याकूब 3:10 - जिरेल

¹⁰ आज्‍यो न्‍वावे, ङुरूङचेन परमेश्‍वरला मान खिन थेते जय जय ओङस्‍यीत सिनोङ सिओ, मिला मोता सरापोङ खिओ। दोक खितानी पटक्‍क सोई मिक्‍किच्‍येते बात ईन।

याकूब 3:10 Iomraidhean Croise

रोमी 12:14

थेमे ज्‍येनगी खेराङला खेदापानी खित्‍जीन थोक खित्‍कान्‍ते मिओनला मोता सराप माकेत। बरू थेबाला लेमु ओङस्‍यीत सिन आशी बिन।

१ कोरिन्‍थी 3:3

च्‍यि सासीन ख्‍योकोननी दाक्‍पोन खुशीला ख्‍याम्‍कान्‍ते मिओन च्‍योकराङ दुक। ख्‍योकोन दाक्‍पोन दाक्‍पोन नाङ डार खिन थेमे थोम्‍मु खिन देत्‍ला परमेश्‍वर आत्‍मेकी च्‍यि खि सिका थे ङेनराङ मेङेन्‍दुक। थोगी च्‍यि ख्‍योकोन दाक्‍पोन खुशीला ख्‍याम्‍कान्‍ते ज्‍येन मि च्‍योकराङ मायाङसुङरो?

१ तिमोथी 5:13

दोस्‍यिककामा मेन, थेबे मिन गन्‍तीला टिसीन थेबा अल्‍छी ड्वा थुप्‍क्‍यो। थेमे थाराङ मि खाम्‍बा खाम्‍बाला युला ख्‍याम्‍ग्‍यो। थेबा अल्‍छी डोच्‍येतेकामा मेन, मि बात खिन ख्‍याम्‍ग्‍यो। थेमे मि काम ङ्ये ज्‍युत्‍च्‍येतेताङ खोपरोङला चासोराङ मेताते बात खिन ख्‍याम्‍ग्‍यो।

याकूब 1:16

ङिङज्‍येते आज्‍यो न्‍वावे, ख्‍योकोन दाक्‍पोनगी ठुबाते डालुमला दाक्‍पोनराङ स्‍यूक्‍च्‍येते काम माकेत।

याकूब 1:19

थेमे ङिङज्‍येते आज्‍यो न्‍वावे, दि बात टोक माज्‍येत। च्‍यि सासीन खेराङला लोप्‍कान्‍ते मिओन बातला लेमु खाला नामज्‍योक सेत, बात खित्‍जीन लेमु खाला विचार खालाकामा खि थेमे होत्ता स्‍येदाङ खित्‍च्‍येते बान्‍दा माकेत।

याकूब 3:1

आज्‍यो न्‍वावे, ज्‍येनला परमेश्‍वर बात लोप्‍कान्‍ते मि ओङाला ख्‍योकोन थोप्‍सुम माकेत। ज्‍येनला परमेश्‍वर बात लोप्‍कान ङ्योकोनला परमेश्‍वरगी झन कडा खाला न्‍याय खिओ सिन ख्‍योकोनला छ्याराङ ओत।

याकूब 3:11

च्‍यि मोनज्‍यीकदुकीराङ थुङा ओङच्‍येतेताङ थुङा मेङच्‍येते थरी ङि छ्यु दोल्‍ग्‍यो?

याकूब 3:9

ङुरूङचेन आबा परमेश्‍वरला मान खिन थेते जय जय ओङस्‍यीत सिन सिओ। थेचेन ङुरूङ प्रभु ईन। लोक्‍ला परमेश्‍वरगी थे खोरोङ च्‍योकराङ ओङच्‍या खाईन जोबाते मिओनला ङुरूङ मोता सराप खिओ।

१ पत्रुस 3:9

खेराङला मेलेबा खित्‍कानला थोकराङ खाला किम्‍बा माज्‍येल, खेराङला मनपरी सिरकानलाङ थोकराङ माकेत, बरू लेमु ओङस्‍यीत सिन थेबाला आशी बिन। ख्‍योकोनगी होदोक खित्‍स्‍यीत सिनराङ परमेश्‍वरगी ख्‍योकोनला थे खोरोङ दोन्‍दु स्‍योक सिन काताङाते ईन। ख्‍योकोनगी थोक खासीन थेकी ख्‍योकोनलाङ आशी तेरग्‍यो।