याकूब 4:17 - जिरेल

¹⁷ सुइँदेकी दाक्‍पोनगी चुक खिता फाप्‍कीते, च्‍यि खिता फाप्‍कीते सिन छ्या स्‍येकीन स्‍येकीनोङ थोक माक्‍यासीन थेकी पाप खाबाते ईन।

याकूब 4:17 Iomraidhean Croise

यूहन्‍ना 13:17

दि बात ख्‍योकोनगी छ्या स्‍येबा ओत। खेराङगी छ्या स्‍येबा ओताच्‍योक खाईन कामोङ खासीन परमेश्‍वरगी ख्‍योकोनला आशी तेरग्‍यो।

यूहन्‍ना 15:22

ङा दुरू माबा ईन्‍सीनताङ थेबाला छ्याःङ मालापा ईन्‍सीन थेबेकी पाप खाबाते ईन सिन सिरा ओङच्‍या मेतान। थानी थेबेकी ङ्योकोनगी छ्याःङ पाप खाबा मेत सिन सिराराङ मेङेदो।

यूहन्‍ना 9:41

थेमे थेकी थेबाला “ख्‍योकोन अन्‍ध ईन्‍दा ईन्‍सीन ङा ख्‍योकोनगी पाप खाबाते ईन सिन सिरच्‍या मेतान। तर ख्‍योकोनचेन लेमु खाला थोङगीदुक खिदुक। दोक साबेकीराङ ख्‍योकोन पापदुकी ठाला मुथुबो,” सिन सिदुक।

रोमी 1:32

होथोक्‍ते मेलेबा काम खित्‍कान्‍ते गाङेकी सजाय ङेत्‍ला स्‍या फाप्‍क्‍यो सिन परमेश्‍वर नियमला साबाते बात छ्या ओत्‍कीन ओत्‍कीनोङ मिओनगीचेन खोपरोङकामा मेलेबाते काम खिन देत्‍च्‍येते मेनगी ज्‍येनगी थोक्‍ते काम खाबा थोङजीन थेबेकी चुक लेमु खासुङा सिन गाका खिओ।

रोमी 7:13

परमेश्‍वर नियम दोक लेमु ईन्‍गीन ईन्‍गीनोङ ङा थेरू तोके खाबाते सजाय भोगे खिन स्‍या फाप्‍च्‍या ओङाते थे नियमगी खित्‍सादु मेन। दोक माकेत, थोक माकेत सिरच्‍येते नियम लेमु ईन्‍सीनोङ ङे थेरू माकेत साबाते खाईन पाप खाबेकीका ङा थोक खाईन थे नियमला तोके खाबाते सजाय ङेत्‍ला स्‍या फाप्‍च्‍या ओङाते ईन। पापकी खित्‍सादु दोक ओङेकी दि पाप सिराते चुक मेलेबा ईन्‍दे थेमे दिकी खित्‍सादु मिला चुक मेलेबा ओङच्‍या ईन्‍दाका सिन ङुरूङगी लेमु खाला छ्या स्‍येकीदुक।

२ पत्रुस 2:21

परमेश्‍वरगी खि साबाते खोपरोङला लाप्‍कीन बिन्‍दाते बात ङेन्‍दाला स्‍यूनामेकी थे ङेन्‍दा तोङा भन्‍दानी थेबेकी बरू परमेश्‍वरगी मिओनगी चुक खिता फाप्‍कीते सिन साबाते होदि बात नोमुङ छ्या मास्‍येबा ईन्‍सीन लेमु ओङच्‍या ओतान।