याकूब 5:11 - जिरेल

¹¹ जतिराङ दुक्‍पा ओङजीनोङ खपे खिन देत्‍कान्‍ते मि भाग्‍यमानी ईन सिन ङुरूङला छ्या ओत। थाङबो अय्‍यूबकी चुक दुक्‍पा खपे खाबा ओताने थेमे थे दुक्‍पा खपे खाईन सिन्‍नामेकी प्रभु परमेश्‍वरगी थेला चुक लेमु खाबा ओताने सिन ख्‍योकोनला छ्याराङ ओत। प्रभु परमेश्‍वरचेन मिओनला आउदी ङिङज्‍ये खित्‍कान्‍ते ईन। थे आउदी दया खित्‍कान्‍ते ईन।

याकूब 5:11 Iomraidhean Croise

मत्ती 10:22

ङे मि ईन्‍देकीराङ मि गाङेकी ख्‍योकोनला मिगी थोङसार्मु खिओ। थोक थोक दुक्‍पा ओङजीनोङ सेम मेसेता खाला ङाला विश्‍वास खिन देत्‍कान्‍ते मिलाचेन परमेश्‍वरगी गाङे दुक्‍पादुकी डेल्‍ग्‍यो।

लूका 1:50

थे खोरोङला माने खित्‍कान गाङेला थेकी पुस्‍ता पुस्‍तासाकराङ दया खिन देत्‍क्‍यो।

लूका 11:10

च्‍यिला सासीन नाङ खित्‍कान गाङेला थेकी तेरग्‍यो। छोल्‍कान गाङेकी ङेत्‍क्‍यो। थोकराङ खाला गो पेत्‍ला नाङ सिरकान्‍तेबालाङ परमेश्‍वरगी नाङने स्‍योक सिओ।

लूका 6:36

थोगी आबा परमेश्‍वरगी मिओनला ङिङज्‍ये खाबा च्‍योकराङ खाला ख्‍योकोनगीङ ज्‍येनला ङिङज्‍ये खि।

रोमी 2:4

ख्‍योकोनलाचेन खेराङ लेमु मि ईन्‍गीनका परमेश्‍वरगी आउदी दया खाला लेमु खिन ओताते ईन सिराच्‍योक लाङगीतासीन। तर बात दोक मेन। ख्‍योकोनगी खेराङ पापी दुका सिन छ्या स्‍येला थे खोरोङ छ्य्‌वापा लै खित्‍स्‍यीत सिनका परमेश्‍वरगी थरिङसाक छ्याःङ मिक्‍किता खाईन देताते ईन सिन ख्‍योकोनगी छ्या स्‍येबा खि।

एफिसी 1:6

थे खोरोङ ङिङज्‍येते फुज्‍युङ येशू ख्रीष्‍टकी खित्‍सादु थेकी ङुरूङला खितासम्‍म दया खाबा ओत। थे खोरोङ चुक अचम्‍ब खाला दया खित्‍कान्‍ते ईन्‍दे सिन थेते जय जय खिता थुप्‍स्‍यीत सिन थेकी ङुरूङला गोमाका होथोक थोक खाबा ओतान।

एफिसी 2:4

तर परमेश्‍वर आउदी लेमु खित्‍कान्‍ते ईन्‍देकी थेकी ङुरूङला आउदी ङिङज्‍ये खाईन

हिब्रू 10:39

तर ङुरूङचेन परमेश्‍वरला विश्‍वास खिता ताङला नरककुण्‍डमा स्‍यूक्‍कान्‍ते मि नाङ माफाबो। ङुरूङनी थेला विश्‍वास खिन देत्‍कीन थेकी पूरो खाईन पापदुकी टाल्‍गीन स्‍वर्गने देत ज्‍युत्‍च्‍येते मि नाङका फाप्‍क्‍यो।

हिब्रू 3:14

च्‍यिला सासीन स्‍याप छोमुसाकराङ ङुरूङगी परमेश्‍वरगी खिओ साबाच्‍योक पक्‍काराङ खिओ सिरच्‍येते बातला गोमा खाबा च्‍योकराङ छ्याःङ शंका मिक्‍किता खाला देता फाप्‍क्‍यो। दोक खाईन देत्‍सीन ख्रीष्‍टताङ डिक्‍ला ङुरूङगी थेकी ङेत्‍च्‍येते आशी ङेत्‍क्‍यो।

हिब्रू 3:6

ख्रीष्‍टकीङ थे खोरोङ काम लेमु खाईन खाबा ओतान। तर थेचेन मोशा च्‍योक्‍ते मेन। मोशा सुइँदे खाम्‍बादु काम खित्‍कान्‍ते मि च्‍योक ओतान सासीन ख्रीष्‍टचेन होथे खाम्‍बे धनी फुज्‍युङ च्‍योकराङ ईन। थेमे ङुरूङचेन थे खाम्‍बे मि ईन। थोक ईन्‍सीनोङ जस्‍तो ओङजीनोङ ज्‍यीबा मिक्‍किता खाईन थेमे सेम मेसेता खाईन परमेश्‍वरगी था तिरी दाक्‍पोनला तेरग्‍यो साबाते गाङे ङेत्‍क्‍यो सिन थेला विश्‍वास खिन देत्‍सीनकामा ङुरूङ थे खाम्‍बे मि ईन।

याकूब 1:12

थेमे दुक्‍पा ओङजीन खपे खिन देत्‍कान्‍ते मि भाग्‍यमानी ईन। च्‍यिला सासीन थोक्‍ते दुक्‍पा खपे खाईन सिन्‍नामेकी थोक्‍ते मिला परमेश्‍वरगी थे खोरोङला ङिङज्‍ये खित्‍कान्‍ते मिओनला तेरग्‍यो साबाते इनाम तेरग्‍यो। थे इनामचेन नोमुङ मिसिन्‍च्‍येते जुनी ईन।

याकूब 1:2

आज्‍यो न्‍वावे, ख्‍योकोनला थरी थरी दुक्‍पा ओङजीन थोकनी लेमु ओङालाका ओङाते ईन सिन गा खि।

१ पत्रुस 1:13

परमेश्‍वरगी ख्‍योकोनला दोक लेमु खाबा ओतेकी था ख्‍योकोनगी थेकी खि साबाते काम खित्‍च्‍ये छ्य्‌वापाकामा स्‍येत खि। दाक्‍पोन सेम काबूला स्‍योक। थेमे येशू ख्रीष्‍ट ग्‍युरला ओङे छोमु परमेश्‍वरगी ख्‍योकोनला दया खाला पूरो खाला पापदुकी टाल्‍ला लेमु खिओ साबाते पक्‍काराङ खिओ सिन खेराङगी आश खाईन देता च्‍योकराङ ओङगो सिन टोक माज्‍येत।

१ पत्रुस 3:14

खेराङगी दोक खाला लेमु काम खित्‍जीनोङ सुइँदेकी ख्‍योकोनला दुक्‍पा तेरगीदुक सासीन ख्‍योकोन भाग्‍यमानी ईन। थोक खाला दुक्‍पा तेरकान्‍तेबाताङ ख्‍योकोनगी छ्याःङ ज्‍यीबा माकेत, सुर्ताङ खिता माफाबो।

२ पत्रुस 2:9

प्रभु परमेश्‍वरगी गोमा दोक दोक खाबाते बात विचार खित्‍जीन थे खोरोङगी खि साबा साबाच्‍योक खित्‍कानला मेलेबा लाङजीन, दुक्‍पा ओङजीन थेबाला चुक खाला थे छ्य्‌वापेई डेला फाप्‍कीते थेमे मेलेबा काम खित्‍कानलाचेन चुक खाला सजाय तेरा फाप्‍कीते सिन थेला छ्या ओत सिरच्‍येते बात लेमु खाला छ्या स्‍येबा थुप्‍कीदुक।