याकूब 1:21 - जिरेल

²¹ दोक ईन्‍देकी ख्‍योकोनगी मि गाङेकी खिन ओताते खिता मेङच्‍या मेलेबा मेलेबा खित्‍च्‍येते बानी थोङ। थेमे होदोक्‍ते ज्‍येनोङ मेलेबाते काम खिता गाङे थोङ। थेमे ङेल्‍ला दि बात मोगोओ सिराच्‍योक मिक्‍किता खाला परमेश्‍वरगी खेराङला खो च्‍युताते बात लेमु खाला ङेन। परमेश्‍वर बात ङेन्‍गीन साबा च्‍योकराङ खासीन ख्‍योकोनगी पापकी सजाय भोगे खिता माफाबो।

याकूब 1:21 Iomraidhean Croise

मत्ती 5:5

सुङलाङ मेलेबा मिक्‍किकान्‍ते मिओन भाग्‍यमानी ईन। च्‍यिला सासीन दि सा लुङबा गाङे थेबेतेराङ ओङगो।

यूहन्‍ना 6:63

मिओनला नोमुङ मिसिन्‍च्‍येते जुनी तेरकान्‍ते परमेश्‍वर आत्‍मा ईन। मिकीचेन दोक खिताराङ मुथुबो। ङे ख्‍योकोनताङ खाबाते बाततेबा परमेश्‍वर आत्‍मेते थेमे नोमुङ मिसिन्‍च्‍येते जुनी बात ईन।

यूहन्‍ना 6:68

थोक सिरजीन शिमोन पत्रुसकी “प्रभु, खोल्‍ला ताङला ङ्योकोन खापा डोच्‍ये? थेमे सुई तिरी ख्‍याम्‍च्‍ये? मिओनगी नोमुङ मिसिन्‍च्‍येते जुनी ङेत्‍च्‍येते खुई बात ङेन्‍लाराङ ईन।

शक्ति काम 10:33

थोगी ङे छ्याःङ अलमल मिक्‍किता खाईन हजूर खोल्‍ला लिन ताङाते ईन। हजूर खो दिस्‍साक दुक्‍पा खाईन वाबा थोङजीन ङ्योकोनला गा लासुङ। दुरू ङ्योकोन गाङेराङ प्रभु परमेश्‍वर दोन्‍दु जम्‍मा ओङा ओत। प्रभु परमेश्‍वरगी हजूर खोल्‍ला च्‍यि बात खि साबा ओते था थे बात ङ्योकोनला लेमु खाला लाप्‍ला नाङ। खुई बात ङेन्‍दाला ङ्योकोन गाङेराङ जम्‍मा ओङाते ईन,” सिन सिदुक।

शक्ति काम 13:26

आज्‍यो न्‍वावे, ख्‍योकोन दुरू अब्राहाम सन्‍तान थेमे परमेश्‍वरला माने खित्‍कान्‍ते ज्‍येन ज्‍येन जातकी मिङ ओत। येशू बात थोरूम चुक सासीन परमेश्‍वरगी ङुरूङला पापकी सजायदुकी डेलाला थेला ताङाते ईन।

रोमी 1:16

गा लाङच्‍येते बात लोपाला ङाला सुङताङ छ्याःङ ङोचा मालाङदुक। च्‍यिला सासीन दि बातला परमेश्‍वरताङ चुक छ्येज्‍यीक शक्ति ओते सिरच्‍येते बात ओत। दि बात ङेन्‍ला येशूला विश्‍वास खित्‍कान्‍ते मिबरी गाङेला परमेश्‍वरगी पापदुकी डेल्‍ग्‍यो। दि पापदुकी डेल्‍च्‍येते काम परमेश्‍वरगी गोमा यहूदीओनला खासीनोङ ज्‍येन ज्‍येन जातकी मिलाङ खिओ।

रोमी 11:17

तर परमेश्‍वरगी लेमुते जैतुन दोङबो हाँगे नाङ जैतुन मोगोन्‍च्‍येते हाँगाओनचेन दुम्‍गीन क्‍युरसुङ। थेमे दुम्‍गीन क्‍युराते ठाउँदुचेन छ्याङमे नाङला थाराङ केबाते जैतुन दोङबो हाँगा खुलाकीन जोरे खासुङ। थे खोरोङगी साबाते मेङेन्‍कान्‍ते इस्राएलीओनला ताङगीन थेबे साटोला परमेश्‍वरगी ख्‍योकोन ज्‍येन ज्‍येन जातकी मिला थे खोरोङ मि ईन साबाते ईन सिराला ङे दि दोङबो बात खाबाते ईन। थोक खाईन जोरे खाबाते हाँगाओनगी गोच्‍येते जेसुकै चाप्रेनमेकी ङेता च्‍योकराङ खाईन परमेश्‍वरगी थेबे ज्‍युज्‍यु पुर्खाला बिन्‍दाते आशी ख्‍योकोनलाङ तेरगीन ओत।

रोमी 6:17

गोमा ख्‍योकोन पापकी योक्‍पो च्‍योकराङ ओता ईन्‍सीनोङ थाचेन ख्‍योकोनगी खेराङला लापाते परमेश्‍वर बात सत्‍यते दुका सिन लेमु खाईन ङेन्‍गीन थेरू खि साबा च्‍योकराङ खिताला स्‍यूसुङ। ख्‍योकोन दोक खुदुक गालाते बातकी लाईदु परमेश्‍वरला धन्‍यवाद तेरगी।

१ कोरिन्‍थी 15:2

ङे ख्‍योकोनला लापाते थे गा लाङच्‍येते बातला खि साबा च्‍योकराङ खिन देत्‍सुङ सासीन ख्‍योकोनगी पापकी सजाय भोगे खिता माफाबो। थोक खिन मादेत्‍सीन थे बात ङेन्‍दाते ख्‍योकोनला छ्याःङ काम लै मिक्‍किओ।

२ कोरिन्‍थी 7:1

थोगी ङिङज्‍येते आज्‍यो न्‍वावे, परमेश्‍वरगी थोक थोक खिओ सिन साबाते ङुरूङ लाईदुङ ईन्‍देकी ङुरूङगी काम बात जे खित्‍जीनोङ थेला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेला मान खिता फाप्‍क्‍यो। थेमे सेम खुदुक गालाते मि ईन्‍देकी ङुरूङगी लेमुते कामताङ बातकामा खिन देता फाप्‍क्‍यो।

एफिसी 1:13

थेमे सत्‍यते बात थोनामेई ख्‍योकोनोङ ख्रीष्‍टताङ जीउज्‍यीकराङ ओङसुङ। पापकी सजायदुकी थारच्‍येते होथे गा लाङच्‍येते बात ङेन्‍गीन ख्रीष्‍टला विश्‍वास खानामेकी गोमा थे खोरोङगी ख्रीष्‍टकी छ्य्‌वापेकी तेरग्‍यो साबाते परमेश्‍वर आत्‍मा परमेश्‍वरगी ख्‍योकोनलाङ बिन्‍सुङ। दोक खाईन थेकी थे खोरोङ आत्‍मा बिन्‍दातेचेन ख्‍योकोनोङ थे खोरोङ मिराङ ईन सिराला छाप ग्‍यापाते च्‍योकराङ ओङसुङ।

एफिसी 4:22

था खेराङला लापा च्‍योकराङ खि। च्‍यि सासीन गोमा खिन ओताच्‍योक खिन मेदेता खाला मेलेबाते कामताङ बात खित्‍च्‍येते बानी थोङ। गोमाबा ख्‍योकोन दाक्‍पोन सेमला लाबा लाबाच्‍योक खासीन लेमु ओङगो सिन थोकराङ खिन ओतान। होथोक खाबेकी ख्‍योकोन ङ्येला डुइन ओतान।

एफिसी 4:25

थोगी ख्‍योकोनगी ढाँर खिता ताङला दोक्‍पोईकी ज्‍येनज्‍यीकताङ साँचोते बातकामा खि। च्‍यिला सासीन ङुरूङ गाङेराङ जीउज्‍यीगी लाक्‍पा, काम्‍बा, मिक च्‍योक्‍ते ईन।

एफिसी 5:4

थोकराङ खाला ङोचा लाङच्‍येते फोर बात खित्‍च्‍येते, बिनसित्ति बात खित्‍च्‍येते थेमे ङोचा लाङच्‍येते बात खाला गुट्टी खित्‍च्‍येतेङ ख्‍योकोनगी खिता मेङगो। दोक खिता साटोला बरू ख्‍योकोनगी खेराङला लेमु खाबाते कामगी लाईदु परमेश्‍वरला धन्‍यवाद बिन।

१ थिस्‍सलोनिकी 1:5

च्‍यिला सासीन ङ्योकोनगी लोप्‍च्‍येते गा लाङच्‍येते बातचेन मि बातकामा मेन्‍देकी थे बातकी छ्य्‌वापेई परमेश्‍वरगी ख्‍योकोन नाङ छ्ये छ्ये शक्ति काम खासुङ। थे बात पक्‍काराङ सत्‍यते ईन सिन परमेश्‍वर आत्‍मे छ्य्‌वापेई लेमु खाईन छ्या स्‍येबेकी ङ्योकोनगी थे बात ख्‍योकोनला लेमु खाईन लोपा थुपाते ईन। थेजीन ख्‍योकोनताङ देत्‍जीन ख्‍योकोनला लेमु ओङस्‍यीत सिन ङ्योकोनगी चुक चुक खाबा ओताने सिन ख्‍योकोनला गाङे छ्या ओतेकी ङ्योकोनगी छ्याःङ सिरा माफाप्‍तासीन।

१ थिस्‍सलोनिकी 2:13

थेमे ङ्योकोन जहिलेङ दि बातकी लाईदुङ परमेश्‍वरला धन्‍यवाद सिओ। च्‍यि सासीन ङ्योकोनगी परमेश्‍वर बात लोप्‍जीन थे बात मिकी जोबाते मेन्‍दाक्‍वा, परमेश्‍वर बातराङ दुका सिन ख्‍योकोनगी ङेन्‍सुङ। ईन्‍दाबोङ थे बातचेन परमेश्‍वर बातराङ ईन। येशूला विश्‍वास खित्‍कान ख्‍योकोन नाङ परमेश्‍वरगी होथे बातकी छ्य्‌वापेईराङ काम खिन ओत।

तीतस 2:11

येशू ख्रीष्‍ट मिओनगी होदोक दोक खिता फाप्‍क्‍यो। च्‍यिला सासीन परमेश्‍वरगी मि गाङेला पापकी सजायदुकी डेलाला दया खाईन येशू ख्रीष्‍टला देमा ताङा ओत।

हिब्रू 12:1

परमेश्‍वरला सु सुकी चुक खाईन विश्‍वास खासुङा सिन ङोला ङ्वा मुथुप्‍च्‍या मि बात छ्या स्‍येनामेकी था ङुरूङगी परमेश्‍वरगी दाक्‍पोनला लेपा फाप्‍क्‍यो सासासाक लेपाला जस्‍तो ओङसीनोङ सेम मेसेता खाला जुनी खाङ थेला विश्‍वास खिन देता फाप्‍क्‍यो। दाक्‍पोनला दोक खिताला रोके खित्‍च्‍येते कामताङ बात खिता ङुरूङगी गाङे तोङा फाप्‍क्‍यो। पाप खिता तोङा दुक्‍पा ओत्‍सीनोङ पाप खिताङ ङुरूङगी पूरो खाला तोङा फाप्‍क्‍यो।

हिब्रू 2:3

थे नियम मेङेन्‍कान्‍तेबेकीनी सजाय ङेता ओतान सासीन परमेश्‍वरगी मिओनला पापकी सजायदुकी डेल्‍ग्‍यो सिरच्‍येते दोक लेमुते बात माङेन्‍सीन ङुरूङ चुक खाला सजाय छ्य्‌वापेई थारगीतेरो? परमेश्‍वरगी मिला पापकी सजायदुकी डेल्‍च्‍येते बात गोमा प्रभु येशूकी लापाते ईन। थेमे थेकी लापाते बात थोकान्‍तेबेकी थे बात सत्‍यते ईन सिन ङुरूङला लाप्‍कीन बिन्‍दा ओत।

हिब्रू 4:2

मोशे पालो मिओनला च्‍योकराङ ङुरूङलाङ गा लाङच्‍येते बात लापा ओत। थे बात थोसीनोङ थेबाला थे नोमुङ माथोबा छेतराङ ओङसुङ। च्‍यिला सासीन थेबेकी परमेश्‍वरगी जमान खाबा च्‍योकराङ खाला खोपरोङला ढुक्‍क खाला देत ज्‍युत्‍क्‍यो सिन पत्ते माक्‍यासुङ।

याकूब 4:8

ख्‍योकोन परमेश्‍वर दोन्‍दु ग्‍युक। थेमे थे ख्‍योकोन दोन्‍दु ओङगो। ख्‍योकोन पापीओनगी था पाप खिता थोङ। परमेश्‍वरगी खि साबातेङ ङेन्‍दा छोल्‍च्‍या, दाक्‍पोन खुशीङ खिता छोल्‍कान्‍ते सेम ङि ओताते मिओनगीङ था थोक्‍ते बानी थोङ।

याकूब 5:20

थोक खित ज्‍युत्‍कान्‍ते मिकी दि बात लेमु खाला छ्या स्‍येबा खि। च्‍यि सासीन थेकी होथोक्‍ते मिला मेन्‍दे बात ङेन्‍गीन देत मुज्‍युदो। दोक खाला थेकी थे मिला स्‍यिला नरककुण्‍डमा स्‍यूक्‍पा फाप्‍च्‍येते सजायदुकी थार ज्‍युत्‍क्‍यो। थोक खित्‍कान्‍ते मिलाचेन थेकी जतिराङ पाप खाबा ओत्‍सीनोङ परमेश्‍वरगी माफ तेरग्‍यो।

१ पत्रुस 1:22

सत्‍यते बात ङेन्‍गीन ख्‍योकोन सेम खुदुक गालेकी ख्‍योकोनगी ज्‍येन आज्‍यो न्‍वाला खेकीकामा मेन्‍देकी पक्‍काराङ ङिङज्‍ये खित्‍च्‍येते ईन। थोगी ख्‍योकोनगी दोक्‍पोईकी ज्‍येनज्‍यीकला आउदी खाला ङिङज्‍ये खि।

१ पत्रुस 1:9

च्‍यिला सासीन परमेश्‍वरगी खेराङला पूरो खाला पापदुकी टाल्‍ला थे खोरोङताङ देत ज्‍युत्‍क्‍यो सिन ख्‍योकोनला छ्या ओत। ख्‍योकोनगी येशू ख्रीष्‍टला विश्‍वास खाबेकी खित्‍सादु थेकी दोक खित्‍च्‍येते ईन।

१ पत्रुस 2:1

बात दोक ईन्‍देकी था ख्‍योकोनगी मेलेबा काम सिराते छ्याःङ माकेत। ज्‍येनला ढाँर खित्‍च्‍येते थेमे मिकी खेराङला चुक लेमु ईन्‍दाका सिरस्‍यीत सिरच्‍ये सेमगी छ्याःङ काम माकेत। थोकराङ खाला मिला डार खित्‍च्‍येते थेमे मि मोत्‍च्‍येते बान्‍दा माकेत।

१ पत्रुस 2:11

ङिङज्‍येते आज्‍यो न्‍वावे, ख्‍योकोन दुरू टिक्‍पी दिनकामा देत्‍च्‍येते ईन्‍देकी मि लुङबे मि च्‍योकराङ ईन। थोगी ओर्च्‍ये, ख्‍योकोन ङे दोक्‍ते कामताङ बात खिता मेङगो सिन छ्या ओत्‍कीन ओत्‍कीनोङ ङे दोक माक्‍याबाला ओङराङ मेङगो सिराच्‍योक खाला खेराङ सेमला लाबा लाबा खित्‍च्‍येते नोमुङ छ्याःङ माकेत।