याकूब 3:13 - जिरेल13 थेमे च्यि ख्योकोन सुइँदाला खेराङ आउदी बुद्धि ओताते थेमे जे बादोङ लेमु खाला छ्या स्येकान्ते मि ईन सिराच्योक लाङगीदुक? खोपरोङ थोक्ते मि ईन सिरकानगी खोपरोङताङ पक्काराङ बुद्धि ओत सिरच्येते बात छ्ये मिक्किता खाला काम बात जे खित्जीनोङ लेमु खाला खिता फाप्क्यो। Faic an caibideil |
याकूब 3:13
46 Iomraidhean Croise
थेमे ज्येन बात कोई कोईकी ङा ख्योकोन दोन्दु ओत्जीनचेन बात खितालाङ ज्यीबा खिन ओतान, थारीला गाल्नामेईचेन ङाराङ ईन सिराच्योक खाला बात खित्च्याक्वा सिन ङे बात खिदुक्लो। था ङा पावल ख्रीष्टकी खाबा च्योकराङ ङाराङ ईन सिराच्योक मिक्किता खाला थेमे स्येदाङ मिक्किता खाला ख्योकोनताङ बात खितामीन।
था जे ओङसीनोङ ख्रीष्टते गा लाङच्येते बात ङेन्कान्ते मिओनगी चुक चुक खिता फाप्च्येते ईन्दे ख्योकोनगी होथोकराङ खि। च्यि सासीन ख्योकोन गाङेराङ सेमज्यीकराङ खाला डिक्ला देत। ज्येनगी जे सासीनोङ जति दुक्पा बिन्सीनोङ ख्योकोन गाङेराङ डिक्ला खेराङगी ङेन्दाते गा लाङच्येते बात ङेन्गीनराङ देत। ङा थेपा वासीन ख्योकोनगी थोक खिन ओताते ङाराङगीराङ थोङगो, मासुङ सासीनोङ ख्योकोनगी थोक खिन दुक्लो सिन ङे थोबा ङेत्स्यीत।
परमेश्वरगी ख्योकोनला थे खोरोङ सन्तान सिन छाने खाईन ख्योकोन सेम खुदुक जोबा ओत, थेकी ख्योकोनला आउदी खाला ङिङज्ये खिओ। ख्योकोन बात दोक ईन्देकी ख्योकोनगी चुक चुक खिता फाप्कीते सासीन पीर फापा ओतातेबाला पीर माकेत सिन सिरा फाप्क्यो, ज्येनगी दुक्पाला ता फाप्क्यो, ङा ङाराङ ईन सिराच्योक खिता मेङगो, गाङेताङ खा छ्येत लेमु खिता फाप्क्यो, होत्ताराङ स्येदाङ खिता मेङगो,
खो थोरूमोङ स्याराराङ ओत्सीनोङ थोक खाला लोप्जीन कोत्जीन दि भर्खरगी फिजेकी साबाते बादोङ च्यि ङेन्च्ये, दिलाङ च्यि छ्या ओते सिन सिरच्येते लाम थेबा सुङलाङ मातेर। खो स्याराराङ दुक सिन हेपे मिक्किस्यीत सिन खोरोङगी खाबाते ताला येशू ख्रीष्टला विश्वास खित्कान्ते मिओनगी चुक चुक खिता फाप्च्या ईन्दाका सिन लोप्स्यीत सिन खुई दोक दोक खि। चुक सासीन खुई काम बात जे खासीनोङ लेमु खाला खि, ज्येनला ङिङज्ये खि, जे ओङसीनोङ येशू ख्रीष्टला विश्वास खिन देत, सेमला छ्याःङ पाप मोज्योबा खाला काम खि,
तर खोचेन परमेश्वरगी खि साबाते काम खित्कान्ते मि ईन। थोगी खुई थोक्ते मेलेबा काम छ्याःङ माकेत। खुईचेन परमेश्वरगी खि साबा च्योकराङ खिन देत, थेला चुक खाला माने खिता फाप्च्येते ईन्दे थोकराङ खाला माने खि, येशू ख्रीष्टला विश्वास खिन देत। दोस्यिककामा मेन, ज्येनला ङिङज्ये खि, दुक्पा ओङसीनोङ खपे खिन देत थेमे गाङेताङ खा छ्येत लेमु खि। खुई होदोक दोक खित्च्ये छ्य्वापाकामा सेम लै खि।
थेकीचेन थे खोरोङगी लोप्च्येते बातताङ मिडिक्च्येते बात खित्कान्ते मिओनताङ खा छ्येत लेमुकीराङ थेबेकी चुक्ते बात लोपा फाप्च्येते ईन्दे सिन लाप्ला तेरा फाप्क्यो। परमेश्वरगी थेबाला खोपरोङगी चुक मेलेबा खाबा ओता ईन्दाका सिन छ्या स्येच्येते मौका तेरगीतासीन सिन थेमे थेबेकी सत्यते बात च्यि ईन्दाका सिन लेमु खाला छ्या स्येकीतासीन सिन थेबाला होदोक खाला लाप्ला तेरा फाप्क्यो।
दोक ईन्देकी ख्योकोनगी मि गाङेकी खिन ओताते खिता मेङच्या मेलेबा मेलेबा खित्च्येते बानी थोङ। थेमे होदोक्ते ज्येनोङ मेलेबाते काम खिता गाङे थोङ। थेमे ङेल्ला दि बात मोगोओ सिराच्योक मिक्किता खाला परमेश्वरगी खेराङला खो च्युताते बात लेमु खाला ङेन। परमेश्वर बात ङेन्गीन साबा च्योकराङ खासीन ख्योकोनगी पापकी सजाय भोगे खिता माफाबो।
तर परमेश्वरगी बिन्दाते बुद्धि ङेता ओताते मिओनगीचेन काम बात जे खित्जीनोङ लेमुतेकामा खिओ, थेबा ज्येनताङ डिक्ला थुन्ला देता छोल्ग्यो, गाङेताङ खा छ्येत लेमु खिओ, दाक्पोन भन्दा छ्येकी साबाते ङेन्ग्यो, ज्येनला ङिङज्ये खाला लेमु लेमु काम खिओ, सुङलाङ काका पाका मिक्किओ थेमे सेमला मेलेबा विचार मोज्योओ।
परमेश्वरला छ्या मेस्येकान्ते खेराङला मेलेबा मि ईन सिरकान्ते मिओन नाङराङ देता ओत्सीनोङ काम बात जे खित्जीनोङ ख्योकोनगी लेमुतेकामा खि। दोक खाईन ख्योकोनगी लेमुकामा खानामेई था परमेश्वरगी वाला मि गाङे न्याय खिते छोमु ख्योकोनला मेलेबा मि सिन सिरकान्ते होथे मिओनगी ख्योकोन थोक्ते मि मेन्दाक्वा सिन छ्या स्येला परमेश्वरते जय जय खिओ।
बात दोक ईन्सीनोङ ख्योकोनलाचेन परमेश्वरगी थे खोरोङ मि ईन सिन छाने खाबा ओत। ख्योकोनचेन परमेश्वर पूजारी ईन, थेचेन गेल्बो ईन। ख्योकोन परमेश्वरला माने खित्कान्ते मि ईन। ख्योकोन परमेश्वर मिराङ ईन। थेकी ख्योकोनला पापताङ लोभदुकी टाल्ला थे खोरोङ नाम्दाकला देताला थे खोरोङ दोन्दु स्योक सिन काताङा ओत। थेकी खाबाते अचम्ब अचम्बतेन्दे कामगी बात ख्योकोनगी ज्येनलाङ सिरस्यीत सिन थेकी ख्योकोनला दोक खाबाते ईन।
Sanasan