याकूब 3:14 - जिरेल

¹⁴ तर ख्‍योकोनगी ज्‍येनला आउदी खाला डार खित्‍च्‍येते थेमे दाक्‍पोनकामा छ्ये ओङा छोल्‍च्‍येते खासुङ सासीन खेराङ आउदी बुद्धि ओताते मि ईन सिन छ्ये माकेत। खेराङताङ बुद्धि ओत सिन ख्‍योकोनगी साँचोते बात खाबाते मेन।

याकूब 3:14 Iomraidhean Croise

मत्ती 27:18

काल्‍बा च्‍योक मि येशू छ्य्‌वापा लै खाबा थोङगीन छ्ये छ्ये मिकी स्‍येदाङगी थाराङ थेला थेरू खुलाबाते ईन सिन छ्या स्‍येकीन थेकी थोक साबा ओतान।

यूहन्‍ना 16:2

था खेराङ छ्ये छ्ये मिकी ख्‍योकोनला मिटिङ खित्‍च्‍येते खाम्‍बादु ओङा मेङेत्‍च्‍या खाला तेन्‍ला तोङगो। सिइ सासीन दोक्‍ते बेलाङ ओङगो। चुक सासीन ख्‍योकोनला सेत्‍कान्‍ते मिकीनी परमेश्‍वरला मन परे खित्‍च्‍येते कामका खिन ओत सिन विचार खिओ।

शक्ति काम 13:45

थोक काल्‍बेई मि थेरू वाबा थोङगीन थानी मि गाङे पावलताङ बारनाबास छ्य्‌वापाका लै खिताला स्‍यूसुङ सिन यहूदीओनला खोक्‍पो खाईन स्‍येदाङ लासुङ। थेमे थेबेकी थेरू ओताते मिओनला पावलगी खाबाते बात ईनराङ मेन्‍दे बात ईन सिन आउदी खाईन थे विरोध खिताला स्‍यूसुङ।

शक्ति काम 26:9

ईन्‍दानी नासरतपे येशू बात ङेन्‍ला सुङ थे छ्य्‌वापा लै मिक्‍किस्‍यीत सिन गोमा ङेङ खितासम्‍म थे विरोध खाबाप।

शक्ति काम 5:17

थोक खाईन मि गाङेराङ येशू ख्रीष्‍टकी खटे खाबाते मिओनताङ लै खाबा थोङजीन गाङे भन्‍दा छ्येते पूजारी थेमे थेत्ताङ डिक्‍कान्‍ते सदुकी पाटी मिओनला आउदी खाईन स्‍येदाङ लासुङ।

शक्ति काम 7:9

याकूब फुज्‍युङबेकी खोपरोङ न्‍वा यूसुफला आउदी खाला डार खिन ओतान। थोगी गाङेराङ डिगीन ङीमाई थेबेकी यूसुफला मिश्रे लुङबामा डोकान्‍ते मिओनला च्‍वाकीन ताङसुङ। मिश्रमा लेप्‍नामेकी यूसुफ योक्‍पो ओङगीन देता फाप्‍सुङ। ईन्‍सीनोङ परमेश्‍वर थेत्ताङराङ ओतान।

रोमी 1:29

थोगी थेबेकी परमेश्‍वरगी खिता मेङगो सिन साबाते मेलेबाते कामताङ बातकामा खित्‍च्‍येते, लोभ खित्‍च्‍येते थेमे खालि ज्‍येनला खेदापानी खित्‍च्‍येते खिताला स्‍यूसुङ। थोकराङ खाईन डार खित्‍च्‍येते, मि सेत्‍च्‍येते, थोम्‍मु जीङगा खित्‍च्‍येते, ज्‍येनला ठगे खित्‍च्‍येते, मिला मोता सराप खित्‍च्‍येते थेमे मि बात खिन ख्‍याम्‍च्‍येते खिताला स्‍यूसुङ।

रोमी 13:13

चुक सासीन ङुरूङगी गाङे ङोन्‍दु खिता ओङच्‍येते कामताङ बातकामा खिता फाप्‍क्‍यो। ज्‍येनताङ रूला भक्‍कुचूर सोला थुला मोज मज्‍जा खित्‍च्‍येते, छ्याङ रक्‍सीकी जिला ख्‍याम्‍च्‍येते थेमे रन्‍डीबाजीताङ होदि च्‍योक्‍ते खिता मेङच्‍येते ङोचा लाङच्‍येते काम खिता मेङगो। ज्‍येनताङ थोम्‍मु जीङगा खित्‍च्‍येते थेमे मिला डार खित्‍च्‍येतेङ खिता मेङगो।

रोमी 2:17

थेमे था ङा ख्‍योकोन नाङ यहूदीओन बात खितामीन। ख्‍योकोनचेन ङेतनी यहूदी ईन, ङेल्‍ला परमेश्‍वरगी थे खोरोङ नियम बिन्‍दा ओत थेमे थेकी ङ्योकोनला थे खोरोङ मि सिन छाने खाबाते ईन सिन छ्ये खिदुक।

रोमी 2:8

परमेश्‍वरगी छ्या स्‍ये च्‍युताते सत्‍यते बात मेङेन्‍दा खाला खोपरोङ खुशी खिन मेलेबा काम खित्‍कान्‍ते मिओनलाचेन थेकी स्‍येदाङगी चूर गाल्‍ला सजाय तेरग्‍यो।

१ कोरिन्‍थी 13:4

ज्‍येनला ङिङज्‍ये खित्‍कान्‍ते मिचेन दाक्‍पोनला मेलेबा खासीनोङ खाराक्‍पाराङ देत्‍क्‍यो, थेकी ज्‍येनला दया खिओ, ज्‍येनगीते साबा च्‍योक ओङा थोङला डार मिक्‍किओ, ज्‍येनताङ सेखी मिक्‍किओ थेमे ङा छेतते सुङ मेन सिराच्‍योक खित्‍च्‍येतेङ मिक्‍किओ।

१ कोरिन्‍थी 3:3

च्‍यि सासीन ख्‍योकोननी दाक्‍पोन खुशीला ख्‍याम्‍कान्‍ते मिओन च्‍योकराङ दुक। ख्‍योकोन दाक्‍पोन दाक्‍पोन नाङ डार खिन थेमे थोम्‍मु खिन देत्‍ला परमेश्‍वर आत्‍मेकी च्‍यि खि सिका थे ङेनराङ मेङेन्‍दुक। थोगी च्‍यि ख्‍योकोन दाक्‍पोन खुशीला ख्‍याम्‍कान्‍ते ज्‍येन मि च्‍योकराङ मायाङसुङरो?

१ कोरिन्‍थी 5:2

थेकी थोक खाबा थोङजीन च्‍यि ख्‍योकोनला मेलेबा मालासुङ? ख्‍योकोनला पीर लाङा फाप्‍च्‍येते ईन। थेमे खेराङताङ साङ माकेत सिन थेला तेन्‍ला तोङानी खापा ईन खापा झन ख्‍योकोनचेन आउदी लेमुतेबा ईन्‍दाच्‍योक खाला छ्येका खिन दुक।

१ कोरिन्‍थी 5:6

ख्‍योकोन खेराङ आउदी लेमुतेबा ईन सिन छ्ये खिदुक। थोक खिता लेमु मेन। सोडा टिक्‍पीस्‍यिककामा लुक्‍सीनोङ ज्‍येन्‍ताक गाङेपा ठाम्‍ग्‍यो सिन च्‍यि ख्‍योकोनला छ्या मेत?

२ कोरिन्‍थी 12:20

था ङा थेपा ओङजीन ङे साबा ओताच्‍योक मेन्‍देकी ख्‍योकोनगी खुदुकराङ काम खिन ओताते थोङा फाप्‍कीता सिन ङाला पीर लाबा ओत। थोकराङ खाला ख्‍योकोनगीङ ङाला खुदुकराङ गालाते च्‍योक थोङगीता सिनोङ ङाला पीर लाबा ओत। च्‍यि सासीन थोरूमोङ ख्‍योकोन थोम्‍मु जीङगा खिन ओताते, मिला डार खिन ओताते, मित्ताङ स्‍येदाङ खित्‍च्‍येते, ज्‍येनगी वास्‍ता मिक्‍किता खाला दाक्‍पोन फाइदाकामा ताच्‍येते, मिला मोत्‍च्‍येते, मि पनी खित्‍च्‍येते, ङा ङाराङ ईन सिराच्‍योक खित्‍च्‍येते थेमे गाङेराङ डिक्‍ला थुन्‍ला काम खिता साटोला आफूराङस्‍ये खाला ख्‍याम्‍गीन ओताते थेप्‍कीता सिन ङाला सुर्ता लाबा ओत।

गलाती 5:15

दोक्‍पोईकी ज्‍येनज्‍यीकला ङिङज्‍ये खिता साटोला ख्‍योकोन किताङ फाक्‍पा ठेताच्‍योक खिन देत्‍सीन च्‍याङबो खि याङ। ख्‍योकोन खेराङ खेराङराङ स्‍यिरीङ खिता फाबोङ।

गलाती 5:20

ल्‍हा लुला माने खिओ थेमे स्‍युत्‍च्‍या फुत्‍च्‍याताङ मन्‍तर तन्‍तर खिओ। थेकी ज्‍येनला ङिङमार खिओ, थोम्‍मु जीङगा खिओ, डार खिओ, पालोईला स्‍येदाङ फुङ पुङगो, दाक्‍पोनकामा छ्ये ओङा छोल्‍ग्‍यो, डिक्‍ला थुन्‍ला देता माचाल्‍ला फाटो ओङच्‍येते कामकामा खिओ

गलाती 5:21

थेमे मि जाला लोभ खिओ। दोस्‍यिककामा मेन, थे छ्याङ रक्‍सीकी जिला ख्‍याम्‍ग्‍यो, ज्‍येनताङ रूला भक्‍कुचूर सोला थुला मोज मज्‍जा खिओ थेमे होदोक्‍ते ज्‍येन ज्‍येन कामोङ खिओ। होदोक दोक खिन देत्‍कान्‍ते मि सुङ तिरी परमेश्‍वर राज्‍यने स्‍यूक्‍पा मेङेदो सिन ङे ख्‍योकोनला गोमाकाङ लेमु खाईन साबा ओत, लोक्‍ला थरिङोङ थोकराङ सिओ।

गलाती 5:26

ङुरूङगी दाक्‍पोन नाङ ङा ङाराङ ईन सिराच्‍योक खिता मेङगो। दोक खासीन दाक्‍पोन नाङ मिडिक्‍च्‍येतेताङ आरिस्‍ये खित्‍च्‍येते बातकामा ओङगो।

गलाती 6:13

थेबा खोपरोङगी खतकी चिनु जोबा ओत्‍सीनोङ परमेश्‍वर नियमला खि साबाते ज्‍येन ज्‍येन नियमचेन थेबेकी मेङेनो। खोपरोङगी साबाते ङेन्‍गीन ख्‍योकोन थेबे छ्य्‌वापा लै खाबा ओत सिन नोउ छ्ये खिता ङेत्‍स्‍यीत सिनका थेबेकी ख्‍योकोनला खतकी चिनु ज्‍वा फाप्‍क्‍यो सिरच्‍येते ईन।

फिलिप्‍पी 1:15

ईन्‍दानी थेबे नाङ गाङेकी गाङेराङ डिक्‍ला ख्रीष्‍टते गा लाङच्‍येते बात लोप्‍की सिरच्‍येते सेमगी खाबाते मेन। थेबा कोईकीचेन मिओन ङे छ्य्‌वापा लै खासुङ सिन डारगी थे बात लोप्‍कीदुक। कोईकी थोक खासीनोङ ज्‍येनतेबेकीचेन लेमु सेमगीराङ दि काम खिदुक।

फिलिप्‍पी 2:3

ख्‍योकोन सुङगीङ च्‍यि खासीन दाक्‍पोनला फाइदा ओङगीका थे ताला काम माकेत। ज्‍येनगी खेराङला मान खित्‍स्‍यीत सिरच्‍ये सेमगी काम माकेत, ङे छेत ज्‍येनगी खिताराङ मुथुबो सिराच्‍योक मिक्‍किता खाला बरू ज्‍येनला मान खि।

१ तिमोथी 2:4

मि सुङगीङ पापकी सजाय भोगे खिता माफाप्‍स्‍यीत थेमे गाङेकी सत्‍यते बात छ्या स्‍येला ङेन्‍स्‍यीत सिरच्‍येते परमेश्‍वर सेम ओत।

१ तिमोथी 6:4

थोक्‍ते मिओनगी गाङे बात छ्या ओताच्‍योक खाईन छ्ये खासीनोङ थेबेकीनी च्‍यि बात चुक ईन्‍दे सिन छ्याःङ खोबा मेङगो। थेबेकीचेन टेकाटेउरी स्‍योरच्‍येते छ्याःङ काम लै मिक्‍किच्‍येते बातकामा देन्‍दा चाल्‍ला होथोक्‍ते बातकामा छोल्‍गीन ख्‍याम्‍ग्‍यो। थोक्‍ते बात खित्‍जीन खालि स्‍येदाङ लाङच्‍येते, डिक्‍ला थुन्‍ला देता मुथुप्‍च्‍येते, मि मोत्‍च्‍येते, शंका खाला ईनराङ मेन्‍दे दोष लै खित्‍च्‍येते

तीतस 3:3

गोमाबा ङुरूङोङ सो साकान पशु च्‍योकराङ ओतान। ङुरूङगी परमेश्‍वरगी साबाते खाङोङ बात माङेन, ङुरूङ ङ्येकीन गाला ओतान। थेजीन ङुरूङ दोक माक्‍याबाला ओङराङ मेङगो सिराच्‍योक खाला दाक्‍पोन सेमला लाबा लाबा खिता ओङच्‍या मेङच्‍या कामओन खिन ओतान। ङुरूङ जहिलेङ मेलेबाकामा खिन थेमे ज्‍येनला डार खिन ओतान। दोक खाला ङुरूङ गाङे नाङ दोक्‍पोईकी ज्‍येनज्‍यीकला मिगी थोङसार्मु खित्‍च्‍येतेकामा खिन ओतान।

याकूब 1:18

परमेश्‍वरगीराङ ङुरूङला सत्‍यते बात छ्या स्‍ये च्‍युत्‍कीन थे खोरोङ फुज्‍युङ फुमु जोसुङ। दोक खाईन थेकी थे खोरोङगी जोबाते गाङे नाङ ङुरूङलाचेन थेला चढे खाबाते साम्‍बाते बाली च्‍योक जोसुङ।

याकूब 3:16

ज्‍येनला डार खित्‍कान्‍ते थेमे दाक्‍पोनकामा छ्ये ओङा छोल्‍कान्‍ते मि ओत्‍नामेकीराङ दाक्‍पोन दाक्‍पोन नाङ माडिक्‍ला फाटो ओङच्‍येते थेमे मिकी मेलेबाते कामताङ बात खित्‍च्‍येते ईन।

याकूब 5:19

थेमे आज्‍यो न्‍वावे, ख्‍योकोन नाङ सुइँदेकी सत्‍यते बात ङेन्‍दा ताङसुङ थेमे ख्‍योकोन ज्‍येनज्‍यीगी थेला लोक्‍ला परमेश्‍वर छ्य्‌वापाराङ लै खित च्‍युत्‍सुङ सासीन