याकूब 4:8 - जिरेल

⁸ ख्‍योकोन परमेश्‍वर दोन्‍दु ग्‍युक। थेमे थे ख्‍योकोन दोन्‍दु ओङगो। ख्‍योकोन पापीओनगी था पाप खिता थोङ। परमेश्‍वरगी खि साबातेङ ङेन्‍दा छोल्‍च्‍या, दाक्‍पोन खुशीङ खिता छोल्‍कान्‍ते सेम ङि ओताते मिओनगीङ था थोक्‍ते बानी थोङ।

याकूब 4:8 Iomraidhean Croise

मत्ती 12:33

बात च्‍यि सासीन रोग लै माक्‍याबाते दोङबोलाकामा लेमु खाला फलफूल गोन्‍ग्‍यो। रोग लै खाबाते दोङबोलाचेन लेमु खाला फलफूल मोगोनो। थोक ईन्‍देकी फलफूल तालाराङ थे दोङबो रोग लै खाबातेताङ माक्‍याबाते चुक्‍ते ईन्‍दे सिन डेला थुप्‍क्‍यो।

मत्ती 15:2

“खुई चेलाओन च्‍यिला ज्‍युज्‍यु पुर्खे पालोमेई चले खिन वाबाते रीतिथिति माने मिक्‍किका? साप सा बेलाला लाक्‍पा ठुत्‍जीन थेबा च्‍यिला थे रीतिथितिला खि साबा च्‍योकराङ खाला लाक्‍पा मुठुता खाला साप सेइका?” सिन सिराला स्‍यूसुङ।

मत्ती 27:24

थेकी जे खित्‍जीनोङ छ्याःङ सीप लै माक्‍यासुङ। बरू थेरू मिओनगी हूलदङ्गाका मच्‍चे खाओङ सिराच्‍योक गालेकी थेकी गाङे दोन्‍दु लाक्‍पा ठुत्‍कीन “लो ख्‍योकोन दि बात छ्या स्‍येबा खि, दि गल्‍तीराङ मेताते मिला सेताते ङेते छ्याःङ दोष मेत। दिला सेत च्‍युताते ख्‍योकोनगीराङ ईन,” सिन सासुङ।

शक्ति काम 15:9

थेबेकी येशूला विश्‍वास खाबेकी खित्‍सादु परमेश्‍वरगी थेबे पाप गाङे माफ बिन्‍गीन थेबे सेम लेमु जोसुङ। थोक खाईन थेकी ङुरूङ यहूदीताङ थेबाला दोक्‍पोईराङ सम्‍झे खाबा ओत।

२ कोरिन्‍थी 7:1

थोगी ङिङज्‍येते आज्‍यो न्‍वावे, परमेश्‍वरगी थोक थोक खिओ सिन साबाते ङुरूङ लाईदुङ ईन्‍देकी ङुरूङगी काम बात जे खित्‍जीनोङ थेला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेला मान खिता फाप्‍क्‍यो। थेमे सेम खुदुक गालाते मि ईन्‍देकी ङुरूङगी लेमुते कामताङ बातकामा खिन देता फाप्‍क्‍यो।

१ तिमोथी 2:8

थेमे ङा च्‍यि सिते सासीन येशू ख्रीष्‍ट मिओन जम्‍मा ओङजीन गाङेपा ख्‍योओ मिओनगी प्रार्थना खिता फाप्‍क्‍यो। प्रार्थना खिताला लाक्‍पा लोङजीन थेबा मेलेबा काम खिता ताङगीन सिन्‍दाते मि ओङा फाप्‍क्‍यो। थेबेकी सुङताङ स्‍येदाङ खुरा मेङगो। थेमे थेबा थोम्‍मु जीङगा खिता छोल्‍कान्‍ते मि ओङा मेङगो।

हिब्रू 10:22

बात दोक दोक ईन्‍देकी छ्याःङ शंका मिक्‍किता खाला परमेश्‍वरला विश्‍वास खिन सेमदु पाप सिराते छ्याःङ मोज्‍योबा खाला ङुरूङ थे दोन्‍दु ड्वा फाप्‍क्‍यो। च्‍यिला सासीन येशू ख्रीष्‍टकी खाबाते कामगी खित्‍सादु ङुरूङ पाप गाङे माफ ओङेकी था ईन्‍सीन ङे पाप पूरो खाईन माफ ओङसुङ सिन ङुरूङ ढुक्‍क खाला देता थुप्‍च्‍या ओङा ओत। थेमे चङगेते छ्युईकी ठु खाईन चोके खाबाते मि ओङा ओत।

हिब्रू 7:19

च्‍यिला सासीन थे नियमला खि साबाच्‍योक खासीनोङ मि सुङ पूरो खाईन पापकी छ्य्‌वापेई ठाला माथुप्‍सुङ। तर नियम साटोला थानी परमेश्‍वरगी पूरो खाला पापदुकी ठाल्‍च्‍येते ज्‍येन लाम जोबा ओतेकी ङुरूङते आश ओत। थेकी दोक खाबा ओतेकी थाचेन ङुरूङ थे दोन्‍दु ड्वा थुप्‍क्‍यो।

याकूब 1:8

थोक्‍ते मिचेन सेम ङि ओताते मि ईन्‍देकी थेकी जे खित्‍जीनोङ नोमुङ ङा दिराङ खितामीन सिन सिरा मुथुबो।

याकूब 3:17

तर परमेश्‍वरगी बिन्‍दाते बुद्धि ङेता ओताते मिओनगीचेन काम बात जे खित्‍जीनोङ लेमुतेकामा खिओ, थेबा ज्‍येनताङ डिक्‍ला थुन्‍ला देता छोल्‍ग्‍यो, गाङेताङ खा छ्येत लेमु खिओ, दाक्‍पोन भन्‍दा छ्येकी साबाते ङेन्‍ग्‍यो, ज्‍येनला ङिङज्‍ये खाला लेमु लेमु काम खिओ, सुङलाङ काका पाका मिक्‍किओ थेमे सेमला मेलेबा विचार मोज्‍योओ।

१ पत्रुस 1:22

सत्‍यते बात ङेन्‍गीन ख्‍योकोन सेम खुदुक गालेकी ख्‍योकोनगी ज्‍येन आज्‍यो न्‍वाला खेकीकामा मेन्‍देकी पक्‍काराङ ङिङज्‍ये खित्‍च्‍येते ईन। थोगी ख्‍योकोनगी दोक्‍पोईकी ज्‍येनज्‍यीकला आउदी खाला ङिङज्‍ये खि।

१ पत्रुस 3:21

थे भलदुकी थोक खाईन नूहताङ थे मिओन सोन्‍दाते बातचेन थरिङोला परमेश्‍वरगी मिला पापदुकी डेल्‍च्‍येते बप्‍तिस्‍मा तेरच्‍येते बातताङ डिइओ। चुक खाला सासीन छ्युला लुक्‍ला बप्‍तिस्‍मा तेरच्‍येते काम ठु खाला जीउकी ङेक्‍च्‍युक क्‍युरच्‍येते च्‍योक मेन। बप्‍तिस्‍मा लिन्‍कान्‍ते मिकीनी परमेश्‍वरगी ङाला पापदुकी टाल्‍ला ङे सेम लेमु जोरस्‍यीत सिन बप्‍तिस्‍मा लिन्‍च्‍येते ईन। परमेश्‍वरगी थोक्‍ते मिला पापदुकी डेल्‍च्‍येतेचेन येशू ख्रीष्‍ट सोम्‍बो लोक्‍पा ओतेकीराङ ईन।

१ यूहन्‍ना 3:3

तिरी पक्‍काराङ दोक ओङगो सिन आश खाला देत्‍कान्‍ते मिकीचेन ख्रीष्‍टकी च्‍योकराङ मेलेबा काम सिराते छ्याःङ मिक्‍किता खाला देत्‍क्‍यो।