याकूब 3:2 - जिरेल

² ङुरूङ गाङेकी थोकज्‍यीक मेन्‍सीनोङ थोकज्‍यीक दाक गल्‍ती खिओ। दाक्‍पोन खा थाताला ज्‍याक्‍ला बात खित्‍कान्‍ते मिकीचेन गल्‍ती मिक्‍किओ। थोक्‍ते मिकी दाक्‍पोनला पूरो खाला काबूला ज्‍य्‌वाबा थुप्‍क्‍यो।

याकूब 3:2 Iomraidhean Croise

मत्ती 12:34

छ्यि ख्‍योकोन ङोचा क्‍ये मेतातेबा, सेमला लेमु मेत्‍कीन मेत्‍कीन ख्‍योकोनगी चुक खाला लेमुते बात खिता थुप्‍कीका? मिकीनी दाक्‍पोन सेमदु जे दुक खालाङ थेराङ देन्‍ग्‍यो।

मत्ती 12:37

थे छोमु परमेश्‍वरगी ख्‍योकोन बात ताला लेमु ओत्‍सीन ख्‍योकोनला दोषी ईन मिसिरो, मेलेबा ओत्‍सीनचेन दोषी ईन साला सजाय तेरग्‍यो,” सिन सिदुक।

रोमी 3:10

मि गाङे पापी ईन सिन परमेश्‍वर बातलाङ दोक सिन टिबा ओत। चुक सासीन “गल्‍ती मिक्‍किकान्‍ते सिराते सुङ मेत। मि गाङे दोषी ईन।

रोमी 7:21

थोगी ङे जति लेमु खिता चाल्‍सीनोङ थोक खिता माथुप्‍ला खालि ङे दोक माक्‍याबाला मेङच्‍येते च्‍योकराङ खाला मेलेबाते कामकामा खिता फाप्‍कीदुक।

१ कोरिन्‍थी 9:27

ङाराङला जति दुक्‍पा ओङसीनोङ ङा ङाराङला खिता सेम लाबा लाबा मिक्‍किओ। ङे थोक खासीन ङाराङगी ज्‍येनला दोक खिता फाप्‍क्‍यो, थोक खिता फाप्‍क्‍यो सिन लाप्‍सीनोङ ङा ङाराङराङ होथोक खिता मुथुप्‍कान्‍ते च्‍योक ओङला ङे छ्याःङ इनाम मेङेदो।

गलाती 3:22

बरू बात चुक सासीन सा लुङबा खाङगी मि गाङेराङ परमेश्‍वर नियम माङेन्‍ला पापकामा खित्‍च्‍येते बानी थ्‍वाबाते ईन सिन परमेश्‍वर बातला साबा ओत। थोक ईन्‍देकी थेकी जमान खाईन तेरग्‍यो साबाते आशीचेन परमेश्‍वरगी येशू ख्रीष्‍टला विश्‍वास खित्‍कान्‍ते मिओनलाकामा तेरग्‍यो सिरच्‍येते बात पत्ते खित्‍कान्‍ते मिओनला तेरग्‍यो।

गलाती 5:17

दाक्‍पोन खुशीला ख्‍याम्‍कान्‍ते मिकी परमेश्‍वर आत्‍मेकी खित ज्‍युता चालाच्‍योक खिता मोछोलो। थोकराङ खाला परमेश्‍वर आत्‍मेकी खित ज्‍युता चालाच्‍योक खित्‍कान्‍ते मिकीचेन दाक्‍पोन सेमला लाबा लाबा खिता मोछोलो। दोक खाला परमेश्‍वर आत्‍मेकी खित ज्‍युत्‍च्‍येते कामताङ दाक्‍पोन खुशीला ख्‍याम्‍च्‍येते बात डिकराङ मिडिगो। दाक्‍पोन खुशीला माख्‍याम्‍स्‍यीत सिन परमेश्‍वर आत्‍मेकी ख्‍योकोनला थे खोरोङगी खि साबाच्‍योक खित ज्‍युता छोल्‍ग्‍यो।

कलस्‍सी 1:28

ख्रीष्‍ट दोक खाला ज्‍येन ज्‍येन जातकी मि सेमगी नाङ देत्‍क्‍यो सिन ङ्योकोन मि गाङेला लोप्‍क्‍यो। च्‍यि सासीन ख्रीष्‍टताङ जीउज्‍यीकराङ ओङाते मिओन काम बात जे कुरोलाङ पाको गालाते मि ओङला परमेश्‍वर दोन्‍दु देता थुप्‍स्‍यीत सिन ङ्योकोनगी लोप्‍च्‍येते बात लेमु खाला ङेन सिन मि गाङेला दि बात परमेश्‍वरगी बिन्‍दाते बुद्धिकी लेमु खाला लोप्‍क्‍यो।

कलस्‍सी 4:12

थोकराङ खाला खेराङ युलगी मि इपाफ्रासतेङ ख्‍योकोनला नमस्‍ते ओत्‍लो। थेङ येशू ख्रीष्‍ट काम खित्‍कान्‍ते मिराङ ईन सिन ख्‍योकोनला छ्याराङ ओत। ख्‍योकोन काम बात जे कुरोलाङ पाको गालाते मि ओङस्‍यीत थेमे परमेश्‍वरगी खेराङला च्‍यि खि सिका सिन लेमु खाला छ्या स्‍येला खि साबा च्‍योकराङ खित्‍स्‍यीत सिन दिकी ख्‍योकोन लाईदु परमेश्‍वरताङ आउदी खाला प्रार्थना खिदुक।

हिब्रू 13:21

होदोक खित्‍कान्‍ते परमेश्‍वरगी ख्‍योकोनगी थेकी खिता चालाच्‍योक खिताला ख्‍योकोनला गोच्‍येते स्‍येतताङ बुद्धि तेरस्‍यीत। दोक खाला थेकी ख्‍योकोनला येशू ख्रीष्‍ट छ्य्‌वापेई थे खोरोङला मन परे खित्‍च्‍येते काम खित्‍च्‍येते सेम तेरस्‍यीत। थेते सधैँभरि जय जय ओङस्‍यीत। आमेन।

याकूब 1:26

सुइँदेकी ङानी परमेश्‍वरगी खि साबाच्‍योक खित्‍कान्‍ते मि ईन खिदुक तर खोपरोङ खाचेन थाताला मोज्‍योदुक सासीन थोक्‍ते मिकीनी दाक्‍पोनगी ठुबाते डालुमला दाक्‍पोनराङ स्‍यूक्‍च्‍येते काम खाबाते ईन। थोक्‍ते मिकी जस्‍तोराङ लेमु काम खासीनोङ थोक खाबेकी थेला छ्याःङ फाइदा मेङगो।

याकूब 1:4

सेम मेसेता खाला दुक्‍पा खपे खिन देता थुप्‍कान गाल्‍नामेई ख्‍योकोन पाको डुइओ। दोक खाला ख्‍योकोन परमेश्‍वरगी ज्‍वा चालाच्‍योक लेमु ओङला छ्याःङ कुरोलाङ कम्‍ती मेताते मि ओङगो।

याकूब 2:10

सुइँदेकी परमेश्‍वर नियम नाङ ज्‍येन जति गाङे ङेन्‍गीन दोक्‍पोईकामा माङेन्‍सुङ सासीन थे नियम गाङे माङेन्‍दा छेतराङ ईन।

१ पत्रुस 3:10

परमेश्‍वर बातला च्‍यि साबा ओते सासीन “जुनी खाङ छ्याःङ मेलेबा मेङस्‍यीत थेमे जेसुकै साबा च्‍योक ओङस्‍यीत सिरच्‍येते सेम खित्‍कान्‍ते मिकीचेन मि बात खिता मेङगो, ढाँरोङ खिता मेङगो। थेकी दाक्‍पोन खा थाताला ज्‍य्‌वाबा फाप्‍क्‍यो।

१ पत्रुस 5:10

टिक्‍पी दिन ख्‍योकोनगी दोक्‍ते दुक्‍पा खपे खिता फाप्‍सीनोङ ख्रीष्‍टकी खाबाते कामगी खित्‍सादु खितासम्‍म दया खित्‍कान्‍ते परमेश्‍वरगी ख्‍योकोनला सधैँभरि लाईदु मान तेराला थे खोरोङ दोन्‍दु स्‍योक सिन काताङा ओत। थेकीराङ ख्‍योकोनला सेम सेता ओत्‍सादुई लोक्‍ला आँट तेरग्‍यो, जस्‍तो ओङजीनोङ मेलेबा खित्‍सादुई जोए खाला ज्‍य्‌वाक्‍यो थेमे ख्रीष्‍टला विश्‍वास खिन देताला शक्ति तेरग्‍यो।