍योकोनला छ्याःङ मेलेबा खाबा मेतान।

याकूब 5:6 Iomraidhean Croise

मत्ती 21:38

धनीते फुज्‍युङला खोपरोङ ओत्‍सापा ओङा थोङगीन थेबेकी ‘तोना, थेकीनी फुज्‍युङतेलाराङका ताङदुक, थेलाङ सेत्‍की। थेमे ईन्‍सीन दि स्‍यीङ ङुरूङतेराङनी ओङगो,’ सिन बात खाईन

मत्ती 27:20

थेजीनसाकला छ्ये छ्ये पूजारीताङ यहूदीओन छ्ये छ्ये मिकी थेरू जम्‍मा ओङाते मि गाङेला लुकीन “पिलातसकी सुला तोङच्‍ये सिन ठिसीन ख्‍योकोन गाङेकी येशूला मेन, बारब्‍बाला थोङ। येशूलाचेन सेताराङ फाप्‍क्‍यो सिन सिसा,” सिन खोपरोङ लाःक्‍तु लाकीन सिन्‍दा ओतान।

मत्ती 5:39

ङाचेन ख्‍योकोनला च्‍यि सिते सासीन सुइँदेकी खेराङला मेलेबा खासीन ख्‍योकोनगी थेबाला स्‍येदाङ मासेत। बरू सुइँदेकी खेराङला सामे डाम्‍पापा डाम्‍स्‍याकज्‍यीक ग्‍याप्‍सीन ख्‍योकोनगी थेला ज्‍येनते डाम्‍पाङ सेत्‍ला बिन।

शक्ति काम 22:14

थेमे थेकी ङाला ‘ङुरूङ ज्‍युज्‍यु पुर्खेकी माने खाबाते परमेश्‍वरगी थे खोरोङगी च्‍यि च्‍यि खिन ओते सिन खुई छ्या स्‍येस्‍यीत थेमे थे खोरोङगी खि साबा साबा च्‍योककामा खित्‍कान्‍तेला ठेत्‍स्‍यीत थेमे खुई थेकी खोत्ताङ बात खाबाते थोबा ङेत्‍स्‍यीत सिन खोल्‍ला छाने खाबा ओत।

शक्ति काम 7:52

परमेश्‍वर बात खित्‍कान्‍तेबे नाङ खाङलाचेन ख्‍योकोन ज्‍युज्‍यु पुर्खेकी मेलेबा खाबा मेतानेरो? थेबेकीनी परमेश्‍वरगी खि साबा च्‍योककामा खित्‍कान्‍ते तिरी दुरू ओङगो सिन परमेश्‍वर बात खित्‍कान्‍तेबा गाङेला खेदा खाईन सेता ओतान। थेमे तिरी थेबेकी ओङगो साबाते वानामेकी ख्‍योकोनगीचेन थे परमेश्‍वरगी तोङगो साबाते ईनराङ मेन सिन दुक्‍पा बिन्‍गीन सेत्‍सुङ।

शक्ति काम 8:32

थेकी पढे खिन ओताते परमेश्‍वर बातलाचेन दोक सिन टिबा ओतान। चुक सासीन “सेताला टीबाते लुक सेत्‍सापा खेरजीन सरासर गालाच्‍योक खाईन सेत खेरजीन थेङ खाराक्‍पाराङ गाल्‍सुङ। थेमे फाल ठेक्‍पाला ठाकीन रिलाते लुई रीउकी छ्याःङ खिता मुथुपा च्‍योकराङ खाईन दुक्‍पा तेरजीन गाङे दुक्‍पा भोगे खाईन थेकीङ खानामा ङोरोज्‍यीगोङ मातेन्‍सुङ।

हिब्रू 10:38

ङे खि साबा च्‍योकराङ खिन ङाला विश्‍वास खित्‍कान्‍ते मिकीचेन नोमुङ मिसिन्‍च्‍येते जुनी ङेत्‍क्‍यो। थोक खिता तोङकान्‍ते मिचेन ङाला गा मालाङो,” सिन टिला दुक।

याकूब 2:6

ख्‍योकोनचेन होथोक्‍ते मिओनलाराङ हेला खिदुक। च्‍यि ख्‍योकोनला दुक्‍पा तेरकान्‍ते थेमे मुद्धा लाङला अड्डादु केल्‍कान्‍ते छ्युक्‍पुते मिओनराङ मेनरो?

याकूब 4:2

ख्‍योकोन ङाला दि ओत्‍सीन ओङच्‍या ओतान, थे ओत्‍सीन ओङच्‍या ओतान खिदुक। तर ख्‍योकोनगी ओङसीन ओङच्‍या ओतान सिराच्‍योक खाबाते छ्याःङ मेङेत्‍तुक। ख्‍योकोन मि जाला लोभ खिदुक थेमे खेराङगी साबाते माङेत्‍सीन मिङ सेता छोल्‍गीदुक। दोक खाला ख्‍योकोन थोम्‍मु जीङगा खिदुक। ईन्‍सीनोङ ख्‍योकोनगी छ्याःङ मेङेत्‍तुक। च्‍यिला सासीन ख्‍योकोनगी परमेश्‍वरला नाङराङ मिसिरदुक।

१ पत्रुस 4:18

परमेश्‍वर बातला चुक सिन टिबा ओते सासीन “परमेश्‍वरगी खि साबाच्‍योक खित्‍कान्‍ते मिओननी पापकी सजायदुकी बल्‍ल बल्‍ल थारग्‍यो सासीन थेकी खि साबाच्‍योक मिक्‍किकान्‍तेताङ पापीओनलानी झन चुकका ओङोङा,” सिन साबा ओत।