याकूब 1:5 - जिरेल

⁵ थेमे ख्‍योकोन सुइँदाला च्‍यि खित्‍च्‍ये, चुक खित्‍च्‍ये सिन छ्या मेते बेलाला चुक खित्‍च्‍ये सिन बुद्धि नाङ सिन परमेश्‍वरताङ प्रार्थना खि। दोक खानामेई मिओनला लेमु खित्‍कान्‍ते ईन्‍देकी थेकी छ्याःङ दुक्‍स्‍यी मिक्‍किता खाला खेराङला गोबाते बुद्धि तेरग्‍यो।

याकूब 1:5 Iomraidhean Croise

मत्ती 11:20

येशूकी कोई कोई सारगी नाङला अचम्‍बते काम काल्‍बेई खाबा ओतान। थोक ईन्‍सीनोङ थे सारगी मिओनचेन खोपरोङ पापी दुका सिन छ्या स्‍येला परमेश्‍वर छ्य्‌वापा लै माक्‍यासुङ। थोगी थेबाला चुक मेलेबा ओङगीते सिन येशूकी दोक सिन बात खिताला स्‍यूसुङ।

मर्कूस 16:14

थे तिरी थे खोरोङ चेलातेबा च्‍युच्‍यीक ङ्योम्‍बुराङ साप सेइन ओते बेलाला येशू थेबा ओत्‍सादु ख्‍योल्‍सुङ। थेमे थे खोरोङ सोम्‍बो लोक्‍तुक, थेला ठेताप सिरकान्‍तेबे बात पत्ते माक्‍याबेकी थेकी थेबाला “ख्‍योकोनगी ङा सोम्‍बो लोक्‍तुक सिन च्‍यिला पत्ते माक्‍याबे? ज्‍येनगी ङाला ठेत्‍सुङ सिरजीन च्‍यिला मेन्‍दे बात ईन साबे? ख्‍योकोन चुक विश्‍वास मिक्‍किकान्‍तेन्‍दे ईन्‍दाका,” सिन थाप्‍सुङ।

यूहन्‍ना 14:13

थेमे ख्‍योकोनगी ङे मिन लाकीन नाङ खाबाते जे कुरोङ ङा तेरग्‍यो। ङा फुज्‍युङगी दोक खानामेई आबा चुक छ्ये ईन्‍दे सिन ख्‍योकोनगी छ्या स्‍येक्‍यो।

यूहन्‍ना 15:7

ख्‍योकोन ङात्ताङ डिगीनराङ देत्‍सीन थेमे ङे लापाते बात ङेन्‍गीन देत्‍सीन खेराङला जे नाङ सिरा सेम लाङगीदुक परमेश्‍वरला नाङ सि। थेकी ख्‍योकोनला दाक तेरग्‍यो।

यूहन्‍ना 4:10

थे फेम्‍मे मिकी थोक सानामेई थेकी “परमेश्‍वरगी च्‍यि तेरगीते सिन खुई छ्या स्‍येबा ईन्‍सीन थेमे थाल्‍ला खोल्‍ला छ्यु नाङ सिरकान्‍ते सु ईन्‍दे सिन छ्या स्‍येबा ईन्‍सीन खुईका ङाला छ्यु थुङा नाङ सिरच्‍या ओतान। थेमे ङा खोल्‍ला जुनी ङेत्‍च्‍येते छ्यु थुङा तेरच्‍या ओतान,” सिन सिदुक।

२ कोरिन्‍थी 2:16

ङ्योकोनगी लोप्‍कीन ओताते बात माङेन्‍ला नरककुण्‍डमा स्‍यूक्‍कान्‍ते मिओन लाईदु दि बात मि स्‍यिच्‍येते थुक च्‍योकराङ ईन सासीन दि बात ङेन्‍ला ख्रीष्‍टकी पापदुकी डेल्‍गीन ओताते मिओन लाईदुचेन नोमुङ मिसिन्‍च्‍येते जुनी ङेत्‍च्‍येते बात ईन। दाक्‍पोनगीराङ दोक छ्येते बातकी जिम्‍मा लाला काम खिता थुप्‍कान्‍ते मि सु ओतेरो?

याकूब 1:17

च्‍यि सासीन लेमुते सिराते जेसुकै ङुरूङला स्‍वर्गने देत्‍कान्‍ते आबा परमेश्‍वरगी तेरग्‍यो। मेलेबाते सिराते थेकी ङुरूङला छ्याःङ मेतेरो। दागार, ङीमाताङ कार्मा जोकान्‍ते थेराङ ईन। दागार ङीमा स्‍याराताङ गाबाच्‍योक खाला थे नोमुङ खुदुक मोन्‍डोओ।

याकूब 3:17

तर परमेश्‍वरगी बिन्‍दाते बुद्धि ङेता ओताते मिओनगीचेन काम बात जे खित्‍जीनोङ लेमुतेकामा खिओ, थेबा ज्‍येनताङ डिक्‍ला थुन्‍ला देता छोल्‍ग्‍यो, गाङेताङ खा छ्येत लेमु खिओ, दाक्‍पोन भन्‍दा छ्येकी साबाते ङेन्‍ग्‍यो, ज्‍येनला ङिङज्‍ये खाला लेमु लेमु काम खिओ, सुङलाङ काका पाका मिक्‍किओ थेमे सेमला मेलेबा विचार मोज्‍योओ।

याकूब 5:16

दोक ईन्‍देकी ख्‍योकोनगी ङे दि पाप खाबाप, थे पाप खाबाप सिन दाक्‍पोन नाङ दोक्‍पोईकी ज्‍येनज्‍यीकला लोःप। थेमे खेराङ ठाक्‍स्‍यीत सिन दोक्‍पोईकी ज्‍येनज्‍यीक लाईदु प्रार्थना खि। परमेश्‍वरगी खि साबाते ङेन्‍कान्‍ते मिकी प्रार्थना खानामेकी छ्ये छ्ये काम ओङा थुप्‍क्‍यो।

१ यूहन्‍ना 3:22

थेमे ङुरूङगी जे नाङ सासीनोङ परमेश्‍वरगी दाक तेरग्‍यो। च्‍यिला सासीन ङुरूङ थेकी खि सिन कोताते ङेन्‍ग्‍यो थेमे थेला मन परे खित्‍च्‍येते काम खिओ।