याकूब 2:6 - जिरेल

⁶ ख्‍योकोनचेन होथोक्‍ते मिओनलाराङ हेला खिदुक। च्‍यि ख्‍योकोनला दुक्‍पा तेरकान्‍ते थेमे मुद्धा लाङला अड्डादु केल्‍कान्‍ते छ्युक्‍पुते मिओनराङ मेनरो?

याकूब 2:6 Iomraidhean Croise

यूहन्‍ना 8:49

थोक सिरजीन थेकी “अहँ ङाला ल्‍हन्‍डीक खोबा मेत। ङा आबाला मान खिओ। ख्‍योकोनचेन ङाला छ्याःङ च्‍योक गने मिक्‍किदुक।

शक्ति काम 13:50

थोक ओङजीन यहूदीओनगीचेन पावलताङ बारनाबासला लेमु मि मेन सिन थे सारगी छ्ये छ्ये मि थेमे थेरू परमेश्‍वरला माने खित्‍कान्‍ते छ्युक्‍पु छ्युक्‍पुते फेम्‍मे मिला लुकीन खोपरोङ लाःक्‍तु लासुङ। थोक खाईन थेबाबरी गाङेराङ डिगीन पावलताङ बारनाबासला दुक्‍पा बिन्‍गीन थेरूकी उरगीन ताङसुङ।

शक्ति काम 17:6

थेपा गाल्‍ला ताजीन थेबा ङिबोला माथेप्‍नामेई थेबेकी यासोनताङ थेरू आज्‍यो न्‍वाओनलाराङ कोई कोईला जुम्‍गीन थे सारगी छ्ये छ्ये मि दोन्‍दु खेरसुङ। थेमे गाङेकी थोच्‍या खाला बात खिन थेबेकी “लो तो, सा लुङबा खाङ युला गाङेपा मि नाङ होहल्‍ला खित ज्‍युत्‍कान्‍ते मिओन दुरू ङुरूङ सारदुङ लेप्‍तुक।

शक्ति काम 18:12

तर थेरू गल्‍लियो सिराते मि अखैये लुङबादु रोमी गेल्‍बो हाकिम ओङनामेई था पावलला खइँदा माक्‍याबाला मायाङसुङ सिन यहूदीओनगी डिगीन च्‍याकीन थेला जुम्‍गीन अड्डापा खेरसुङ।

शक्ति काम 8:3

शावलगीचेन येशू ख्रीष्‍ट मि दोक्‍पोईलाङ बाँकी ज्‍य्‌वाबा मेङगो सिन खाम्‍बा खाम्‍बाला गाल्‍गीन ख्‍योओ मि ईन्‍स्‍यीत, फेम्‍मे मि ईन्‍स्‍यीत गाङेला जिन्‍गीन जेलला लुकीन खिताला स्‍यूसुङ।

१ कोरिन्‍थी 11:22

च्‍यि ख्‍योकोनते साप थुङाला खेराङ खेराङ खाम्‍बा मेत? थेमे च्‍यि परमेश्‍वर मिओनला मेलेबा लोङालाराङ खेराङ नाङ छ्याःङ मेतातेबाला तुक्‍पा ज्‍याक्‍ला ङोचा लोङगो? ख्‍योकोनगी थोक खाबाते ठीक मेन। ङा ख्‍योकोनगी लेमु खाबाते ईन सिन मिसिरो।

याकूब 2:3

थेजीन ख्‍योकोनगी थे लेमुते खोलाक खोन्‍कान्‍ते मिलाचेन मान खिन हजूर खो देने वाला देत्‍ना स्‍योक साला ज्‍येनतेलाचेन खो उथेमा साला देत कि उदुरू ङे काम्‍बे खादुराङ देत सासीन

याकूब 5:4

च्‍यि सासीन ख्‍योकोनगी खेराङ स्‍यीङदु काम खित्‍कानताङ बाली थोक्‍कान रूक्‍कान खेतालाओनला बनी माबिन्‍देकी थेबा ङुबाते छ्येज्‍यीक शक्ति ओताते प्रभु परमेश्‍वरगी थोबा ओत।

याकूब 5:6

ख्‍योकोनगी छ्याःङ खिता मुथुप्‍कान्‍ते सुधोते मिओनला थाराङ दोष लै खाईन सेत्‍सुङ। थेबेकी ख्‍योकोनला छ्याःङ मेलेबा खाबा मेतान।