याकूब 1:27 - जिरेल27 आबा परमेश्वरगी खि साबाच्योक खित्च्या सिरातेनी सुङ मेत्कीन दुक्पा ङेता ओताते ट्वारा टिङग्रेताङ ख्योबो स्याप्ते फेम्मे मिओन दुक्पा थोङला थेबाला लेमु खित्च्येते थेमे परमेश्वरला छ्या मेस्येकान्ते दि सा लुङबे मिओनगी खिताच्योक मेलेबा काम मिक्किच्येते ईन। Faic an caibideil |
याकूब 1:27
36 Iomraidhean Croise
था ख्योकोनगी परमेश्वरला माने मिक्किकान्ते दि सा लुङबे मिओनते च्योक्ते चालचलनताङ बानी बिवारा गाङे थोङ। खेराङ सेम परमेश्वरला खुदुक जोला नाङ साला ख्योकोन सेम लेमु ओताते मि ओङा फाप्क्यो। दोक ओङनामेई परमेश्वरगी खेराङला च्यि च्यि खि सिरच्या ईन्दाका सिन ख्योकोनगी लेमु खाला छ्या स्येबा थुप्क्यो। दोक खाला ख्योकोनगी परमेश्वरला मन परे खित्च्येतेताङ लेमुते काम च्यि ईन्दाका सिन डेला थुप्क्यो।
ङे नोमुङ होथेबेकी च्योक खाला दाक्पोनगी खाबाते खइँदा कामगी छ्य्वापेई छ्ये खिता माफाप्स्यीत। ङेनी स्यिङगी थामला टाँए खाईन सेताते ङुरूङ प्रभु येशू ख्रीष्टलाकामा छ्ये जोइओ सिन टुङ्गो खाईन सिन्दा ओत। प्रभु येशू ख्रीष्ट थोक खाईन स्याप्की खित्सादु ङाङ स्यिङगी थामला टाँए खाईन स्याप्ते च्योक ओङगीन दि सा लुङबे मिओनगी ङेन्दा फाप्क्यो सिरच्येते नियम थेमे थेबेकी माने खित्च्येते रीतिथितिओन ङे लाईदु छ्याःङ काम लै मिक्किच्या गाला ओत। थेमे ङाराङचेन होथोक्ते नियमताङ रीतिथिति लाईदु स्याप छेतराङ ओङा ओत।
ङे खोल्ला होथे मिओनला दोक खि, थोक माकेत सिन कोत साबातेचेन थेबेकी ज्येनतेबाला ङिङज्ये खित्स्यीत सिनराङ ईन। थोक खाला ङिङज्ये खिताला थेबे सेम लेमु ओङा फाप्क्यो, दाक्पोनला ङे दोक खिता ठीक मेन सिराच्योक लाबाते काम छ्याःङ खिता मेङगो, थेमे खेकीकामा मेन्देकी येशू ख्रीष्टला पक्काराङ खाला विश्वास खिता फाप्क्यो।
तर परमेश्वरगी बिन्दाते बुद्धि ङेता ओताते मिओनगीचेन काम बात जे खित्जीनोङ लेमुतेकामा खिओ, थेबा ज्येनताङ डिक्ला थुन्ला देता छोल्ग्यो, गाङेताङ खा छ्येत लेमु खिओ, दाक्पोन भन्दा छ्येकी साबाते ङेन्ग्यो, ज्येनला ङिङज्ये खाला लेमु लेमु काम खिओ, सुङलाङ काका पाका मिक्किओ थेमे सेमला मेलेबा विचार मोज्योओ।
ख्योकोनचेन परमेश्वरला माने खिता ताङाते मि ईन। दि सा लुङबे मि च्योकराङ सम्पत्ति छ्य्वापा सेम लै खित्कानताङ दाक्पोन विचारकामा खित्कान्ते मि परमेश्वरताङ डिक्पा मुथुबो सिन च्यि ख्योकोनला छ्या मेत? सम्पत्ति छ्य्वापा सेम लै खित्कानताङ दाक्पोन विचारकामा खित्कान्ते मिनी परमेश्वरताङ डिक्पाराङ मुथुबो।
ङुरूङला पापदुकी डेल्कान्ते प्रभु येशू ख्रीष्ट सु ईन्दे, चुक्ते ईन्दे सिन छ्या स्येकीन दि सा लुङबे मिओनगी खित्च्येते जेसुकै मेलेबाते काम खिता ताङगीन सिन्दाते मिओनगी लोक्ला गोमा खाबा च्योक्ते कामराङ खिताला स्यूला थोक खित्च्ये छ्य्वापेई ठालाराङ मुथुप्तुक सासीन थेबा गोमा भन्दाङ झन ज्यीबा लाङच्या मेलेबा डुइओ।
थोगी ङिङज्येते आज्यो न्वावे, था तिरी दोक दोक ओङगो सिन खेराङ गुकीन देता ओतेकी ख्योकोन छ्याःङ गल्ती मेताते, सुङगीङ दिबेकी दोक दोक गल्ती खाबा ओत सिरा मुथुप्च्या थेमे परमेश्वरताङ डिक्ला देत्कान्ते मि ओङा थुप्स्यीत सिन ख्योकोनगी काम बात जे खित्जीनोङ लेमु खित्च्ये छ्य्वापाकामा स्येत खि।
Sanasan