याकूब 4:12 - जिरेल

¹² थे नियम जोकान्‍तेताङ मि न्‍याय खित्‍कान्‍ते खालि परमेश्‍वरकामा ईन। थेकीकामा मिओनला दोषी ईन साला नरककुण्‍डमा लुबाङ थुप्‍क्‍यो, थेमा लुच्‍येते सजायदुकी डेलाङ थुप्‍क्‍यो। ज्‍येनला खो दोक्‍तेताङ थोक्‍ते सिन सिरकान्‍ते खो सु ईन्‍देरो?

याकूब 4:12 Iomraidhean Croise

मत्ती 10:28

दोक खित्‍जीन ख्‍योकोनला सेता छोल्‍कान्‍ते मिओनताङ ज्‍यीबा माकेत। थेबेकीनी ख्‍योकोन ज्‍यानकामा लिन्‍दा थुप्‍क्‍यो, आत्‍मालाचेन छ्याःङ खिता मुथुबो। बरू परमेश्‍वरताङचेन ज्‍यीबा खि। च्‍यिला सासीन थेकीनी सेता थुप्‍च्‍येतेकामा मेन, सेत्‍ला मिला नरककुण्‍डमाङ लुबा थुप्‍क्‍यो।

लूका 12:5

बरू ख्‍योकोन परमेश्‍वरताङचेन ज्‍यीबा खि। च्‍यिला सासीन थेकीनी सेता थुप्‍च्‍येतेकामा मेन, सेत्‍ला मिला नरककुण्‍डमाङ लुबा थुप्‍क्‍यो। थोगी मित्ताङ मेन, परमेश्‍वरताङकामा ज्‍यीबा खि।

रोमी 14:13

थोगी ङुरूङ गाङेकी खुई च्‍यिला थोक खाबे, दोक खाबातेनी पाप ईन सिन साला दोक्‍पोईकी ज्‍येनज्‍यीकला दोष लै खित्‍च्‍येते तोङा फाप्‍क्‍यो। ख्‍योकोनगी खेराङ आज्‍यो न्‍वा च्‍योकराङ ओङाते मिओनला थेबेकी सा मेङगो साबाते साप सोसीन ओङगो साला शंका मालोङ। थेबेकी मास्‍साओ साबाते सो सिन कर लै माकेत।

रोमी 14:4

थोगी ज्‍येनला स्‍या सा मेङगो सिन सिरकान्‍ते खो सु ईन्‍देरो? ना खोका थे मालिक ईन्‍दे? प्रभु येशू ख्रीष्‍टराङ थेबे मालिक ईन्‍देकी थेकीकामा थेबेकी पाप खाबाते ईन्‍दाना मेन्‍दे सिन सिरा ङेत्‍क्‍यो। थेराङ थेबेकी स्‍या सोबाते मेलेबा मेन सिन सिरकान्‍ते ईन्‍देकी स्‍या सोला थेबाला पा फोकराङ मोफोगो।

रोमी 2:1

दि बात थोजीन छ्यि थेबा मेलेबा मि ईन सिरकान्‍तेबा ख्‍योकोन जोराङ ईन्‍सीनोङ ङेनी छ्याःङ मेलेबा खाबा मेत सिन सुङगीङ सिरा मेङेदो। थेबेकी मेलेबा काम खाबेकी सजाय ङेताराङ फाप्‍क्‍यो सिन साबेकी ख्‍योकोनोङ दोषी ईन। च्‍यि ख्‍योकोनोङ होथेबेकी खित्‍च्‍येते च्‍योक्‍ते कामराङ खित्‍कान मेनरो?

रोमी 9:20

ख्‍योकोन दोक सिरकान्‍तेबाला ङा च्‍यि सिते सासीन परमेश्‍वरगी ठीक काम माक्‍यासुङ सिन थेला खा खित्‍कान्‍ते खोका सु ईन्‍देरो? च्‍यि सबी स्‍यीकी कुमालेला खुई ङाला च्‍यिला दोकस्‍यिक खाईन जोबे सिन सिओतरो?

हिब्रू 7:25

थोक ईन्‍देकीराङ खोपरोङला परमेश्‍वर दोन्‍दु खेरकान्‍ते थेराङ ईन सिन थे छ्य्‌वापा लै खित्‍कान्‍तेबाला थेकी पूरो खाला पापदुकी टाल्‍ला स्‍वर्गने देत ज्‍युत्‍क्‍यो। च्‍यिला सासीन थे सधैँभरि परमेश्‍वर दोन्‍दुराङ देत्‍ला थेबे लाईदु थेत्ताङ बात खिनराङ देत्‍क्‍यो।

याकूब 5:9

थेमे आज्‍यो न्‍वावे, परमेश्‍वरगी खेराङला दोषी ईन सिन मिसिरस्‍यीत सिन खुई दि लेमु माक्‍यासुङ, थे लेमु माक्‍यासुङ सिन दोक्‍पोईकी ज्‍येनज्‍यीक बात माकेत। मि गाङे न्‍याय खित्‍कान्‍ते परमेश्‍वर खेराङ दोन्‍दुराङ ओत सिरच्‍येते बात टोक माज्‍येत।