याकूब 2:25 - जिरेल

²⁵ थोकराङ खाईन राहाब रन्‍डीलाङ थेकी खाबाते कामगी खित्‍सादुराङ परमेश्‍वरगी दोषी मेन सिन साबा ओतान। थेकीचेन खोपरोङ सारगी चिवा खिताला वाबाते मिओनला स्‍यासा बिन्‍गीन थेबाला ज्‍येन लामलेई खाला ग्‍युक सिन ताङा ओतान।

याकूब 2:25 Iomraidhean Croise

मत्ती 1:5

बोअज आमे मिन राहाब ओतान। बोअजतेङ ओबेद सिराई फुज्‍युङ ओतान। ओबेद आमे मिनचेन रूथ ओतान। थेमे ओबेद फुज्‍युङ यिशै,

मत्ती 21:31

लो था ख्‍योकोन सिते, थेबा ङिबो नाङ खाङगी आबातेकी कोताते ङेन्‍सुङा?” सिन सिरजीन थेबेकी “छ्येतेकीराङ ङेन्‍सुङ,” सिन सिदुक। थेमे थेकी थेबाला “दि बात ङेन। च्‍यि सासीन कर लिन्‍कान्‍ते मिओन थेमे रन्‍डीओन ख्‍योकोन भन्‍दाङ गोमा परमेश्‍वर राज्‍यने स्‍यूक्‍पा ङेत्‍क्‍यो।

शक्ति काम 17:7

थेबाला दुरू यासोनगी साप थुङा बिन्‍गीन ज्‍याक्‍ला दुक। दिबा गाङेकी ङुरूङ रोमी गेल्‍बो नियम कानून मेङेन्‍दा खाला येशू सिराज्‍यीक ज्‍येनराङ गेल्‍बो ओत, थेला माने खिता फाप्‍क्‍यो सिन मिओनला लोप्‍कीदुक,” सिन सासुङ।

हिब्रू 11:31

थे सारदुराङ ओताते राहाब रन्‍डीकी परमेश्‍वरगी थे सार इस्राएलीओनला तेरग्‍यो सिन परमेश्‍वरला विश्‍वास खाबा ओतान। थेमे थे लुङबा चुक दुका सिन चिवा खित डोकान्‍ते इस्राएलीओनला थेकी लेमु खाबा ओतान। थोगीराङ परमेश्‍वर बातला नामज्‍योक मेसेत्‍कान्‍ते थे सारगी मि गाङेला सेत्‍जीन इस्राएलीओनगी थेलाचेन मासेत्‍सुङ।

याकूब 2:18

थेमे कोईकी चुक सिते सासीन ङा येशू ख्रीष्‍टला विश्‍वास खिओ, ज्‍येनगीचेन थेकी खि साबाच्‍योक खाला काम खिदुक सिन सिओ। दोक सिरकान्‍ते मिला ङा च्‍यि सिते सासीन छ्याःङ काम मिक्‍किता खाला येशू ख्रीष्‍टला विश्‍वास खिओ सिन लो खो ङाला तेन। थेला विश्‍वास खिओ सिन ङानी खोल्‍ला कामराङ खाला तेन्‍ग्‍यो सिन सिओ।

याकूब 2:22

थेकी थोक खाबेकी थे खोरोङगी परमेश्‍वरला विश्‍वास खिओ साबाते बात थेकी कामगीराङ खाईन तेन्‍दाते बात लेमु खाला छ्या स्‍येबा थुप्‍कीदुक।

याकूब 2:24

थोक ईन्‍देकी थेला विश्‍वास खिओ सालाकामा मेन्‍देकी थेकी खि साबाते काम खालाराङ परमेश्‍वरगी मिला दोषी मेन सिरच्‍येते दुका सिन लेमु खाला छ्या स्‍येकीदुक।