याकूब 1:3 - जिरेल

³ थोक्‍ते दुक्‍पा ओङजीनोङ सेम मेसेता खाला येशू ख्रीष्‍टला विश्‍वास खिन देत्‍नामेई ख्‍योकोन जस्‍तो दुक्‍पाङ खपे खिता थुप्‍कान डुइओ।

याकूब 1:3 Iomraidhean Croise

लूका 21:19

थोक थोक दुक्‍पा ओङजीनोङ सेम मेसेता खाईन ङाला विश्‍वास खिन देत्‍सीन ख्‍योकोनगी नोमुङ मिसिन्‍च्‍येते जुनी ङेत्‍क्‍यो।

रोमी 15:4

परमेश्‍वर बातला गोमाबा टिबा ओताते गाङे बात ङुरूङगी खइँदा लोप्‍स्‍यीत सिन टिबाते ईन। थे बात ताजीन ङुरूङगी ज्‍येनतेबे ख्‍याल ज्‍य्‌वाजीन दुक्‍पा ओङसीनोङ चुक खाला सेम मेसेता खाला काम खिन देता फाप्‍च्‍या ईन्‍दाका सिन छ्या स्‍येक्‍यो। थेमे परमेश्‍वरगी खिओ साबाच्‍योक पक्‍काराङ खिओ सिन आश खाला गुलाराङ देता थुप्‍क्‍यो।

रोमी 2:7

था तिरी परमेश्‍वरगी खोपरोङला थेकी ज्‍वा चाला च्‍योकराङ लेमु जोइओ थेमे मान बिन्‍ला नोमुङ मिस्‍यिच्‍येते जुनी तेरग्‍यो सिन थेकी साबाते ङेन्‍ला लेमु कामकामा खिन देत्‍कान्‍ते मिओनलाचेन थेकी नोमुङ मिसिन्‍च्‍येते जुनी तेरग्‍यो।

रोमी 8:25

थोगी परमेश्‍वरगी ङुरूङ लाईदु खिओ साबाते थेकी ङीमाई गाङे साबा च्‍योकराङ खिओ सिन ङुरूङ सेम मेसेता खाईन गुकीनराङ देता ओत।

रोमी 8:28

थेमे दि बादोङ ङुरूङला लेमुराङ खाला छ्या ओत। च्‍यि सासीन परमेश्‍वरला ङिङज्‍ये खित्‍कान्‍ते मिओनलाचेन दुक्‍पा किम्‍मु जेराङ ओङसीनोङ परमेश्‍वरगी लेमुराङ ओङ ज्‍युत्‍क्‍यो। थेबे लाईदु थे खोरोङगी खिओ साबाते काम खिताप सिन परमेश्‍वरगी थेबाला थे खोरोङ दोन्‍दु स्‍योक सिन काताङाते ईन।

२ कोरिन्‍थी 4:17

थरिङोला टिक्‍पी दिन दोक्‍ते दुक्‍पा भोगे खिता फाप्‍सीनोङ दोक खाईन सिन्‍नामेईनी परमेश्‍वरगी ङेराङला सधैँभरि लाईदु मान बिन्‍ला थे खोरोङगी ज्‍वा चाला च्‍योकराङ लेमुका जोइओ। होथे बात सम्‍झे खित्‍जीन ङ्योकोनलानी थरिङोला टिक्‍पी दिन ङेराङगी भोगे खिन ओताते होदोक्‍ते पीरताङ दुक्‍पा छ्याःङ मेन सिराच्‍योक लाङगीदुक।

कलस्‍सी 1:11

दोस्‍यिककामा मेन, जस्‍तो ओङसीनोङ सेम मेसेता खाला गा खिन जस्‍तो दुक्‍पाङ खपे खिन देताला परमेश्‍वरगी ख्‍योकोनला थे खोरोङ छ्येज्‍यीक शक्ति तेरस्‍यीत

२ थिस्‍सलोनिकी 1:4

थेमे ज्‍येनगी खेराङला खेदा खाईन जति दुक्‍पा बिन्‍सीनोङ थेमे जति दुक्‍पा भोगे खिता फाप्‍सीनोङ ख्‍योकोनगी सेम मेसेता खाईन प्रभु येशूला विश्‍वास खिनराङ देताते बात ठाउँ ठाउँला जम्‍मा ओङकान्‍ते परमेश्‍वर मिओनला ङ्योकोन गा खिनकामा लाःप्‍कीन ख्‍याम्‍ग्‍यो।

२ थिस्‍सलोनिकी 3:5

थेमे परमेश्‍वरगी खेराङला थोई ङिङज्‍ये खित्‍च्‍या ईन्‍दाका सिन ख्‍योकोनगी झन लेमु खाला छ्या स्‍येस्‍यीत थेमे जतिराङ दुक्‍पा ओङसीनोङ ख्रीष्‍टकी च्‍योकराङ सेम मेसेता खाला दुक्‍पा खपे खिन देता थुप्‍स्‍यीत सिन ङ्योकोन प्रभु येशू ख्रीष्‍टताङ प्रार्थना खिओ।

हिब्रू 10:36

परमेश्‍वरगी खित ज्‍युता चाला च्‍योकराङ खिता थुप्‍स्‍यीत सिन जस्‍तो दुक्‍पा ओङसीनोङ ख्‍योकोन सेम मेसेता खाला देता फाप्‍क्‍यो। दोक खिन देत्‍सीनकामा थेकी तेरग्‍यो सिन साबाते जति ख्‍योकोनगी ङेत्‍क्‍यो।

हिब्रू 12:1

परमेश्‍वरला सु सुकी चुक खाईन विश्‍वास खासुङा सिन ङोला ङ्वा मुथुप्‍च्‍या मि बात छ्या स्‍येनामेकी था ङुरूङगी परमेश्‍वरगी दाक्‍पोनला लेपा फाप्‍क्‍यो सासासाक लेपाला जस्‍तो ओङसीनोङ सेम मेसेता खाला जुनी खाङ थेला विश्‍वास खिन देता फाप्‍क्‍यो। दाक्‍पोनला दोक खिताला रोके खित्‍च्‍येते कामताङ बात खिता ङुरूङगी गाङे तोङा फाप्‍क्‍यो। पाप खिता तोङा दुक्‍पा ओत्‍सीनोङ पाप खिताङ ङुरूङगी पूरो खाला तोङा फाप्‍क्‍यो।

हिब्रू 6:12

थोगी ख्‍योकोनगीङ अल्‍छी मिक्‍किता खाला चुक खिसे सासीन परमेश्‍वरला विश्‍वास खिन जस्‍तो ओङसीनोङ सेम मेसेता खाला देत्‍कान्‍ते मिओनला ताला होथेबेकी खाबा च्‍योकराङ खि। होथोक खित्‍कान्‍ते मिओनगीचेन परमेश्‍वरगी तेरग्‍यो सिन जमान खाबाते गाङे ङेत्‍क्‍यो।

१ पत्रुस 1:7

मेला लुगीन ताकीन सक्‍कली दुका सिन छ्या स्‍येबाते सेरोङ ङीमाई छ्याःङ काम लै मिक्‍किच्‍या डुइओ। सेर आउदी दामी चीज ईन्‍सीनोङ दि भन्‍दाङ ख्‍योकोनगी येशू ख्रीष्‍टला खिन ओताते विश्‍वास झन आउदी छ्ये ईन। दोक्‍ते परी परीतेन्‍दे दुक्‍पा ओङजीनराङ ख्‍योकोनगी थेला पक्‍काराङ खाईन विश्‍वास खाबाते ईन्‍दाकाना मेन्‍दाका सिन छ्या स्‍येक्‍यो। जति दुक्‍पा ओङजीनोङ सेम मेसेता खाईन थेला विश्‍वास खिनराङ देत्‍सीन था थे ग्‍युरला ओङे छोमु परमेश्‍वरगी ख्‍योकोनला आउदी लेमु खासुङ सिन साला थे खोरोङगी ज्‍वा चाला च्‍योकराङ लेमु जोला मान तेरग्‍यो।

२ पत्रुस 1:6

दिकामा मेन, दाक्‍पोन सेम काबूला स्‍योक, दुक्‍पा किम्‍मु जस्‍तो ओङजीनोङ सेम मेसेता खाला देत। दि लाक्‍तुङ ख्‍योकोनगी परमेश्‍वरला माने खिताला खिता फाप्‍च्‍येते कामताङ बात खि।