याकूब 4:3 - जिरेल

³ नाङ सासीनोङ ख्‍योकोनगी छ्याःङ मेङेत्‍तुक। च्‍यिला सासीन ख्‍योकोन खेराङला खिता सेम लाबा लाबा खिताला खालि खेराङला च्‍यि लेमु लाङगीका होथोक्‍ते नाङ खिदुक।

याकूब 4:3 Iomraidhean Croise

मत्ती 20:22

थोक सिरजीन येशूकी थेबा पुन ङिबोला “ख्‍योकोनचेन स्‍वर्गे राज्‍यने मान ङेत्‍ला देता छोल्‍गीदुक। थेने छ्ये ओङला देत्‍च्‍येते चुक ईन्‍दे सिन ख्‍योकोनला छ्या मिन्‍दुक। च्‍यि ङे भोगे खिता फाप्‍च्‍येते दुक्‍पा ख्‍योकोनगीङ भोगे खिता थुप्‍क्‍यो?” सिन सिरजीन थेबेकी “थुप्‍क्‍यो,” सिन सिदुक।

मर्कूस 10:38

थोक सिरजीन थेकी “ख्‍योकोनचेन परमेश्‍वर राज्‍यने छ्ये ओङला देता छोल्‍गीदुक। थेने छ्ये ओङला देत्‍च्‍येते चुक ईन्‍दे सिन ख्‍योकोनला छ्या मिन्‍दुक। च्‍यि ङे भोगे खिता फाप्‍च्‍येते दुक्‍पा ख्‍योकोनगीङ भोगे खिता थुप्‍क्‍यो? थेमे ङा च्‍योकराङ खाईन स्‍या फाप्‍सीनोङ स्‍याप्‍ला नाइँ मिसिरो?” सिन सिदुक।

लूका 11:10

च्‍यिला सासीन नाङ खित्‍कान गाङेला थेकी तेरग्‍यो। छोल्‍कान गाङेकी ङेत्‍क्‍यो। थोकराङ खाला गो पेत्‍ला नाङ सिरकान्‍तेबालाङ परमेश्‍वरगी नाङने स्‍योक सिओ।

लूका 15:13

टिक्‍पी दिन तिरी कान्‍छातेकी च्‍यि खाकालो सासीन थे खोरोङ अंशबरी गाङे च्‍वाकीन आउदी थारी लुङबाज्‍यीक्‍तु गाल्‍दुक्‍लो। थेमे ओताते पैसाबरी मनपरी खाईन पुरदुक्‍लो।

लूका 15:30

रन्‍डीताङ रूला खुई सम्‍पत्ति पुरकान्‍ते खुई फुज्‍युङ ग्‍युरला ओङजीन खुईनी खोक्‍पो खाईन भोजका लै खादुक। दोगोङ खुई च्‍यि खाबे?’ सिन सादुक्‍लो।

याकूब 4:1

ख्‍योकोन नाङ थोम्‍मु जीङगा च्‍यिला स्‍योरगीका? च्‍यि खेराङला खिता सेम लाबा लाबा खिता छोल्‍सादुराङ दोक ओङच्‍येते मेनरो?

१ यूहन्‍ना 3:22

थेमे ङुरूङगी जे नाङ सासीनोङ परमेश्‍वरगी दाक तेरग्‍यो। च्‍यिला सासीन ङुरूङ थेकी खि सिन कोताते ङेन्‍ग्‍यो थेमे थेला मन परे खित्‍च्‍येते काम खिओ।

१ यूहन्‍ना 5:14

ङुरूङगी खाबाते प्रार्थना परमेश्‍वरगी पक्‍काराङ थोक्‍यो सिन ङुरूङला छ्याराङ ओत। ङुरूङगी खइँदा बातकी लाईदु प्रार्थना खासीन थेमे थे बात परमेश्‍वरगी खिता चाला च्‍योकराङ ईन्‍सुङ सासीन ङुरूङगी थेला जे नाङ सासीनोङ थेकी ङेन्‍ग्‍यो।