याकूब 5:5 - जिरेल

⁵ ख्‍योकोन स्‍यीम्‍बु स्‍यीम्‍बु सेइन थुङगीन किम्‍मु खाईन देत्‍ला दुक। दोक खाईन ख्‍योकोनगी था परमेश्‍वरगी मि गाङे न्‍याय खित्‍च्‍येते दिनगी लाईदु खेराङला पोस्‍ये खाईन ज्‍याक्‍ला दुक।

याकूब 5:5 Iomraidhean Croise

लूका 16:19

सम्‍पत्ति बात बातलाराङ येशूकी “बाजिई ठाउँज्‍यीक्‍तु आउदी छ्युक्‍पुज्‍यीक मि ओताक्‍वालो। थेचेन जहिलेङ आउदी दामीते लेमु लेमु खोलाक खोन्‍ला स्‍या सामे लाकराङ बाक चेकीन देता ओतानलो।

लूका 16:25

थेकी थोक सिरजीन अब्राहामगी ‘फुज्‍यो, खुई गोमे बात ठेम्‍बा खि। थोङला खुई स्‍यीम्‍बु स्‍यीम्‍बु सोकीन थुकीन जुनी क्‍याङा ओतान। थेजीन लाजरसकी चुकस्‍यिक दुक्‍पा ङेता ओताने सिन खुई टोक ज्‍येता मेतासीन। था दि दुरू आनन्‍द खाईन देत्‍ला दुक। थेमे खोचेन दुक्‍पा भोगे खिन दुक।

रोमी 13:13

चुक सासीन ङुरूङगी गाङे ङोन्‍दु खिता ओङच्‍येते कामताङ बातकामा खिता फाप्‍क्‍यो। ज्‍येनताङ रूला भक्‍कुचूर सोला थुला मोज मज्‍जा खित्‍च्‍येते, छ्याङ रक्‍सीकी जिला ख्‍याम्‍च्‍येते थेमे रन्‍डीबाजीताङ होदि च्‍योक्‍ते खिता मेङच्‍येते ङोचा लाङच्‍येते काम खिता मेङगो। ज्‍येनताङ थोम्‍मु जीङगा खित्‍च्‍येते थेमे मिला डार खित्‍च्‍येतेङ खिता मेङगो।

१ तिमोथी 5:6

तर जो ख्‍योबो स्‍याप्‍ते फेम्‍मे मि खालि मोज मज्‍जा खिन दाक्‍पोन खुशीला ख्‍याम्‍गीदुक थेचेन सोम्‍बो ओत्‍सीनोङ परमेश्‍वर लाईदु स्‍याप्‍ते छेतराङ ईन।

२ तिमोथी 3:4

थेबाला नोमुङ भर परे खिता मुथुबो, थेबेकी उत्तोउलोते कामकामा खिओ, थेबाचेन खोपरोङ छेत सुङ मेन सिराच्‍योक खाला साला मिक मिक्‍किता खाला ख्‍याम्‍ग्‍यो। परमेश्‍वरला मन परे खित्‍च्‍येते काम खिता साटोला थेबाला दाक्‍पोन खुशीला ख्‍याम्‍जीन गा लाङगो।

२ पत्रुस 2:13

थेबेकी ज्‍येनला जस्‍तो मेलेबा खाला दुक उस्‍तोराङ खाला परमेश्‍वरगी थेबालाङ मेलेबा खिओ। थेबेकीनी ङीमे खोङलाराङ खोपरोङला खिता सेम लाबा लाबा खिओ। ख्‍योकोनताङ ङ्योम्‍बु रूला साजीन थुङजीन थेबेकी ख्‍योकोनलाङ खोपरोङ मेलेबा बानी बिवाराराङ लाप्‍ला खोपरोङ च्‍योकराङ जोइओ। ख्‍योकोनलाङ खोपरोङगी च्‍योकराङ खिता लोप्‍जीन थेबाला गा लाङगो।

यहूदा 1:12

ख्‍योकोन संगति खिन भोज सा बेलाला छ्याःङ ङोचा मिक्‍किता खाला वाला थेबेकी ख्‍योकोनताङराङ देत्‍ला सेइओ। ज्‍येनला ता फाप्‍कान्‍ते मि ईन्‍सीनोङ थेबेकी सुङगीतेङ छ्याःङ वास्‍ता मिक्‍किता खाला भक्‍कुचूर सोला खोपरोङ सुबा गेङच्‍ये कामकामा खिओ। थेबानी छ्यार्बे थोपोज्‍यीगोङ मेताते ल्‍हाबेकी पुरगीन खेराते मुक्‍पा च्‍योक्‍ते ईन। थेमे फलफूल चिमाईओङ मागोन्‍दाते चाप्रेनराङ खोर लोगीन क्‍युरगीन स्‍याप्‍ते गुनगी बेले दोङबो च्‍योकराङ ईन।

छ्या स्‍ये च्‍युताते बात 18:7

जति थेकी ङा छेतते सु ईन्‍दे, ङात्ताङ छेत सम्‍पत्ति सुङताङ मेत सिन छ्ये खिन किम्‍मु खिन देता ओतान थोस्‍यिकराङ था थेला सुक देक छ्युत, था थेला नोमुङ सेम सन्‍तो खाला देत माज्‍युत। च्‍यिला सासीन थेकी थे मोरोङ सेमगी नाङ ‘ङानी गेल्‍मुका ईन, ङा नोमुङ ख्‍योबो स्‍याप्‍ते फेम्‍मे मि च्‍योक ओङा माफाबो, दुक्‍पाताङ पीर सिराते च्‍यि ईन्‍दे सिन ङे नोमुङ थोङा माफाबो,’ सिन छ्ये खिदुक।