याकूब 4:4 - जिरेल

⁴ ख्‍योकोनचेन परमेश्‍वरला माने खिता ताङाते मि ईन। दि सा लुङबे मि च्‍योकराङ सम्‍पत्ति छ्य्‌वापा सेम लै खित्‍कानताङ दाक्‍पोन विचारकामा खित्‍कान्‍ते मि परमेश्‍वरताङ डिक्‍पा मुथुबो सिन च्‍यि ख्‍योकोनला छ्या मेत? सम्‍पत्ति छ्य्‌वापा सेम लै खित्‍कानताङ दाक्‍पोन विचारकामा खित्‍कान्‍ते मिनी परमेश्‍वरताङ डिक्‍पाराङ मुथुबो।

याकूब 4:4 Iomraidhean Croise

मत्ती 12:39

थोक सिरजीन थेकी “ख्‍योकोन था समय मिओननी परमेश्‍वरला माने खिता ताङगीन मेलेबा मेलेबा काम खित्‍कान ईन। ङा ख्‍योकोनगी साबाच्‍योक खितराङ मिक्‍किओ। था ख्‍योकोनगी परमेश्‍वर बात खित्‍कान्‍ते योनाला ओङाते च्‍योक्‍ते कामज्‍यीककामा थोङा ङेत्‍क्‍यो।

मत्ती 16:4

ख्‍योकोन था समय मिओननी परमेश्‍वरला माने खिता ताङगीन मेलेबा मेलेबा काम खित्‍कान ईन्‍देकी ङाला खालि खइँदा अचम्‍बते काम खाला तेन खिदुक। ङा ख्‍योकोनगी साबाच्‍योक खितराङ मिक्‍किओ। था ख्‍योकोनगी परमेश्‍वर बात खित्‍कान्‍ते योनाला ओङाते च्‍योक्‍ते कामज्‍यीककामा थोङा ङेत्‍क्‍यो,” सिन सिदुक। थोक साकीन च्‍याकीन थे थेरूई दाक ख्‍याम्‍सुङ।

मत्ती 6:24

योक्‍पोकी जुन खाम्‍बादु देत्‍ला दुक थे खाम्‍बे धनीकी कोताते बातकामा ङेन्‍दा फाप्‍क्‍यो। ज्‍येन मालिककी कोताते थेकी ङेन्‍दा मुथुबो। मालिक ङि ओङसीन थेला खाङ मालिकते मन परे खिका थेकी कोताते ङेन्‍ला थेलाराङ खुशी जोइओ। ज्‍येनतेकी कोतातेलाचेन थेकी नामज्‍योकराङ मेसेदो। योक्‍पोज्‍यीगी मालिक ङिला लेमु खिता माथुपा च्‍योकराङ खाला ख्‍योकोनगीङ परमेश्‍वरलाङ सम्‍पत्तिलाङ माया खिता मुथुबो। परमेश्‍वरला माने खासीन सम्‍पत्ति माया मारे खिता फाप्‍क्‍यो, सम्‍पत्ति माया खासीन परमेश्‍वरला माने खिता मुथुबो।

लूका 19:27

थेमे ङा गेल्‍बो मेङस्‍यीत सिन ङे विरोध खित्‍कान्‍तेबा सु सु ईन्‍दाका ख्‍योकोनगी थेबाला दुरू ङे दोन्‍दु खुलाला सेत,’ सिन सादुक्‍लो,” सिन सिदुक।

यूहन्‍ना 15:19

ख्‍योकोनोङ दि सा लुङबे मिराङ ईन्‍दा ईन्‍सीन थेबेकी ख्‍योकोनला खोपरोङ मिला च्‍योकराङ खाला ङिङज्‍ये खित्‍च्‍या ओतान। ख्‍योकोनला ङे थेबे नाङदुई छाने खाबाते ईन्‍देकी ख्‍योकोनचेन दि सा लुङबे मि मेन। थोगीराङ थेबेकी ख्‍योकोनला मिगी थोङसार्मु खिओ।

यूहन्‍ना 17:14

ङे दिबाला खुई साबाते बातओन लापाप। दि सा लुङबे मिओनगी दिबाला किला च्‍योकराङ खासुङ। दिबाङ ङा च्‍योकराङ दि सा लुङबे मि मेन्‍देकीराङ ज्‍येनतेबेकी दिबाला थोक खासुङ।

यूहन्‍ना 7:7

दि सा लुङबे मिओनगी ख्‍योकोनला छ्याःङ मिक्‍किओ। तर ङे थेबाला ख्‍योकोनगी दि दि मेलेबा काम खिन दुक सिन साबेकी खित्‍सादु थेबेकी ङालाचेन मिगी थोङसार्मु खिओ।

रोमी 5:10

ङुरूङ थेत्ताङ माडिक्‍ला थे विरोध खिन ओत्‍कीन ओत्‍कीनोङ थे खोरोङ फुज्‍युङ ङुरूङ लाईदु स्‍याप्‍ते ईन्‍देकी परमेश्‍वरगी ङुरूङला थे खोरोङताङ डिक्‍पा खाबा ओत। थेमे येशू स्‍यिसादुकी सोम्‍बो लोगीन सोम्‍बोराङ ओतेकी खित्‍सादु परमेश्‍वरगी ङुरूङला पूरो खाला पापदुकी टाल्‍ला स्‍वर्गने देत ज्‍युत्‍क्‍यो।

रोमी 8:7

दाक्‍पोन खुशीला ख्‍याम्‍कान्‍ते मिचेन परमेश्‍वर विरोध खित्‍कान्‍ते ईन। थोक्‍तेबेकी परमेश्‍वर नियम मेङेनो। थेबेकी थेरू खि साबाच्‍योक खिताराङ मुथुबो।

१ कोरिन्‍थी 1:20

परमेश्‍वरगी थोक साबेकी च्‍यि था आउदी बुद्धि ओताते मिओन बुद्धि काम लै खित्‍च्‍या ओङसुङ? थेमे च्‍यि काल्‍बेई पढे खित्‍कान्‍तेबेकी था खइँदा खिता थुप्‍च्‍या ओङसुङरो? थोकराङ खाला च्‍यि थरिङोला बात खिताला आउदी सिपालु ओत्‍कान्‍तेबेकीङ था खइँदा खिता थुप्‍क्‍योतरो? दि सा लुङबे मिओनगी आउदी बुद्धिताङ सीप ओताते मि साबाते मिओन बुद्धि परमेश्‍वरगी छ्याःङ काम लै मिक्‍किच्‍या जोबा ओत।

१ कोरिन्‍थी 1:21

दोक खाईन आउदी बुद्धि पुरे खाला काम खित्‍कान्‍ते परमेश्‍वरगी दि सा लुङबे मिओनगी जति बुद्धि खिये खासीनोङ खोपरोङ बुद्धिकी थेला छ्या स्‍येबा मुथुबो सिन तेन्‍गीन बिन्‍दा ओत। मिओनगी लेम्‍बे बात ईन सिरच्‍येते ङ्योकोनगी लोप्‍च्‍येते बातराङ मिओनगी ङेन्‍स्‍यीत थेमे दि बात ङेन्‍ला येशूला विश्‍वास खित्‍कान्‍तेबाला पापकी सजायदुकी डेल्‍ग्‍यो सिन परमेश्‍वरगी टुङ्गो खाईन दोक खिताराङ थेला लेमु लासुङ।

गलाती 1:10

ङे दोक सिन सिनोङ थोरूमोङ च्‍यि परमेश्‍वरला मेन्‍देकी मिओनला खुशी ज्‍वाप्‍लाका ङे दि बातओन साबाते ईन्‍दासीन सिराच्‍योक लाङगीदुक? ना मिओनगी ङाराङला लेमु मि सिरस्‍यीत सिन ङे दोक साबाते ईन सिराच्‍योक लाङगीका? ङा थोक खाला मि मान छोल्‍कान्‍ते ईन्‍सीन ङा ख्रीष्‍टकी काम खित्‍कान्‍ते ईन सिन ङे चुक खाला सिरा थुप्‍च्‍या ओतानेरो?

याकूब 1:27

आबा परमेश्‍वरगी खि साबाच्‍योक खित्‍च्‍या सिरातेनी सुङ मेत्‍कीन दुक्‍पा ङेता ओताते ट्वारा टिङग्रेताङ ख्‍योबो स्‍याप्‍ते फेम्‍मे मिओन दुक्‍पा थोङला थेबाला लेमु खित्‍च्‍येते थेमे परमेश्‍वरला छ्या मेस्‍येकान्‍ते दि सा लुङबे मिओनगी खिताच्‍योक मेलेबा काम मिक्‍किच्‍येते ईन।