याकूब 2:9 - जिरेल

⁹ दि नियमला खि साबाच्‍योक मिक्‍किता खाईन मि छ्येत ताकीन काका पाका खासीनचेन ख्‍योकोनगी परमेश्‍वर नियम माङेन्‍गीन पाप खाबाते ईन।

याकूब 2:9 Iomraidhean Croise

यूहन्‍ना 16:8

थेमे थेकी वाला दि सा लुङबे मिओनला थेबेकी पाप खाबेकी खित्‍सादु थेबा दोषीराङ ईन सिरच्‍येते, परमेश्‍वरगी चुक्‍ते मिला दोषी मेन सिते सिरच्‍येते थेमे ङीमाई परमेश्‍वरगी गाङेते न्‍याय खिओ सिरच्‍येते बात छ्या स्‍ये ज्‍युत्‍क्‍यो।

यूहन्‍ना 8:46

ख्‍योकोन नाङ खाङगीचेन ङाला खुई दि दि पाप खासुङ सिन सिरा थुप्‍कीते? थोक मेन सासीन ङे साँचोते बात खित्‍जीन ख्‍योकोन च्‍यिला ङे बात पत्ते मिक्‍किते?

यूहन्‍ना 8:9

थेकी थोक सानामेकी थेबा गोमा गान्‍दा गान्‍दातेबा थेमे थे तिरी ज्‍येनतेबा रेरे रेरे खाईन थेरूकी गाङे गाल्‍सुङ। थे फेम्‍मे मिचेन येशू दोन्‍दु गोमा थे मिओनगी ज्‍याक्‍सादुराङ ठाङे लाकीन देता ओतान।

शक्ति काम 10:34

थेकी दोक सानामेई थेरू जम्‍मा ओङाते मिओनला पत्रुसकी दोक सिन बात खिताला स्‍यूसुङ। चुक सासीन “परमेश्‍वर लाईदु मि गाङे दोक्‍पोईराङ ईन। थेकी सुङलाङ काका पाका मिक्‍किओ।

रोमी 3:20

च्‍यिला सासीन परमेश्‍वर नियमला खि साबाते ङेन्‍लानी सुङलाङ परमेश्‍वरगी दोषी मेन सिरराङ मिसिरो। परमेश्‍वर नियम तालाचेन खालि थे नियम माङेन्‍गीन दाक्‍पोनगी पाप खाबा ओताक्‍वा सिनकामा छ्या स्‍येक्‍यो।

१ कोरिन्‍थी 14:24

तर ख्‍योकोन गाङेराङ परमेश्‍वरगी सिर च्‍युताते बात खिन ओते बेलाला येशूला विश्‍वास खाबा मेताते कि परमेश्‍वर बात छ्याःङ छ्या मेताते मिज्‍यीक थेरू ख्‍योल्‍सुङ सासीन थेजीन थेकी ख्‍योकोनगी खिन ओताते गाङे बात खोला दिबेकीनी ङा चुक्‍ते ईन्‍दाका सिरच्‍येते बातका खासुङ साला थे खोरोङ पापी दुका सिन छ्या स्‍येक्‍यो।

गलाती 2:19

परमेश्‍वर नियम मेङेन्‍कान्‍ते मि सजाय ङेत्‍ला स्‍यिइओ साबा ओतेकी थेरू तोके खाबाते सजाय ङेत्‍ला ङा स्‍या फाप्‍च्‍या ओङा ओतान। थोक खाईन ङा थे नियम लाईदु स्‍याप छेतराङ ओङा ओतान। थोगी थाचेन ङा परमेश्‍वरगी खि साबा साबाच्‍योक खिता थुप्‍क्‍यो।

१ यूहन्‍ना 3:4

पाप खित्‍कान्‍ते मिकी परमेश्‍वरगी खि साबाते माङेन्‍दाते ईन। सिइ सासीन परमेश्‍वरगी खि साबाते मेङेन्‍च्‍येतेराङ पाप खित्‍च्‍येते ईन।

यहूदा 1:15

मि गाङे न्‍याय खिताला ओङगो। वाला थेकी थे खोरोङगी माकेत साबाते काम खित्‍कान्‍ते मिओनगी खाबाते गाङे मेलेबा काम ताला दोषी ईन साला थेबाला सजाय तेरग्‍यो थेमे सिरा मेङच्‍या आउदी मेलेबा मेलेबा साला थे विरोध खित्‍कान्‍ते मि गाङेला थेबा दोषी ईन साला सजाय तेरग्‍यो,” सिन साबा ओतान।