याकूब 1:25 - जिरेल

²⁵ थोक ईन्‍सीनोङ परमेश्‍वरगी मि गाङेला लेमु ओङाला ङेन साबाते नियम ङेन्‍ला थेरू खि साबाते टोक मेज्‍येता खाला खि साबा च्‍योकराङ खिन देत्‍कान्‍ते मिलाचेन परमेश्‍वरगी पापताङ दुक्‍पादुकी डेल्‍ग्‍यो। थेमे थेकी जे काम खासीनोङ परमेश्‍वरगी आशी बिन्‍ला थेला साबा च्‍योक ओङ ज्‍युत्‍क्‍यो।

याकूब 1:25 Iomraidhean Croise

लूका 11:28

थेकीचेन थे फेम्‍मे मिला “परमेश्‍वर बात ङेन्‍ला थेकी खि साबा साबा खित्‍कान्‍ते मिओन झन भाग्‍यमानी ईन,” सिन सिदुक।

यूहन्‍ना 13:17

दि बात ख्‍योकोनगी छ्या स्‍येबा ओत। खेराङगी छ्या स्‍येबा ओताच्‍योक खाईन कामोङ खासीन परमेश्‍वरगी ख्‍योकोनला आशी तेरग्‍यो।

यूहन्‍ना 8:36

परमेश्‍वर फुज्‍युङगी ख्‍योकोनला पापदुकी टाल्‍सुङ सासीन ख्‍योकोन पूरो खाला पापदुकी ठाल्‍ग्‍यो।

शक्ति काम 13:43

थेरू मिटिङ सिन्‍नामेई यहूदीओन थेमे यहूदी धर्म माने खिताला स्‍यूकीन परमेश्‍वरला माने खित्‍कान्‍ते ज्‍येन ज्‍येन जातकी मि काल्‍बेई पावलताङ बारनाबास तिरी तिरी गाल्‍सुङ। थेमे थेबा ङिबोकी थे मिओनला “परमेश्‍वरगी ख्‍योकोनला दया खाबा ओतेकी था जस्‍तो ओङसीनोङ ख्‍योकोन येशूला विश्‍वास खिनराङ देत,” सिन सिदुक।

शक्ति काम 2:42

येशूला विश्‍वास खित्‍कान्‍तेबेकी येशू ख्रीष्‍टकी खटे खाबाते मिओनगी लापाते बातओन लेमु खाला ङेन्‍गीन ओतान। थेबा ङ्योम्‍बुराङ डिक्‍ला देत्‍च्‍येते, प्रभु भोज साच्‍येते थेमे परमेश्‍वरला प्रार्थना खित्‍च्‍येते खिन ओतान।

शक्ति काम 26:22

दि दिनसाक परमेश्‍वरगी ङाला लेमुराङ खाईन ताबा ओत। थोगी खित्‍सादु ङा दुरूङ छ्ये टेक्‍टे जो ईन्‍सीनोङ गाङेला ङाराङगी छ्या स्‍येबातेताङ ओङाते बातकामा खिन ओत। दोक खित्‍जीन मोशा थेमे परमेश्‍वर बात खित्‍कान्‍तेबेकी तिरी चुक चुक ओङगीते सिन साबाते बातराङ ङा लोप्‍कीन ओत।

रोमी 11:22

थोगी दि बात ताला परमेश्‍वरगी मिओनला कडा खित्‍च्‍येतेताङ ङिङज्‍ये खित्‍च्‍येते चुक खाला खित्‍च्‍या ईन्‍दाका सिन ख्‍योकोनगी लेमु खाला छ्या स्‍येबा खि। थेला विश्‍वास मिक्‍किकान्‍ते मिओनला थेकी सजाय बिन्‍सुङ। ख्‍योकोनलाचेन थेकी ङिङज्‍ये खिन ओत। थेला विश्‍वास खिन देत्‍सीनकामा थेकी ख्‍योकोनला दोक खिन देत्‍क्‍यो। थोक खिता ताङसीन थेकी ख्‍योकोनलाङ थे खोरोङ मि ईन सिरा तोङगो।

रोमी 2:13

च्‍यिला सासीन परमेश्‍वर नियम छ्या ओत्‍जीनमेईराङ सुङलाङ परमेश्‍वरगी दोषी मेन मिसिरो। जसकी परमेश्‍वर नियमला साबा च्‍योकराङ खाईन काम खाला दुक होथोक्‍ते मिओनलाराङ थेकी दोषी मेन सिओ।

रोमी 7:12

थोगी परमेश्‍वर नियमचेन परमेश्‍वरगीराङ बिन्‍दाते ईन्‍देकी मेलेबा मेन। थेरू खि साबाते बात गाङे थेकीराङ खि साबाते ईन। थेरू खि साबातेताङ माकेत साबाते गाङे लेमु ईन। मेलेबाते सिरातेचेन थेरू छ्याःङ खि साबा मेत।

रोमी 8:15

योक्‍पो योङमुकी मालिकतेकी दुङगीता सिन ज्‍यीबा खुराच्‍योक खाला था लोक्‍ला ख्‍योकोनगीचेन परमेश्‍वरगी सजाय तेरगीता सिन थेत्ताङ छ्याःङ ज्‍यीबा खिता माफाबो। च्‍यिला सासीन परमेश्‍वरगी थे खोरोङ आत्‍मा बिन्‍गीन ख्‍योकोनला थे खोरोङ धर्म-पुत्र जोबा ओत। थेमे परमेश्‍वर आत्‍मे छ्य्‌वापेकीराङ परमेश्‍वरला ङुरूङ दाक आबा सिन सिओ।

रोमी 8:2

परमेश्‍वर आत्‍मेकी ङाला पाप खित्‍च्‍येते बानीदुकी टाल्‍गीन ङे पाप खाबेकी स्‍या फाप्‍च्‍येते सजायदुकीङ जोए खाईन बिन्‍सुङ। थेमे ङा येशू ख्रीष्‍टताङ जीउज्‍यीकराङ ओङा ओतेकी थेकी ङाला नोमुङ मिसिन्‍च्‍येते जुनीङ बिन्‍दा ओत।

१ कोरिन्‍थी 15:58

थोगी ङिङज्‍येते आज्‍यो न्‍वावे, जस्‍तो ओङसीनोङ प्रभु येशूला विश्‍वास खिन देत, मि बात ङेन्‍ला शंका माकेत। प्रभु येशूकी खेराङला जिम्‍मा बिन्‍दाते काम थुपासम्‍म स्‍येत खाला खि। च्‍यिला सासीन थेकी खेराङला खि साबाच्‍योक खाबाते थाराङ खेरोला डोच्‍येते मेन सिन ख्‍योकोनला छ्याराङ ओत।

२ कोरिन्‍थी 13:5

था ङा च्‍यि सिते सासीन ख्‍योकोनगी खेराङ येशू ख्रीष्‍टला विश्‍वास खिनराङ ओताना मेते सिन विचार खाला तो। खेराङ सेमगी नाङ येशू ख्रीष्‍ट देता ओत सिन ख्‍योकोनला छ्याराङ ओत, मेनरो? खेराङगी थेला विश्‍वास खिता ताङसीनकामा थे ख्‍योकोन सेमगी नाङ मेदेदो।

गलाती 2:4

ईन्‍दाका येशू ख्रीष्‍टला विश्‍वास खित्‍कान्‍ते ईन सिरकान तर थोक मेन्‍दाते कोई कोई मि ङ्योकोन बात खित्‍सादु माबा ईन्‍सीन थे खतकी चिनु जोच्‍येते बादोङ थेन्‍च्‍याराङ मेतान। येशू ख्रीष्‍टताङ जीउज्‍यीकराङ ओङगीन ङ्योकोनगी परमेश्‍वरगी ङेराङ यहूदीओनला बिन्‍दाते होथे नियम ङेन्‍दा ताङा ओताते बात छ्या स्‍येबा ओत्‍कीन ङ्योकोनगी चुक चुक खित्‍च्‍या ईन्‍दाका सिन चिवा खिताला होथेबाचेन सुङगीङ स्‍योक मासाबाला थाराङ थेरू वाबा ओतान। थेरू खइँदा बात जिन्‍दा थुप्‍सीन लोक्‍ला ङ्योकोनला होथे नियमतेबा गाङे ङेन्‍दाराङ फाप्‍क्‍यो सिराला थेबा थोक खाईन थेरू वाबा ओतान।

गलाती 5:1

ख्रीष्‍टकी खाबाते कामगी खित्‍सादु ङुरूङगी परमेश्‍वर नियम अधीनला देता माफाबो। ङुरूङगी गोमाबा खिन ओताच्‍योक नोमुङ खिता माफाबो। बात थोक ईन्‍देकी था ख्‍योकोनगी खुरा मुथुप्‍च्‍येते खुर्बु खुरा छोलाच्‍योक खाला परमेश्‍वरगी यहूदीओनला बिन्‍दाते नियम ङेन्‍ला थेरू खि साबा साबा खिता माछोल।

गलाती 6:2

दोक्‍पोईकी ज्‍येनज्‍यीक ख्‍याल ज्‍याक्‍ला ख्‍योकोन गाङेकी खेराङ नाङ सुला नाम च्‍यि मद्धत खिता फाप्‍कीका मद्धत बिन। दोक खानामेई ख्‍योकोनगी ख्रीष्‍टकी खि साबाते नियम ङेन्‍दाते ईन।

कलस्‍सी 1:23

थोगी था ख्‍योकोनगी येशूला विश्‍वास खाईन ङेन्‍दाते बात ङेन्‍दा नोमुङ तोङा मेङगो, थे बातला खि साबा च्‍योकराङ खिन देता फाप्‍क्‍यो थेमे होथे गा लाङच्‍येते बात थोनामेई तिरी खेराङगी परमेश्‍वरगी तेरग्‍यो साबाते जति ङेत्‍क्‍यो सिन आश खाईन गुकीन देताते बातला ज्‍येनगी जे सासीनोङ छ्याःङ शंका मिक्‍किता खाला देत। होथे बात ख्‍योकोनलाकामा मेन, सा लुङबा खाङगी मिला लाप्‍कीन बिन्‍दा ओत। थेमे ङा पावललाचेन मिओनला होथे बात लोप्‍च्‍येते जिम्‍मा बिन्‍दा ओत।

१ तिमोथी 2:15

फेम्‍मे मिकी थोक खाबा ईन्‍सीनोङ परमेश्‍वरगी थेबाला फिजे सुक देक्‍जीन ताला जोए खिओ। थोक ईन्‍सीनोङ थेबेकी छ्ये मिक्‍किता खाला येशू ख्रीष्‍टला विश्‍वास खिन देता फाप्‍क्‍यो, ज्‍येनला ङिङज्‍ये खिता तोङा मेङगो थेमे परमेश्‍वरला मन परे खित्‍च्‍येते कामताङ बात खिन देता फाप्‍क्‍यो।

१ तिमोथी 4:16

खोरोङगी चुक खिन ओते, चुक्‍ते बात लोप्‍कीन ओते सिन लेमु खाला विचार खिन देत। खुई दोक खिन देत्‍सीन खोरोङगी थेमे खुई लापाते बात ङेन्‍कान्‍ते मिओनगी तिरी पापकी सजाय भोगे खिता माफाबो।

हिब्रू 12:15

खेराङ सुङ खेराङला दया खित्‍कान्‍ते परमेश्‍वरताङ ठाला माफाप्‍स्‍यीत सिन ख्‍योकोन च्‍याङबो खाला देत। दोक माक्‍यासीन मेलेबा मेलेबा काम खिता सेम लाला ख्‍योकोन परमेश्‍वर छ्य्‌वापेई ठाल्‍ला डुइओ। थोक्‍ते मिकीचेन परमेश्‍वरला विश्‍वास खित्‍कान काल्‍बेईला ङ्ये ज्‍युत्‍क्‍यो।

याकूब 2:12

बात दोक ईन्‍देकी पापताङ दुक्‍पादुकी डेल्‍कान्‍ते परमेश्‍वरगी ङेन साबाते नियमला खि साबा ओता च्‍योकराङ खासुङाना माक्‍यासुङा थे ताला तिरी न्‍याय खिओ सिरच्‍येते बात टोक मेज्‍येता खाला काम बात जे खासीनोङ ख्‍योकोनगी परमेश्‍वरगी खि साबाच्‍योक खाला खि।

१ पत्रुस 2:16

थेमे सुङगीङ अधीनला मेताच्‍योक खाला काम खि। दोक साबाते खेराङला जे खिता सेम लाङगीदुक थेराङ खिता ङेत्‍क्‍यो साबाते मेन। जे खित्‍जीनोङ ख्‍योकोनगी परमेश्‍वर काम खित्‍कान्‍ते मिओनगी चुक खिता फाप्‍कीते थोकराङ खि।

१ यूहन्‍ना 2:24

थोक ईन्‍देकी खेराङगी येशूला विश्‍वास खिता छोमुमेई थोबाते बात ङेन्‍गीन देता मातोङ। थेरू खि साबाच्‍योक खिनराङ देत्‍सीन ख्‍योकोनचेन परमेश्‍वर फुज्‍युङ थेमे आबा परमेश्‍वरताङ डिक्‍ला देता ङेत्‍क्‍यो।

छ्या स्‍ये च्‍युताते बात 14:13

थेमे दि तिरी स्‍वर्गनेकी “लो दि बात टि। थानामेकी उसो प्रभु येशूला विश्‍वास खिन खिनला स्‍यिकान्‍ते मिओन भाग्‍यमानी ईन,” सिन सिरा ङे थोसुङ। थेमे परमेश्‍वर आत्‍मेकी “ईन, साँच्‍चीराङ दोकराङ ईन। था थेबेकी पीरताङ दुक्‍पे छ्य्‌वापेई ठाल्‍ला ढुक्‍क खाला देता ङेत्‍क्‍यो। पीरताङ दुक्‍पालाङ लेमु काम खिनराङ देतेकी था थेबाला लेमु ओङगो,” सिन सिदुक।

छ्या स्‍ये च्‍युताते बात 22:14

दाक्‍पोन खोलाक टुला सफा जोला ज्‍य्‌वाकान्‍ते मिओन भाग्‍यमानी ईन। थोक खानामेई थेबेकी नोमुङ मिसिन्‍च्‍येते जुनी ङेत्‍च्‍येते दोङबो फलफूल सा ङेत्‍क्‍यो। थेबा थे सारगी गोनेकी खाला थे नाङ स्‍यूक्‍पा ङेत्‍क्‍यो।