याकूब 2:23 - जिरेल

²³ अब्राहामगी थोक थोक खाईन परमेश्‍वर बातला टिबाते दि बात साबा च्‍योकराङ ओङसुङ। थेरूचेन “परमेश्‍वरगी खिओ साबा च्‍योकराङ खिओ सिन अब्राहामगी थेला विश्‍वास खासुङ। थोक खाबेकी खित्‍सादु परमेश्‍वरगी थेला दोषी मेन सिन सिदुक,” सिन टिबा ओत। थेमे परमेश्‍वरगी थेला थे खोरोङ र्‍वा ईन सिन साबा ओतान।

याकूब 2:23 Iomraidhean Croise

मर्कूस 12:10

च्‍यि ख्‍योकोनगी परमेश्‍वर बातला दोक सिन टिबाते बात पढे खासीनोङ खोबा मेत? थेरूचेन चुक सिन टिबा ओते सासीन ‘जुन दोला कर्मीओनगी कामराङ लै मिक्‍किओ सिन क्‍युरा ओतान, थे दोराङ आउदी काम लै खित्‍च्‍या थे मेताला छ्याःङ खिता मुथुप्‍च्‍या ओङसुङ।

मर्कूस 15:27

थेमे मिल्‍टेरीओनगी डाँका मेरा ङिलाङ येशूला च्‍योकराङ खाईन थे फारताङ छुरला स्‍यिङगी थाम रेरेला टाँए खासुङ।

लूका 4:21

थेमे थेकी थेबाला “यशैयेकी टिबाते दि बात थाल्‍ला ख्‍योकोनगी थोनामेई साबा च्‍योकराङ ओङसुङ,” सिनकामा थेबाताङ बात खिताला स्‍यूसुङ।

शक्ति काम 1:16

“आज्‍यो न्‍वावे, येशूला पक्रे खित ओङकान्‍ते मिओनला थे खाङ ईन्‍दे सिन तेन्‍ला तेरकान्‍ते यहूदाला चुक ओङगीते सिन परमेश्‍वर आत्‍मेकी गेल्‍बो दाऊदला थाङबोका सिर च्‍युता ओतान। परमेश्‍वर बातला साबाते थे बात साबा च्‍योकराङ ओङा फाप्‍सुङ।

रोमी 11:2

परमेश्‍वरगी थे खोरोङ मि ईन सिन छाने खाबाते मिओनला नोमुङ ताङा मेत। परमेश्‍वर बातला साबाते एलिये पालोला ओङाते दि बात सम्‍झे खि। थेजीन इस्राएली गाङेराङ परमेश्‍वर बात मेङेन्‍कान गाल्‍गीन सिन्‍सुङ सिन परमेश्‍वरताङ बात खिन एलियेकी

रोमी 9:17

थे खोरोङला जस्‍तो खिता सेम लाङगीदुक थोकराङ खिओ सिन परमेश्‍वरगी मिश्रे गेल्‍बो फारोला साबाते बात परमेश्‍वर बातला दोक सिन टिला दुक। चुक सासीन “ङे खुई लुङबादु खाबाते काम थोङला सा लुङबा खाङगी मि गाङेकी ङात्ताङ चुक छ्येज्‍यीक शक्ति ओता ईन्‍दाका थेमे ङा चुक्‍ते परमेश्‍वर ईन्‍दाका सिन छ्या स्‍येस्‍यीत सिनराङ ङे खोल्‍ला दि लुङबे गेल्‍बो जोबाते ईन,” सिन साला दुक।

गलाती 3:22

बरू बात चुक सासीन सा लुङबा खाङगी मि गाङेराङ परमेश्‍वर नियम माङेन्‍ला पापकामा खित्‍च्‍येते बानी थ्‍वाबाते ईन सिन परमेश्‍वर बातला साबा ओत। थोक ईन्‍देकी थेकी जमान खाईन तेरग्‍यो साबाते आशीचेन परमेश्‍वरगी येशू ख्रीष्‍टला विश्‍वास खित्‍कान्‍ते मिओनलाकामा तेरग्‍यो सिरच्‍येते बात पत्ते खित्‍कान्‍ते मिओनला तेरग्‍यो।

गलाती 3:6

अब्राहाम बातराङ विचार खिना। “अब्राहामगीचेन परमेश्‍वरगी थे खोरोङताङ जमान खाबा च्‍योकराङ खिओ सिन थेला विश्‍वास खाबा ओतान। थोक खाबेकी खित्‍सादु परमेश्‍वरगी थेला दोषी मेन साबा ओतान।”

२ तिमोथी 3:16

परमेश्‍वर बातला टिबाते बात मिओनगी खोपरोङ बुद्धिकी टिबाते मेन्‍देकी गाङे परमेश्‍वरगी मिओनला थे खोरोङ आत्‍मे छ्य्‌वापेकी टिक च्‍युताते ईन। थेमे परमेश्‍वर बात चुकला काम लै खिते सासीन सत्‍यते बात च्‍यि ईन्‍दे सिन लोपाला, दाक्‍पोनगी चुक खाबाते गल्‍ती खाबाते ईन्‍दाका सिन छ्या स्‍येला च्‍याला चुक खिता फाप्‍च्‍या ईन्‍दाका सिन लोपाला थेमे परमेश्‍वरगी खि साबा साबा च्‍योकराङ खित्‍च्‍येते लोपाला काम लै खिओ।

याकूब 2:24

थोक ईन्‍देकी थेला विश्‍वास खिओ सालाकामा मेन्‍देकी थेकी खि साबाते काम खालाराङ परमेश्‍वरगी मिला दोषी मेन सिरच्‍येते दुका सिन लेमु खाला छ्या स्‍येकीदुक।

१ पत्रुस 2:6

परमेश्‍वर बातला परमेश्‍वरगी “लो दि बात लेमु खाला ङेन। ङा सियोन सारदु ङाराङगी छाने खाबाते दोज्‍यीक ज्‍य्‌वाक्‍यो। थे मेताला छ्याःङ खिता मुथुप्‍च्‍या थे दो आउदी काम लै खित्‍च्‍येते ईन। परमेश्‍वरगी सियोन सारदु ज्‍याक्‍पाते दो साबाते मिकीकामा ङुरूङला लेमु खिता थुप्‍क्‍यो सिन थेला विश्‍वास खित्‍कान्‍ते मिओनला थेकी नोमुङ ङोचा मोलोङो,” सिन साबा ओत।