याकूब 3:6 - जिरेल6 मि खाङ होथे मे झिल्का च्योकराङ ईन। लाक्पा, काम्बा, मिक थेमे होदोक्ते जेसुकै नाङ मेलेबातेचेन मि खाराङ ईन। मेकी छ्याङमा थाला ज्वा च्योकराङ खाला दाक्पोन खेकी खित्सादु जुनी खाङराङ मिला मेलेबा ओङगो। ङुरूङ खानी नरककुण्डमे मे च्योकराङ ईन। Faic an caibideil |
याकूब 3:6
62 Iomraidhean Croise
ङाचेन ख्योकोनला च्यि सिते सासीन सुइँदा दाक्पोन आज्यो न्वाताङ स्येदाङ खासुङ सासीनकामाङ थेलाङ सजाय तेरा फाप्क्यो। थेमे आज्यो न्वाला खो ङ्येबे ङ्येस्यु सिन सिरकान्ते मिला सजाय बिन सिन छ्ये छ्ये मि रूसादु खेरा फाप्क्यो। थेमे आज्यो न्वाला खोनी ठुङराङ माठुङसीन ओङच्या ओतान सिन सिरकान्ते मिनी झन सजाय ङेत्ला नरककुण्डमा मे नाङराङ स्यूइओ।
होथोक्ते मिओनला दोक्ते बात मालोप साला थेबे खा टाले खिता फाप्क्यो। च्यिला सासीन थेबेकी मिओनला लोपा मेङच्येते बात लापेकी होथेबे बात ङेन्गीन येशू ख्रीष्ट मिओन नाङ खाम्बा थोई थोई मिकी ङेन्दा फाप्च्येते बात ङेन्दा ताङला दुक। थेबेकीचेन छ्याःङ ङोचा मिक्किता खाला खालि पैसा ज्वाप्की लाईदु होथोक्ते बात लोप्च्येते ईन।
थोगी था ङा थेपा वासीन थेकी च्यि च्यि खासुङा सिन गाङे सिओ। थेकी मेन्दा मेन्दे बात खिन ङ्योकोनला मोत्कीन ख्याम्गीन दुक। दोस्यिककामा मेन, थेकीनी ठाउँ ठाउँला युगीन येशू ख्रीष्ट बात लोप्कीन ख्याम्कान्ते आज्यो न्वाला मिक कार्बोकीङ ग्युरला मातादुक। थेमे थोक्ते मिला लेमु खिता छोल्कानलाङ येशू ख्रीष्ट मिओन जम्मा ओङसादु ओङा मेङेत्च्या खाला तेन्ला तोङगीदुक।
थे गोमे जन्तुला छ्ये ज्वाप्ला दोक्ते अचम्बते काम खाला तेन्च्येते शक्ति बिन्दा ओतेकी दि सादुकी थेन्दाते जन्तुकी होथोक्ते काम खाईन सा लुङबे मि गाङेला छक्के खासुङ। थेकी मि गाङेला होथे गोमे जन्तुला मान खिता फाप्क्यो सिन थे जन्तु मूर्ति जोर च्युत्सुङ। थे जन्तुचेन स्यिच्या खाईन तरवारगी तुप्कीन मा थोता ओत्सीनोङ सोन्दा ओतान।
तर थे जन्तुताङ थे छ्य्वापेकी आउदी अचम्बतेन्दे काम खाला तेन्कान्ते जन्तु ङिकारला जुम्गीन ठासुङ। थे ज्येनते जन्तुचेन डुगी सिर च्युताते बात खित्कान्ते ईन। अचम्बतेन्दे काम खाईनराङ थे जन्तुकी थे गोमे जन्तु मिनगी छाप देक ज्युत्कान्ते मिओनताङ थे मूर्तिला माने खित्कान्तेबाला छक्के खाबा ओतान। जुम्गीन ठानामेई थेबा ङिकारला सोम्बोराङ गन्धकताङ मे बाराते ज्यीबा लाङच्याज्यीक मे धुनीमा क्युरसुङ।
Sanasan