याकूब 4:2 - जिरेल

² ख्‍योकोन ङाला दि ओत्‍सीन ओङच्‍या ओतान, थे ओत्‍सीन ओङच्‍या ओतान खिदुक। तर ख्‍योकोनगी ओङसीन ओङच्‍या ओतान सिराच्‍योक खाबाते छ्याःङ मेङेत्‍तुक। ख्‍योकोन मि जाला लोभ खिदुक थेमे खेराङगी साबाते माङेत्‍सीन मिङ सेता छोल्‍गीदुक। दोक खाला ख्‍योकोन थोम्‍मु जीङगा खिदुक। ईन्‍सीनोङ ख्‍योकोनगी छ्याःङ मेङेत्‍तुक। च्‍यिला सासीन ख्‍योकोनगी परमेश्‍वरला नाङराङ मिसिरदुक।

याकूब 4:2 Iomraidhean Croise

यूहन्‍ना 16:24

थातासाक ख्‍योकोनगी ङे मिन लाकीन आबाताङ छ्याःङ नाङ खाबा मेत। था ख्‍योकोनगी आबाला नाङ खि। ख्‍योकोनगी नाङ खाबाते ङेत्‍नामेकी छ्याःङ पीर मिक्‍किता खाला ख्‍योकोन आउदी खाला गा खिओ।

यूहन्‍ना 4:10

थे फेम्‍मे मिकी थोक सानामेई थेकी “परमेश्‍वरगी च्‍यि तेरगीते सिन खुई छ्या स्‍येबा ईन्‍सीन थेमे थाल्‍ला खोल्‍ला छ्यु नाङ सिरकान्‍ते सु ईन्‍दे सिन छ्या स्‍येबा ईन्‍सीन खुईका ङाला छ्यु थुङा नाङ सिरच्‍या ओतान। थेमे ङा खोल्‍ला जुनी ङेत्‍च्‍येते छ्यु थुङा तेरच्‍या ओतान,” सिन सिदुक।

याकूब 1:5

थेमे ख्‍योकोन सुइँदाला च्‍यि खित्‍च्‍ये, चुक खित्‍च्‍ये सिन छ्या मेते बेलाला चुक खित्‍च्‍ये सिन बुद्धि नाङ सिन परमेश्‍वरताङ प्रार्थना खि। दोक खानामेई मिओनला लेमु खित्‍कान्‍ते ईन्‍देकी थेकी छ्याःङ दुक्‍स्‍यी मिक्‍किता खाला खेराङला गोबाते बुद्धि तेरग्‍यो।

याकूब 5:6

ख्‍योकोनगी छ्याःङ खिता मुथुप्‍कान्‍ते सुधोते मिओनला थाराङ दोष लै खाईन सेत्‍सुङ। थेबेकी ख्‍योकोनला छ्याःङ मेलेबा खाबा मेतान।

१ यूहन्‍ना 3:15

दाक्‍पोन आज्‍यो न्‍वाला मिगी थोङसार्मु खित्‍कान्‍ते मिचेन ज्‍यानमारा ईन। थोक्‍ते मि नोमुङ मिसिन्‍च्‍येते जुनी ङेताते मि मेन सिन ख्‍योकोनला छ्याराङ ओत।