याकूब 3:18 - जिरेल

¹⁸ थोरूम च्‍यि सासीन परमेश्‍वरगी बिन्‍दाते बुद्धि ङेता ओताते मिओनगीचेन ज्‍येनला डिक्‍ला थुन्‍ला देत ज्‍युत्‍क्‍यो। दोक खाला थेबेकी काम बात जे खासीनोङ परमेश्‍वरला मन परे खित्‍च्‍येते खिओ।

याकूब 3:18 Iomraidhean Croise

मत्ती 5:9

ज्‍येनला डिक्‍पा खाला तेरकान्‍ते मिओन भाग्‍यमानी ईन। च्‍यिला सासीन परमेश्‍वरगी थेबाला थे खोरोङ फुज्‍युङ फुमु ईन सिओ।

यूहन्‍ना 4:36

बाली थोक्‍कान रूक्‍कान्‍ते मिकी थाल्‍लेई थाल्‍ला थे बनी ङेत्‍च्‍या दुक। च्‍यि सासीन बाली थोक्‍पा रूक्‍पाच्‍योक खाला थे मिकी थाल्‍लेई थाल्‍ला ज्‍येनला नोमुङ मिसिन्‍च्‍येते जुनी ङेत्‍च्‍येते लाम तेन्‍ला तेरा थुप्‍च्‍या दुक। दोक खाला बाली लै खित्‍कान्‍तेङ बाली थोक्‍कान रूक्‍कान्‍तेङ ङिकाराङ गा खिता ङेत्‍क्‍यो।

गलाती 6:8

होदोकराङ खाला दाक्‍पोन खुशीला ख्‍याम्‍गीनराङ देत्‍कान्‍ते मिचेन थोक खाबेकी खित्‍सादु ङ्येला स्‍यिला नरककुण्‍डमा डुइओ। परमेश्‍वर आत्‍मेकी खित ज्‍युता च्‍योकराङ खित्‍कान्‍ते मिकीचेन नोमुङ मिसिन्‍च्‍येते जुनी ङेत्‍क्‍यो।

फिलिप्‍पी 1:11

थेमे परमेश्‍वरगी खि साबाच्‍योक खाला लेमुते कामकामा खित्‍कान्‍ते मि ओङगो। परमेश्‍वरगी मान ङेत्‍स्‍यीत थेमे थेते जय जय ओङस्‍यीत सिनराङ येशू ख्रीष्‍टकी खित्‍सादु ख्‍योकोन थोक्‍ते मि ओङच्‍येते ईन।

हिब्रू 12:11

परमेश्‍वरगी ताला लुजीन दुक्‍पा ओङला ङुरूङला बान्‍दा गा मालाङो। थेकी ताला लुगीन लुगीन दाक्‍पोन पाको गाल्‍नामेकीचेन ङुरूङ थेकी साबा साबा च्‍योकराङ खित्‍कान थेमे ज्‍येनताङ डिक्‍ला थुन्‍ला देता थुप्‍कान ओङगो।

याकूब 1:20

स्‍येदाङ खित्‍कान्‍ते मिकी परमेश्‍वरगी खि साबाच्‍योक खाला लेमु काम खिता मुथुबो।