याकूब 2:18 - जिरेल

¹⁸ थेमे कोईकी चुक सिते सासीन ङा येशू ख्रीष्‍टला विश्‍वास खिओ, ज्‍येनगीचेन थेकी खि साबाच्‍योक खाला काम खिदुक सिन सिओ। दोक सिरकान्‍ते मिला ङा च्‍यि सिते सासीन छ्याःङ काम मिक्‍किता खाला येशू ख्रीष्‍टला विश्‍वास खिओ सिन लो खो ङाला तेन। थेला विश्‍वास खिओ सिन ङानी खोल्‍ला कामराङ खाला तेन्‍ग्‍यो सिन सिओ।

याकूब 2:18 Iomraidhean Croise

रोमी 14:23

लोक्‍ला जेसुकै सा थुङा मेङगो सिरकान्‍ते मिओनगी शंका लाङगीन लाङगीन खोपरोङगी सा थुङा मेङगो साबाते खइँदा सोसुङ थुसुङ सासीन थेबाचेन दोषीराङ ईन। च्‍यिला सासीन येशू ख्रीष्‍टला विश्‍वास खिन थेला लेमु खाला माने खिताला मिक्‍किओ साबाते कामराङ खासुङ सासीन थोक्‍ते गाङे काम पापराङ ईन।

रोमी 3:28

परमेश्‍वर नियम ङेन्‍ला मि सुङलाङ परमेश्‍वरगी दोषी मेन मिसिरो। येशू ख्रीष्‍टकी खाबाते कामगी खित्‍सादु खोपरोङला दोषी मेन सिओ सिन थेला विश्‍वास खित्‍कान्‍ते मिओनलाकामा थेकी दोषी मेन सिओ। दि बात ङुरूङगी लेमु खाईन छ्या स्‍येबा ओत।

रोमी 4:6

दोक खाईन मिकी परमेश्‍वरगी खि साबाच्‍योक लेमु काम खाबा मेत्‍सीनोङ परमेश्‍वरगी थेला दोषी मेन सानामेई थोक्‍ते मि चुक भाग्‍यमानी ईन्‍दे सिन गेल्‍बो दाऊदकीङ दोक सिन साबा ओतान।

रोमी 8:1

जो जो येशू ख्रीष्‍टताङ जीउज्‍यीकराङ ओङला दुक था थेबेकी परमेश्‍वर सजाय ङेतराङ मेङेदो।

रोमी 9:19

दि बाततेबा थोजीन था ख्‍योकोन सुइँदेकी परमेश्‍वर थे खोरोङगीराङ मिओनला चुक खिता सेम लाङगीका थोकराङ खित्‍च्‍येते ईनलाङ थोरूम थेकीराङ चुक खाला मिओन दोषी ईन सिरा ङेत्‍कीते? च्‍यि सुइँदेकी थेला थेकी खिता चालाच्‍योक माकेत साला थेकी ङेन्‍ग्‍यो? सिन सारोङ।

१ कोरिन्‍थी 13:2

ङेचेन परमेश्‍वरगी सिर च्‍युताते बात खित्‍च्‍येते शक्ति ङेता ओत्‍सीनोङ, परमेश्‍वरगी गोमा सुङलाङ छ्या स्‍ये च्‍युता मेताते बाततेबा गाङे छ्या स्‍येकान्‍ते ईन्‍सीनोङ थेमे परमेश्‍वरगी चुक खाला काम खिते सिरच्‍येते बात गाङे छ्या स्‍येबा ओत्‍सीनोङ ङे ज्‍येनला ङिङज्‍ये माक्‍यासीन दि बाततेबा छ्या स्‍येला छ्याःङ काम लै मिक्‍किओ, ङा छ्याःङ मेन। थेमे परमेश्‍वरगी जेङ खिता थुप्‍क्‍यो सिन थेला विश्‍वास खाला बोमज्‍यीकला सरे खाला ग्‍युक साला थे बोमला समेत सरे खित ज्‍युता थुप्‍सीनोङ ङा छ्याःङ मेन।

२ कोरिन्‍थी 5:17

च्‍यिला सासीन ख्रीष्‍टताङ जीउज्‍यीकराङ ओङाते मिचेन साम्‍बाते जुनी ङेताते मि ईन। थोगी गोमे बात तोरगीन था थे मिकी गोमा च्‍योक दाक्‍पोन खुशी मिक्‍किता खाला परमेश्‍वरगी खि साबा साबाच्‍योक खिओ।

२ कोरिन्‍थी 7:1

थोगी ङिङज्‍येते आज्‍यो न्‍वावे, परमेश्‍वरगी थोक थोक खिओ सिन साबाते ङुरूङ लाईदुङ ईन्‍देकी ङुरूङगी काम बात जे खित्‍जीनोङ थेला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेला मान खिता फाप्‍क्‍यो। थेमे सेम खुदुक गालाते मि ईन्‍देकी ङुरूङगी लेमुते कामताङ बातकामा खिन देता फाप्‍क्‍यो।

गलाती 5:6

च्‍यिला सासीन येशू ख्रीष्‍टताङ जीउज्‍यीकराङ ओङाते मिओनगी खतकी चिनु जोसीनोङ माजोसीनोङ छ्याःङ फरक परे मिक्‍किओ। छ्येते बातचेन थेबेकी येशू ख्रीष्‍टला विश्‍वास खाला ज्‍येनतेबालाङ ङिङज्‍ये खिकाना मिक्‍किका सिरच्‍येतेकामा ईन।

१ तिमोथी 1:5

ङे खोल्‍ला होथे मिओनला दोक खि, थोक माकेत सिन कोत साबातेचेन थेबेकी ज्‍येनतेबाला ङिङज्‍ये खित्‍स्‍यीत सिनराङ ईन। थोक खाला ङिङज्‍ये खिताला थेबे सेम लेमु ओङा फाप्‍क्‍यो, दाक्‍पोनला ङे दोक खिता ठीक मेन सिराच्‍योक लाबाते काम छ्याःङ खिता मेङगो, थेमे खेकीकामा मेन्‍देकी येशू ख्रीष्‍टला पक्‍काराङ खाला विश्‍वास खिता फाप्‍क्‍यो।

तीतस 2:7

खोल्‍ला ताला खोपरोङगी चुक चुक खिता फाप्‍च्‍या ईन्‍दाका सिन थेबेकी लोप्‍स्‍यीत सिन जे खित्‍जीनोङ खुई लेमु खाला खि। ज्‍येनतेबाला लोप्‍जीन खुई दाक्‍पोन फाइदा छ्याःङ माताबा खाला थेमे ङा परमेश्‍वर बात लोप्‍कीन ओत सिराच्‍योक खाला होस ज्‍याक्‍ला लोप।

हिब्रू 11:31

थे सारदुराङ ओताते राहाब रन्‍डीकी परमेश्‍वरगी थे सार इस्राएलीओनला तेरग्‍यो सिन परमेश्‍वरला विश्‍वास खाबा ओतान। थेमे थे लुङबा चुक दुका सिन चिवा खित डोकान्‍ते इस्राएलीओनला थेकी लेमु खाबा ओतान। थोगीराङ परमेश्‍वर बातला नामज्‍योक मेसेत्‍कान्‍ते थे सारगी मि गाङेला सेत्‍जीन इस्राएलीओनगी थेलाचेन मासेत्‍सुङ।

हिब्रू 11:33

थेबे नाङ कोईकी परमेश्‍वरगी खोपरोङला ग्‍याल ज्‍युत्‍क्‍यो सिन थेला विश्‍वास खाईन लडाइँ खाईन लुङबा लुङबाला ग्‍याला ओतान, न्‍याय निसाफ खित्‍कान्‍तेबेकी सुङलाङ काका पाका मिक्‍किता खाईन न्‍याय खाबा ओतान, परमेश्‍वरगी तेरग्‍यो साबातेबा ङेता ओतान। थेला विश्‍वास खाईन कोईचेन च्‍येनगी खादुकी समेत थारा ओतान।

हिब्रू 11:6

परमेश्‍वरला छ्या स्‍येबा छोल्‍कान्‍ते मिकी परमेश्‍वर पक्‍काराङ ओत थेमे थे सु ईन्‍दे, चुक खिते सिन पक्‍काराङ खाला छ्या स्‍येबा छोल्‍कानला थेकी लेमु खिओ सिन थेला विश्‍वास खिताराङ फाप्‍क्‍यो। होदोकराङ खाला थेला विश्‍वास खित्‍कान्‍ते मि थेला मन परे खिओ। होदोक खाला थेला विश्‍वास मिक्‍किकान्‍ते मिचेन थेला मन परे मिक्‍किओ।

याकूब 2:14

आज्‍यो न्‍वावे, सुइँदा मिकी ङा येशू ख्रीष्‍टला विश्‍वास खित्‍कान्‍ते मि ईन खिदुक तर थेकी खि साबाते काम मिक्‍किदुक सासीन थे मिला च्‍यि लेमु ओङगीतेरो? च्‍यि थोक्‍ते मि पापकी सजायदुकी थारा थुप्‍क्‍योतरो?

याकूब 3:13

थेमे च्‍यि ख्‍योकोन सुइँदाला खेराङ आउदी बुद्धि ओताते थेमे जे बादोङ लेमु खाला छ्या स्‍येकान्‍ते मि ईन सिराच्‍योक लाङगीदुक? खोपरोङ थोक्‍ते मि ईन सिरकानगी खोपरोङताङ पक्‍काराङ बुद्धि ओत सिरच्‍येते बात छ्ये मिक्‍किता खाला काम बात जे खित्‍जीनोङ लेमु खाला खिता फाप्‍क्‍यो।