याकूब 2:5 - जिरेल

⁵ ङिङज्‍येते आज्‍यो न्‍वावे, दि बात लेमु खाला ङेन। येशू ख्रीष्‍टला विश्‍वास खित्‍कान्‍ते मि ओङला थे खोरोङ राज्‍यदु देताला च्‍यि परमेश्‍वरगी ज्‍येनगी छ्याःङज्‍यीक खाङज्‍यीक मेताते मि ईन सिरच्‍येते मिओनलाराङ छाने खाबाते मेनरो? था थेबा परमेश्‍वरगी थे खोरोङला ङिङज्‍ये खित्‍कान्‍ते मिओनला तेरग्‍यो साबाते राज्‍यदु देता ङेत्‍क्‍यो।

याकूब 2:5 Iomraidhean Croise

मत्ती 11:5

चुक सासीन अन्‍धतेबा थोङा थुप्‍च्‍या गालाते, कुज्‍येतेबा ख्‍याम्‍बा थुप्‍च्‍या गालाते थेमे जे खोबाते मिओन ठाक्‍पाते बात थेला सि। थोकराङ खाला ओन्‍बातेबा थोबा थुप्‍च्‍या गालाते, स्‍याप्‍ते मिओन सोम्‍बो लोक्‍पाते थेमे छ्याःङ मेताते मिओनला गा लाङच्‍येते बात लाप्‍कीन बिन्‍दाते बाततेबाङ गाल्‍ला थेला सि।

मत्ती 25:34

थेमे थे खोरोङ सामे छ्य्‌वापा ज्‍याक्‍पाते मिओनला थेकी ‘ङे आबेकी ख्‍योकोनला आशी बिन्‍दा ओत। दि साताङ नाम जोजीनमेईराङ थेकी ख्‍योकोनला थे खोरोङ राज्‍यदु देत ज्‍युत्‍क्‍यो सिन साबा ओतान। लो स्‍योक, थाचेन थे राज्‍यदु स्‍यूला देत।

मत्ती 5:3

थेकी थेबाला “ङा ङाराङ ईन सिराच्‍योक मिक्‍किता खाला परमेश्‍वरला मद्धत नाङ सिरकान्‍ते मिओन भाग्‍यमानी ईन। च्‍यिला सासीन थेबा स्‍वर्गे राज्‍यदु स्‍यूला थेरू देता ङेत्‍क्‍यो।

मर्कूस 7:14

थेरूई येशूकी थेरू जम्‍मा ओङाते मिओनला याङराङ थे खोरोङ दोन्‍दु काताङगीन “लो ख्‍योकोनबरी ङे साबाते बात ङेन्‍ला च्‍यि साबाते ईन्‍दे सिन खोबा खि।

लूका 12:21

थोगी बुद्धि मेताते मि सिरातेचेन होथोक्‍ते मि ईन। तिरी बो माताबा खाला थोक्‍तेकीचेन सम्‍पत्ति लाक सम्‍पत्ति साला छ्युक्‍पु डुइओ। परमेश्‍वर दोन्‍दु धनी ओङच्‍येतेचेन दोक खाला मेन। दोक्‍ते सम्‍पत्ति ओत्‍ला तिरी छ्याःङ फाइदा मेङगो,” सिन सिदुक।

लूका 12:32

थेमे ख्‍योकोन टिक्‍पीईराङ ओत्‍सीनोङ ज्‍यीबा माकेत। च्‍यिला सासीन ख्‍योकोन आबा परमेश्‍वरगी ख्‍योकोनला थे खोरोङ राज्‍यदु देत ज्‍युत्‍क्‍यो सिन साबा ओत।

लूका 16:22

थोक खिन खिन तिरी लाजरस स्‍यिदुक्‍लो। थेमे परमेश्‍वर दूतओनगी स्‍वर्गने खेरगीन थेला अब्राहाम खादु ज्‍याक्‍तुक्‍लो। थे तिरी थे छ्युक्‍पुते मिङ स्‍यिदुक्‍लो। थेमे खोपरोङ मिकी थेला सासगास खादुक्‍लो।

लूका 16:25

थेकी थोक सिरजीन अब्राहामगी ‘फुज्‍यो, खुई गोमे बात ठेम्‍बा खि। थोङला खुई स्‍यीम्‍बु स्‍यीम्‍बु सोकीन थुकीन जुनी क्‍याङा ओतान। थेजीन लाजरसकी चुकस्‍यिक दुक्‍पा ङेता ओताने सिन खुई टोक ज्‍येता मेतासीन। था दि दुरू आनन्‍द खाईन देत्‍ला दुक। थेमे खोचेन दुक्‍पा भोगे खिन दुक।

लूका 22:29

आबेकी ङाला राज्‍य खित्‍च्‍येते अधिकार बिन्‍दा च्‍योकराङ था ङाङ ख्‍योकोनला राज्‍य खित्‍च्‍येते अधिकार तेरग्‍यो।

लूका 6:20

थेरूई येशूकी थेरू ओताते गाङे चेलातेबा ओत्‍सापाला ताकीन दोक सिन बात खिताला स्‍यूसुङ। थेकी थेबाला “ख्‍योकोन दुक्‍पा ङेताते मिओन भाग्‍यमानी ईन। च्‍यिला सासीन ख्‍योकोन परमेश्‍वर राज्‍यदु स्‍यूला थेरू देता ङेत्‍क्‍यो।

यूहन्‍ना 7:48

च्‍यि ङुरूङ छ्ये छ्ये मि थेमे फरिसी पाटी मि ङ्योकोन सुइँदेकी थेला विश्‍वास खाबाते थोङा ओत?

शक्ति काम 7:2

थेमे स्‍तिफनसकी दोक सिन थेबाताङ बात खिताला स्‍यूसुङ। चुक सासीन “छ्येवे थेमे आज्‍यो न्‍वावे, लो लेमु खाला ङेन। ङा ख्‍योकोनला गाङे बात सिरामीन। च्‍यि सासीन छ्येज्‍यीक शक्ति ओताते परमेश्‍वरगी ङुरूङ पुर्खा अब्राहामला थाङबोका ठेता ओतान। थेजीन अब्राहाम मेसोपोटामियादु देता ओतान। थे लुङबादुकी हारानपा ड्वा भन्‍दा गोमाराङ परमेश्‍वरगी ठेत्‍कीन थेला

रोमी 8:17

थे फुज्‍युङ फुमु ओङनामेई थे खोरोङ फुज्‍युङ फुमुला तेरग्‍यो साबाते जेसुकै परमेश्‍वरगी ङुरूङला तेरग्‍यो। थोक खाला येशू ख्रीष्‍टकी ङेत्‍च्‍येते ङुरूङगीङ ङेत्‍क्‍यो। ईन्‍दालाचेन येशू ख्रीष्‍टकी खाबा च्‍योकराङ ङुरूङगीङ थरिङोला दुक्‍पा भोगे खिता फाप्‍क्‍यो। थेमे थेला छ्येज्‍यीक मान बिन्‍दा च्‍योकराङ परमेश्‍वरगी ङुरूङलाङ मान बिन्‍ला थे खोरोङगी ज्‍वा चाला च्‍योकराङ लेमु जोइओ।

१ कोरिन्‍थी 2:9

दि बात थेबा सुङगीङ छ्या मास्‍येसीनोङ परमेश्‍वर बातला चुक सिन टिला दुका सासीन “सुङगीङ माथोङाते, माथोबाते थेमे मिकी दोक ओङगीता सिन नोमुङ विचारराङ माक्‍याबाते कामतेबा परमेश्‍वरगी थे खोरोङला ङिङज्‍ये खित्‍कान्‍ते मिओनला खाला तेरग्‍यो सिन ठीक खाबा ओत,” सिन साला दुक।

२ कोरिन्‍थी 4:15

ख्‍योकोनला लेमु ओङस्‍यीत सिनराङ ङ्योकोन दोक खाला दुक्‍पा खपे खिओ। ङ्योकोनगी दोक खिन देत्‍जीन परमेश्‍वरगी खोपरोङला चुक दया खित्‍च्‍या ईन्‍दाका सिन झन झन मि काल्‍बेईकी छ्या स्‍येला थेते जय जय ओङस्‍यीत सिन थेला धन्‍यवाद तेरग्‍यो।

२ कोरिन्‍थी 6:10

दोक दोक ओङला पीरताङ तापकी नाङ देता फाप्‍सीनोङ ङ्योकोन सधैँ छ्याःङ पीर मेताते मि च्‍योक खाला गा खिन देत्‍क्‍यो। थेमे ङेराङ लाला साकान्‍ते च्‍योक्‍तेन्‍दे ओत्‍सीनोङ ङ्योकोनगी खाबाते कामगी खित्‍सादु मिओनगी परमेश्‍वरगी तेरच्‍येते जति गाङे ङेत्‍क्‍यो। लोक्‍ला ङ्योकोन ङेराङते सिराते छ्याःङ मेताते कङ्गाली च्‍योकराङ ईन्‍सीनोङ परमेश्‍वरगी खित्‍सादु ङेत्ताङ जेसुकै ओत।

२ कोरिन्‍थी 8:9

ङुरूङ प्रभु येशू ख्रीष्‍टकी ङुरूङला चुक आउदी दया खासुङा सिरच्‍येते बातनी ख्‍योकोनला छ्याराङ ओत। ख्‍योकोनला थे खोरोङगी तेरच्‍येते आशी जति गाङे बिन्‍ला लेमु खितालाराङ थे स्‍वर्गनेकी थे खोरोङ मान थेमे अधिकार गाङे ताङगीन छ्याःङ मेताते च्‍योक खाईन देमा वाबाते ईन।

एफिसी 1:18

ङा ज्‍येनोङ च्‍यि सिन प्रार्थना खिते सासीन परमेश्‍वरगी ख्‍योकोनला थे खोरोङ दोन्‍दु स्‍योक सिन कातोङजीन तिरी ख्‍योकोनते च्‍यि आश ओते सिन साबाते बात थेमे थे खोरोङ सन्‍तान ज्‍येनतेबाताङराङ तिरी ख्‍योकोनगी ङेत्‍च्‍येते जति चुक लेमु ईन्‍दे सिरच्‍येते बात थेकी ख्‍योकोनला लेमु खाला खो ज्‍युत्‍स्‍यीत सिन प्रार्थना खिओ।

एफिसी 3:8

दि काम खिताला परमेश्‍वर सन्‍तान गाङे नाङ ङा सोईराङ मिक्‍किकान्‍ते मि ईन्‍सीनोङ परमेश्‍वरगी ङालाराङ दि काम खित्‍च्‍येते जिम्‍मा बिन्‍सुङ। ङे कामचेन ख्रीष्‍टकी ङुरूङ लाईदु खाबाते कामतेबा खोबा चाल्‍ला खोबा मुथुप्‍च्‍या चुक अचम्‍ब खाईन खाबाते ईन्‍दे सिन ज्‍येन ज्‍येन जातकी मिला लोप्‍च्‍येते

१ थिस्‍सलोनिकी 2:12

थेमे परमेश्‍वर मिओनगी चुक चुक खिता फाप्‍कीते सिन लाप्‍कीन थोक खिन देत सिन लोप्‍कीन देताप। ख्‍योकोन थे खोरोङ राज्‍यदु देता ङेत्‍स्‍यीत थेमे थे खोरोङ चुक छ्ये ईन्‍दाका सिन लेमु खाला छ्या स्‍येस्‍यीत सिन थे खोरोङ दोन्‍दु स्‍योक सिन कातोङकान्‍ते परमेश्‍वरराङ ईन।

२ थिस्‍सलोनिकी 1:5

ख्‍योकोनगी थोक खिन ओताते ताला परमेश्‍वरगी सुङलाङ काका पाका मिक्‍किता खाला न्‍याय खिओ सिन छ्या स्‍येक्‍यो। चुक सासीन परमेश्‍वर राज्‍यने देता ङेत्‍क्‍यो सिन ख्‍योकोनगी थरिङोला दुक्‍पा भोगे खिन ओताते ताला ख्‍योकोनगी लेमु खासुङ सिन परमेश्‍वरगी ख्‍योकोनला थे खोरोङ राज्‍यने देत ज्‍युत्‍क्‍यो।

१ तिमोथी 6:18

थेबाला सम्‍पत्ति सोक्‍पा साटोला ज्‍येनलाङ ता फाप्‍क्‍यो सिन खोपरोङ सम्‍पत्ति ज्‍येनताङ गोला सो सि। दोक खिन लेमुते कामकामा खि सि।

२ तिमोथी 4:18

थेमे थोरूमोङ ङाला मेलेबा खिता छोल्‍कान गाङे लाःक्‍तुकी जोए खाला थेकी ङाला छ्याःङ मेलेबा मेङा खाला स्‍वर्गने थे खोरोङ राज्‍यने खेरग्‍यो। थोक खित्‍कान्‍ते प्रभु येशू ख्रीष्‍टते सधैँभरि जय जय ओङस्‍यीत। आमेन।

२ तिमोथी 4:8

थोगी ङा परमेश्‍वरगी खि साबा साबा च्‍योकराङ खित्‍कान्‍ते मि ईन सिन था ङे इनाम ङेत्‍क्‍यो। थे इनामचेन सुङलाङ काका पाका मिक्‍किता खाला न्‍याय खित्‍कान्‍ते प्रभु येशू ख्रीष्‍टकी थे खोरोङ ग्‍युरला ओङे छोमु ङाला तेरग्‍यो। थे इनाम थेकी ङालाकामा मेन, थे स्‍वर्गनेकी ग्‍युरला ओङगो सिन गा खिन गुला देत्‍कान्‍तेबा गाङेला तेरग्‍यो।

हिब्रू 11:26

मिश्रे लुङबे सम्‍पत्ति धनी ओङनामेई ङेत्‍च्‍येते मान भन्‍दा ख्रीष्‍टला विश्‍वास खानामेई ज्‍येनगी मिगी थोङसार्मु खित्‍च्‍येते बातराङ थेला लेमु लासुङ। च्‍यिला सासीन ज्‍येनतोक्‍ते मेन्‍देकी थेकी परमेश्‍वरगी तिरी थे खोरोङला तेरच्‍येते मानगी विचारकामा खाबा ओतान।

याकूब 1:12

थेमे दुक्‍पा ओङजीन खपे खिन देत्‍कान्‍ते मि भाग्‍यमानी ईन। च्‍यिला सासीन थोक्‍ते दुक्‍पा खपे खाईन सिन्‍नामेकी थोक्‍ते मिला परमेश्‍वरगी थे खोरोङला ङिङज्‍ये खित्‍कान्‍ते मिओनला तेरग्‍यो साबाते इनाम तेरग्‍यो। थे इनामचेन नोमुङ मिसिन्‍च्‍येते जुनी ईन।

याकूब 1:16

ङिङज्‍येते आज्‍यो न्‍वावे, ख्‍योकोन दाक्‍पोनगी ठुबाते डालुमला दाक्‍पोनराङ स्‍यूक्‍च्‍येते काम माकेत।

याकूब 1:19

थेमे ङिङज्‍येते आज्‍यो न्‍वावे, दि बात टोक माज्‍येत। च्‍यि सासीन खेराङला लोप्‍कान्‍ते मिओन बातला लेमु खाला नामज्‍योक सेत, बात खित्‍जीन लेमु खाला विचार खालाकामा खि थेमे होत्ता स्‍येदाङ खित्‍च्‍येते बान्‍दा माकेत।

याकूब 1:9

थेमे छ्याःङ मेताते आज्‍यो न्‍वाबा ख्‍योकोनगी परमेश्‍वरगी खेराङला मान बिन्‍गीन चुक छ्ये जोसुङा सिन गा खि।

१ पत्रुस 1:4

थेकी थे खोरोङ मिओनला स्‍वर्गने तेरग्‍यो सिन साबाते ङेत्‍क्‍यो सिन ङुरूङ गुकीन देता ओत। थेने ङुरूङगी ङेत्‍च्‍येते नोमुङ नाश मोन्‍डोओ, सिन्‍ला तोरलाङ मोन्‍डोओ।

२ पत्रुस 1:11

थेमे ङुरूङला पापदुकी डेल्‍कान्‍ते प्रभु येशू ख्रीष्‍टकी गा खिनकामा ख्‍योकोनला थे खोरोङ राज्‍यदु स्‍यूक ज्‍युत्‍क्‍यो। थे राज्‍यचेन नोमुङ तोरला मोन्‍डोओ।

छ्या स्‍ये च्‍युताते बात 2:9

च्‍यि सासीन ख्‍योकोनला ज्‍येनगी दुक्‍पा बिन्‍दाते बात ङाला छ्या ओत। थेमे ख्‍योकोनला दाङच्‍या ख्‍योप्‍च्‍या मेत सिनोङ ङाला छ्या ओत। ईन्‍सीनोङ ख्‍योकोन छ्याःङ मेताते मि मेन। खोपरोङ यहूदी ईन सिन सिरकान तर लेमुते काम मिक्‍किकान्‍ते मिओनगी ईन्‍दा मेन्‍दे दोष लै खाईन ख्‍योकोन विरोध खाबाते बात ङाला छ्या ओत। थेबाचेन शैतानताङ डिक्‍कान्‍ते मि ईन।

छ्या स्‍ये च्‍युताते बात 21:7

शैतान शक्तिला ग्‍याल्‍कान्‍ते मिकी ङे तेरच्‍येते होदिबा गाङे ङेत्‍क्‍यो। ङा थे मि परमेश्‍वर ओङगो थेमे थेचेन ङे फुज्‍युङ ओङगो।

छ्या स्‍ये च्‍युताते बात 3:18

थोगी ङा ख्‍योकोनला च्‍यि खि सिते सासीन खेराङला जेसुकै दाङस्‍यीत ख्‍योप्‍स्‍यीत सिन मेला लुगीन ताकीन सक्‍कली दुका सिन छ्या स्‍येबाते सेर ङात्ताङ ङ्यो, ङोचा लाङच्‍या पेर्दुङबाराङ ओतेकी खोन्‍दाला ख्‍योकोनगी ङात्ताङ ओताते खापाङ छ्याःङ दाग माखोबाते खोलाक कार्मुते ङ्योला खोन थेमे खेराङ मिगी थोङस्‍यीत सिन ङात्ताङ ओताते मलम ङ्योला कु।