याकूब 5:13 - जिरेल

¹³ ख्‍योकोन सुइँदाला दुक्‍पा ओङे बेलाला परमेश्‍वरला प्रार्थना खि। थेमे जेसुकै साबा च्‍योक ओङे बेलाला परमेश्‍वरते जय जय खिन लु लोङ।

याकूब 5:13 Iomraidhean Croise

मत्ती 26:30

थेरूई परमेश्‍वरला छ्ये जोच्‍येते भजन लाकीन च्‍याकीन थेबाबरी जैतुन बोमनापा गाल्‍सुङ।

लूका 22:44

था भोगे खिता फाप्‍च्‍येते दुक्‍पे पीरगी खित्‍सादु थे सेम छोकीन सिन्‍दा ओतान। थेमे थेकी झन झन परमेश्‍वरला प्रार्थना खासुङ। थोक खाला प्रार्थना खित्‍जीन थे जीउदुकी ठागी थोपो थिक्‍पा च्‍योकराङ खाला ठोतकी थोपो थिगीन ओतान।

लूका 23:42

र्‍वातेला थोक साकीन च्‍याकीन थेकी येशूला “ए येशू, खो गेल्‍बो ओङगीन राज्‍य खिताला स्‍यूनामेई ङालाङ सम्‍झे खि,” सिन सासुङ।

१ कोरिन्‍थी 14:15

ङा चुक खिते सासीन ङाराङ आत्‍माला परमेश्‍वर आत्‍मेकी कोता ओता च्‍योकराङ खाला ङाराङ आत्‍मेकीङ प्रार्थना खिओ। ङाराङगी दोक दोक सिन ओत सिरच्‍येते छ्या स्‍येलाङ प्रार्थना खिओ। थोकराङ खाला ङाराङ आत्‍माला परमेश्‍वर आत्‍मेकी कोता ओता च्‍योकराङ खाला ङा ङाराङ आत्‍मेकी लु लिन्‍ग्‍यो थेमे ङाराङगी दोक दोक सिन ओत सिरच्‍येते छ्या स्‍येलाङ लु लिन्‍ग्‍यो।

१ कोरिन्‍थी 14:26

आज्‍यो न्‍वावे, ख्‍योकोन गाङेराङ जम्‍मा ओङजीन ख्‍योकोन कोई परमेश्‍वरला छ्ये जोच्‍येते लु लिन्‍कान्‍ते, कोई सु सुकी चुक चुक खिता फाप्‍कीते सिन लोप्‍कान्‍ते थेमे कोईचेन परमेश्‍वरगी खोपरोङला तेन्‍गीन बिन्‍दाते तिरी ओङच्‍येते बात खित्‍कान्‍ते मि ओङगो। थोकराङ खाला कोई खोपरोङगी छ्या मास्‍येबाते खुदुक खुदुकते भाषाला बात खित्‍कान्‍ते मि ओङगो सासीन कोईचेन थे भाषाला खाबाते बातकी अर्थ खोले खित्‍कान ओङगो। ख्‍योकोनगी जे खासीनोङ येशू ख्रीष्‍ट मि गाङेला लेमु ओङे लाईदु खि।

एफिसी 5:19

खेराङ नाङ भजन लिन्‍च्‍येते, परमेश्‍वरला छ्ये जोच्‍येते लु लिन्‍च्‍येते थेमे परमेश्‍वर आत्‍मेकी लिन च्‍युताते ज्‍येनोङ लु लाला प्रभु येशू ख्रीष्‍टला सेमदुकीराङ छ्ये जो।

हिब्रू 5:7

दुरू ओत ओतसाक येशूकी कालगी लाःक्‍तुकी थे खोरोङला जोए खिता थुप्‍कान्‍ते परमेश्‍वरला ङुइन थेमे ङोरोराङ तेन्‍गीन प्रार्थना खासुङ। थेकी थे खोरोङ लाईदु परमेश्‍वरला बिन्‍तीङ खासुङ। थे परमेश्‍वरगी जस्‍तो खिता चाल्‍ला दुक थोकराङ ओङस्‍यीत सिरकान्‍ते ईन्‍देकी परमेश्‍वरगी थे प्रार्थना ङेन्‍सुङ।

याकूब 5:10

आज्‍यो न्‍वावे, प्रभु परमेश्‍वरगी सिर च्‍युताते बात खित्‍कान्‍ते मिओनला ताला दुक्‍पा ओङजीन खेराङगी चुक खिता फाप्‍च्‍या ईन्‍दाका सिन छ्या स्‍येबा खि।

छ्या स्‍ये च्‍युताते बात 14:3

थेमे थे मिओनचेन परमेश्‍वर सिंहासन, थे ङेपाक ओताते थरी स्‍यीबो थेमे थे मेरा खालज्‍यीकताङ स्‍यीबो छ्ये छ्येतेबे दोन्‍दु देत्‍ला गोमा नोमुङ मालाबाते साम्‍बाते लुज्‍यीक लिन्‍गीन ओतान। दि सा लुङबे मिओन नाङदुकी परमेश्‍वरगी पापकी सजायदुकी टालाते होथेबेकी बाई दि लु ज्‍येन सुङगीङ लिन्‍दा थुप्‍कीन मेतान।

छ्या स्‍ये च्‍युताते बात 7:10

थेमे थेबा आउदी छेरा खाला खाला “मिला पापकी सजायदुकी डेल्‍कान्‍तेचेन सिंहासन लाक देत्‍कान्‍ते ङुरूङ परमेश्‍वर थेमे लुई रीउ ईन,” सिन ओतान।