याकूब 1:2 - जिरेल

² आज्‍यो न्‍वावे, ख्‍योकोनला थरी थरी दुक्‍पा ओङजीन थोकनी लेमु ओङालाका ओङाते ईन सिन गा खि।

याकूब 1:2 Iomraidhean Croise

शक्ति काम 5:41

ताङनामेई थेबाचेन “ङुरूङ चुक भाग्‍यमानी ईन्‍दे। च्‍यिला सासीन परमेश्‍वरगी ङुरूङला प्रभु येशू लाईदु दुक्‍पा भोगे खित्‍च्‍ये मौका बिन्‍सुङ,” सिन गा खिनकामा बात खिन गाल्‍सुङ।

रोमी 5:3

दोस्‍यिककामा मेन, ङुरूङनी पीरताङ दुक्‍पे बेलालाङ गा खिओ। च्‍यिला सासीन दुक्‍पा ङेत्‍लाराङ ङुरूङ दुक्‍पा खपे खिता थुप्‍च्‍या डुइओ।

फिलिप्‍पी 1:29

परमेश्‍वरगी ख्‍योकोनला थे खोरोङ दयेकी ख्रीष्‍टला विश्‍वास खित्‍च्‍येते मौकाकामा बिन्‍दा मेत, थेला विश्‍वास खित्‍जीन दुक्‍पा भोगे खिता ङेत्‍च्‍येते मौकाङ बिन्‍दा ओत।

फिलिप्‍पी 2:17

ख्रीष्‍टला विश्‍वास खाईन खेराङगी खिन ओताते कामओन ख्‍योकोनगी परमेश्‍वरला भोग बिन्‍दाते च्‍योकराङ ईन। भोग बिन्‍दाते लाक्‍तुराङ थुङच्‍येते पुङा फापाच्‍योक खाला ङा ङाराङ ज्‍यान बिन्‍ला स्‍या फाप्‍सीनोङ ङा खुशीराङ ओत। थेमे ख्‍योकोन गा खित्‍जीन ङाङ ख्‍योकोनताङराङ डिक्‍ला गा खिओ।

फिलिप्‍पी 2:18

थोगी ङा स्‍या फाप्‍सीनोङ ख्‍योकोन गा खि सिन सिओ। ङा ख्‍योकोनताङ डिगीन गा खाबा च्‍योकराङ ख्‍योकोनोङ ङात्ताङ डिक्‍ला गा खि।

कलस्‍सी 1:24

ख्‍योकोन लाईदु दुक्‍पा भोगे खित्‍च्‍येतेनी ङाला गा लाङच्‍येते बातका ईन। ख्रीष्‍टकी खिता चालाते काम पूरो ओङस्‍यीत सिन ङाङ ङाराङला ङे जीउकी थोई दुक्‍पा भोगे खिता फाप्‍क्‍यो सिन ओताने थोस्‍यिकराङ दुक्‍पा भोगे खिन ओत। दि दुक्‍पाचेन ङे येशू ख्रीष्‍ट थे खोरोङ जीउ ईन्‍दाते मिओनला लेमु ओङाला भोगे खिता फाप्‍क्‍यो।

हिब्रू 10:34

जेलला लुक्‍पाते मिओनला थुप थुपला ठेत्‍च्‍येते थेमे थेबे दुक्‍पाला ताच्‍येतेङ ख्‍योकोनगी खिनराङ ओतान। खेराङगी नोमुङ सिन्‍ला तोरला मोन्‍डोच्‍येते स्‍वर्गे सम्‍पत्ति ङेता ओत सिन छ्या ओतेकी खेराङ सम्‍पत्ति ठ्वाला खेरजीनोङ ख्‍योकोन सेम मेसेता खाईन देता ओतान।

याकूब 1:12

थेमे दुक्‍पा ओङजीन खपे खिन देत्‍कान्‍ते मि भाग्‍यमानी ईन। च्‍यिला सासीन थोक्‍ते दुक्‍पा खपे खाईन सिन्‍नामेकी थोक्‍ते मिला परमेश्‍वरगी थे खोरोङला ङिङज्‍ये खित्‍कान्‍ते मिओनला तेरग्‍यो साबाते इनाम तेरग्‍यो। थे इनामचेन नोमुङ मिसिन्‍च्‍येते जुनी ईन।

याकूब 1:16

ङिङज्‍येते आज्‍यो न्‍वावे, ख्‍योकोन दाक्‍पोनगी ठुबाते डालुमला दाक्‍पोनराङ स्‍यूक्‍च्‍येते काम माकेत।

याकूब 1:19

थेमे ङिङज्‍येते आज्‍यो न्‍वावे, दि बात टोक माज्‍येत। च्‍यि सासीन खेराङला लोप्‍कान्‍ते मिओन बातला लेमु खाला नामज्‍योक सेत, बात खित्‍जीन लेमु खाला विचार खालाकामा खि थेमे होत्ता स्‍येदाङ खित्‍च्‍येते बान्‍दा माकेत।

याकूब 5:11

जतिराङ दुक्‍पा ओङजीनोङ खपे खिन देत्‍कान्‍ते मि भाग्‍यमानी ईन सिन ङुरूङला छ्या ओत। थाङबो अय्‍यूबकी चुक दुक्‍पा खपे खाबा ओताने थेमे थे दुक्‍पा खपे खाईन सिन्‍नामेकी प्रभु परमेश्‍वरगी थेला चुक लेमु खाबा ओताने सिन ख्‍योकोनला छ्याराङ ओत। प्रभु परमेश्‍वरचेन मिओनला आउदी ङिङज्‍ये खित्‍कान्‍ते ईन। थे आउदी दया खित्‍कान्‍ते ईन।

२ पत्रुस 2:9

प्रभु परमेश्‍वरगी गोमा दोक दोक खाबाते बात विचार खित्‍जीन थे खोरोङगी खि साबा साबाच्‍योक खित्‍कानला मेलेबा लाङजीन, दुक्‍पा ओङजीन थेबाला चुक खाला थे छ्य्‌वापेई डेला फाप्‍कीते थेमे मेलेबा काम खित्‍कानलाचेन चुक खाला सजाय तेरा फाप्‍कीते सिन थेला छ्या ओत सिरच्‍येते बात लेमु खाला छ्या स्‍येबा थुप्‍कीदुक।

छ्या स्‍ये च्‍युताते बात 2:10

ख्‍योकोनला आइ परे खिता खाबाते दुक्‍पा थोङला ख्‍योकोन ज्‍यीबा माकेत। ना ख्‍योकोनगी ङाला विश्‍वास खिता तोङगीता सिन ताप्‍ला शैतानगी ख्‍योकोन नाङ दोक्‍पोई ङिला जेलला लु ज्‍युत्‍क्‍यो। थोक खासीनोङ ङीमा च्‍युताम्‍बाकामा ख्‍योकोनला दुक्‍पा ओङगो। स्‍यापराङ फाप्‍सीनोङ ख्‍योकोनगी ङाला विश्‍वास खिता मातोङ। थेमे ङा ख्‍योकोनला इनाम तेरग्‍यो, थेचेन नोमुङ मिसिन्‍च्‍येते जुनी ईन।