याकूब 1:6 - जिरेल

⁶ ईन्‍दालाचेन परमेश्‍वरला दोक सिन प्रार्थना खित्‍कान्‍ते मिकी थेकी ङे नाङ साबाते तेरगीता मेतेरता सिन छ्याःङ शंका खिता मेङगो। थे खोरोङगी नाङ साबाते परमेश्‍वरगी पक्‍काराङ तेरग्‍यो सिन थेकी थेला विश्‍वास खिता फाप्‍क्‍यो। शंका खित्‍कान्‍ते मिनी ल्‍हाबेकी जता जता हुत्ते खाला खेरगीदुक थेपा थेपाराङ डोच्‍येते समुन्‍द्रे छाल च्‍योकराङ ईन।

याकूब 1:6 Iomraidhean Croise

मत्ती 14:28

थे येशू दुका सिन छ्या स्‍येनामेई पत्रुसकी “प्रभु, खोराङ ईन्‍सुङ सासीन ङालाङ खो च्‍योकराङ छ्युई लाकताङ लाक ख्‍याम्‍ला खो ओत्‍सापा स्‍योक सिना,” सिन सिरजीन

शक्ति काम 10:20

थेबा यहूदी मेन्‍सीनोङ थेबाताङ चुक खाला ड्वाबे सिराच्‍योक खाला खो अप्‍ठेरो माने माकेत। खोल्‍ला लिन्‍दाला थेबाला ङेराङ ताङाते ईन,” सिन सिदुक।

एफिसी 4:14

दोक ओङनामेकीचेन ङुरूङ पाको गाला मेताते मिकी च्‍योक मिक्‍किओ। पाको गाला मेताते मिकीचेन परमेश्‍वर बात ईन सिन सुइँदेकी मेन्‍दे बात लाप्‍सीन थे ङेन्‍ग्‍यो। लोक्‍ला ज्‍येनज्‍यीगी होथोक्‍ते ज्‍येनराङ बात लाप्‍सीन थेङ ङेन्‍ग्‍यो। होथोक्‍ते बात लोप्‍कान्‍ते मिओन ज्‍येनला छक्‍के खिताला आउदी च्‍याङबो ओङगो। थेबेकी चुक खाला ओङगीका पाको गाला मेताते मिओन मिकला छारो ग्‍याप्‍ला खोपरोङ लाःक्‍तु लिन्‍ग्‍यो।

१ तिमोथी 2:8

थेमे ङा च्‍यि सिते सासीन येशू ख्रीष्‍ट मिओन जम्‍मा ओङजीन गाङेपा ख्‍योओ मिओनगी प्रार्थना खिता फाप्‍क्‍यो। प्रार्थना खिताला लाक्‍पा लोङजीन थेबा मेलेबा काम खिता ताङगीन सिन्‍दाते मि ओङा फाप्‍क्‍यो। थेबेकी सुङताङ स्‍येदाङ खुरा मेङगो। थेमे थेबा थोम्‍मु जीङगा खिता छोल्‍कान्‍ते मि ओङा मेङगो।

हिब्रू 10:23

ङुरूङचेन परमेश्‍वर खिओ साबा च्‍योकराङ खित्‍कान्‍ते ईन्‍देकी थेकी दाक्‍पोनला तेरग्‍यो साबाते जति गाङे ङेत्‍क्‍यो सिन सिओ। थोगी थेकी थोक खिओ सिन आश खाईन गुकीन देताते ङेत्‍क्‍योतराङ सिन ङुरूङ छ्याःङ शंका मिक्‍किता खाला देता फाप्‍क्‍यो।

हिब्रू 11:6

परमेश्‍वरला छ्या स्‍येबा छोल्‍कान्‍ते मिकी परमेश्‍वर पक्‍काराङ ओत थेमे थे सु ईन्‍दे, चुक खिते सिन पक्‍काराङ खाला छ्या स्‍येबा छोल्‍कानला थेकी लेमु खिओ सिन थेला विश्‍वास खिताराङ फाप्‍क्‍यो। होदोकराङ खाला थेला विश्‍वास खित्‍कान्‍ते मि थेला मन परे खिओ। होदोक खाला थेला विश्‍वास मिक्‍किकान्‍ते मिचेन थेला मन परे मिक्‍किओ।

हिब्रू 13:9

बात दोक ईन्‍देकी परमेश्‍वर बात ईन सिन थे बातताङ डिकराङ मिडिक्‍च्‍येते खुदुक खुदुकते बात ङेन्‍ला छक्‍के माकेत। परमेश्‍वरगी दया खाबा ओतेकी खित्‍सादु होथोक्‍ते बातला नामज्‍योक मेसेता खाला छ्याःङ शंका मिक्‍किता खाला थेला विश्‍वास खिन देता लेमु ईन। दि सा ओङगो, थे सा मेङगो सिरच्‍येते नियम ङेन्‍ला सुङलाङ छ्याःङ फाइदा मेत।

याकूब 1:7

थोक्‍ते मिकीचेन प्रभु परमेश्‍वरगी थे खोरोङला खइँदा बिनोङ सिन छ्याःङ आश खिता माफाबो।

याकूब 5:15

थे मि ठाइओतराङ सिन थेला विश्‍वास खाईन प्रार्थना खानामेई प्रभु परमेश्‍वरगी थे मिला ठाक ज्‍युत्‍क्‍यो। थे मिकी खइँदा पापराङ खाबा ओत्‍सीनोङ थेकी थेला माफ तेरग्‍यो।

२ पत्रुस 2:17

परमेश्‍वर बातताङ मिडिक्‍च्‍येते बात लोप्‍कान्‍ते होथे मिओननी छ्यु काम्‍गीन सिन्‍दाते क्‍वा च्‍योकराङ ईन। थेमे छ्यार्बे थोपोज्‍यीगोङ मेताते ल्‍हाबेकी पुरगीन खेराते मुक्‍पा च्‍योकराङ ईन। होथेबाला सजाय तेराला परमेश्‍वरगी नरककुण्‍डमा आउदी मुन्‍दाकज्‍यीक ठाउँ ठीक खाईन ज्‍याक्‍पा ओत।