याकूब 4:5 - जिरेल

⁵ थेमे परमेश्‍वर बातला परमेश्‍वरगी ङुरूङला बिन्‍दाते आत्‍मेकीचेन ङुरूङगी परमेश्‍वरगी साबातेकामा ङेन्‍स्‍यीत सिन आउदी सेम खिओ सिन साबाते च्‍यि ख्‍योकोनला थाराङ साबाते ईन्‍दासीन सिराच्‍योक लाङगीदुक?

याकूब 4:5 Iomraidhean Croise

यूहन्‍ना 10:35

परमेश्‍वर बातला टिबाते बात फरकराङ परे मिक्‍किओ। मिओनताङ बात खित्‍जीन परमेश्‍वरगी थेबाला ‘परमेश्‍वर फुज्‍युङ फुमु ईन,’ सिन साबा ओतान।

यूहन्‍ना 19:37

थेमे परमेश्‍वर बातला ज्‍येनज्‍यीक ठाउँदु “थेबेकी खोपरोङगी बार्सा रोपे खाबाते मिलाराङ तेइओ,” सिनोङ टिबा ओत।

यूहन्‍ना 7:42

च्‍यि परमेश्‍वर बातला ख्रीष्‍ट दाऊद गेल्‍बो सन्‍तान नाङ केइओ। थेमे थाङबो दाऊद गेल्‍बो केकीन हुर्के खाबाते बेथलेहेम युलदुराङ केइओ सिन साबा मेतरो?” सिन सिदुक।

शक्ति काम 7:9

याकूब फुज्‍युङबेकी खोपरोङ न्‍वा यूसुफला आउदी खाला डार खिन ओतान। थोगी गाङेराङ डिगीन ङीमाई थेबेकी यूसुफला मिश्रे लुङबामा डोकान्‍ते मिओनला च्‍वाकीन ताङसुङ। मिश्रमा लेप्‍नामेकी यूसुफ योक्‍पो ओङगीन देता फाप्‍सुङ। ईन्‍सीनोङ परमेश्‍वर थेत्ताङराङ ओतान।

रोमी 1:29

थोगी थेबेकी परमेश्‍वरगी खिता मेङगो सिन साबाते मेलेबाते कामताङ बातकामा खित्‍च्‍येते, लोभ खित्‍च्‍येते थेमे खालि ज्‍येनला खेदापानी खित्‍च्‍येते खिताला स्‍यूसुङ। थोकराङ खाईन डार खित्‍च्‍येते, मि सेत्‍च्‍येते, थोम्‍मु जीङगा खित्‍च्‍येते, ज्‍येनला ठगे खित्‍च्‍येते, मिला मोता सराप खित्‍च्‍येते थेमे मि बात खिन ख्‍याम्‍च्‍येते खिताला स्‍यूसुङ।

रोमी 9:17

थे खोरोङला जस्‍तो खिता सेम लाङगीदुक थोकराङ खिओ सिन परमेश्‍वरगी मिश्रे गेल्‍बो फारोला साबाते बात परमेश्‍वर बातला दोक सिन टिला दुक। चुक सासीन “ङे खुई लुङबादु खाबाते काम थोङला सा लुङबा खाङगी मि गाङेकी ङात्ताङ चुक छ्येज्‍यीक शक्ति ओता ईन्‍दाका थेमे ङा चुक्‍ते परमेश्‍वर ईन्‍दाका सिन छ्या स्‍येस्‍यीत सिनराङ ङे खोल्‍ला दि लुङबे गेल्‍बो जोबाते ईन,” सिन साला दुक।

१ कोरिन्‍थी 6:19

परमेश्‍वरगी ख्‍योकोनला बिन्‍दाते परमेश्‍वर आत्‍मा ख्‍योकोन नाङ देत्‍क्‍यो। थोगी ख्‍योकोन जीउ परमेश्‍वर आत्‍मे मन्‍दिर ईन सिन च्‍यि ख्‍योकोनला छ्या मेत? थोक ईन्‍देकी ख्‍योकोनगी खेराङ खुशी खिता मेङेदो। परमेश्‍वर ख्‍योकोन मालिक ईन।

२ कोरिन्‍थी 6:16

परमेश्‍वर मन्‍दिर ओङगीन सिन्‍दाते मिओन ल्‍हा ल्‍हन्‍डीकताङ चुक खाला डिक्‍पा ओङगीते? ङुरूङनी सोम्‍बोते परमेश्‍वर मन्‍दिर ईन। ङुरूङ थोक्‍ते मि ईन सिन परमेश्‍वरगी थे खोरोङ बातला “ङा थेबाताङ ङ्योम्‍बुराङ देत्‍क्‍यो। दोक खाला ङा थेबे परमेश्‍वर ओङला थेबाला ङाराङ मि ईन सिओ,” साबा ओत।

गलाती 3:8

ज्‍येन ज्‍येन जातकी मिलाङ तिरी थेबेकी थे खोरोङला विश्‍वास खितेकी खित्‍सादु परमेश्‍वरगी थेबाला दोषी मेन सिओ सिन गोमाकाराङ परमेश्‍वर बातला टिबा ओतान। दोक ओङगो सिरच्‍येते गा लाङच्‍येते बात खाईन परमेश्‍वरगी अब्राहामला “खुई छ्य्‌वापेकीराङ लुङबा लुङबे मिकी आशी ङेत्‍क्‍यो,” सिन साबा ओतान।

तीतस 3:3

गोमाबा ङुरूङोङ सो साकान पशु च्‍योकराङ ओतान। ङुरूङगी परमेश्‍वरगी साबाते खाङोङ बात माङेन, ङुरूङ ङ्येकीन गाला ओतान। थेजीन ङुरूङ दोक माक्‍याबाला ओङराङ मेङगो सिराच्‍योक खाला दाक्‍पोन सेमला लाबा लाबा खिता ओङच्‍या मेङच्‍या कामओन खिन ओतान। ङुरूङ जहिलेङ मेलेबाकामा खिन थेमे ज्‍येनला डार खिन ओतान। दोक खाला ङुरूङ गाङे नाङ दोक्‍पोईकी ज्‍येनज्‍यीकला मिगी थोङसार्मु खित्‍च्‍येतेकामा खिन ओतान।