याकूब 1:19 - जिरेल

¹⁹ थेमे ङिङज्‍येते आज्‍यो न्‍वावे, दि बात टोक माज्‍येत। च्‍यि सासीन खेराङला लोप्‍कान्‍ते मिओन बातला लेमु खाला नामज्‍योक सेत, बात खित्‍जीन लेमु खाला विचार खालाकामा खि थेमे होत्ता स्‍येदाङ खित्‍च्‍येते बान्‍दा माकेत।

याकूब 1:19 Iomraidhean Croise

मत्ती 5:22

ङाचेन ख्‍योकोनला च्‍यि सिते सासीन सुइँदा दाक्‍पोन आज्‍यो न्‍वाताङ स्‍येदाङ खासुङ सासीनकामाङ थेलाङ सजाय तेरा फाप्‍क्‍यो। थेमे आज्‍यो न्‍वाला खो ङ्येबे ङ्येस्‍यु सिन सिरकान्‍ते मिला सजाय बिन सिन छ्ये छ्ये मि रूसादु खेरा फाप्‍क्‍यो। थेमे आज्‍यो न्‍वाला खोनी ठुङराङ माठुङसीन ओङच्‍या ओतान सिन सिरकान्‍ते मिनी झन सजाय ङेत्‍ला नरककुण्‍डमा मे नाङराङ स्‍यूइओ।

मर्कूस 12:37

थोक खाईन गेल्‍बो दाऊद खोरोङगीराङ ख्रीष्‍टला मान खिन प्रभु सानामेकी चुक खाईन ख्रीष्‍ट थे सन्‍तान ओङसुङा? विचार खिते,” सिन सिदुक। दिकी चुक लेमु खाला लोप्‍कीका सिन मि गाङेराङ गा खिन येशूकी लोप्‍च्‍येते बात ङेन्‍गीन ओतान।

मर्कूस 2:2

थेमे मि काल्‍बेई थे ओत्‍सादु ख्‍योल्‍सुङ। थोक ओङगीन थे खाम्‍बादु फिला नाङला खापाङ देत्‍च्‍येते ठाउँ मेतान। थेमे थेकी थेरू वाबाते मिओनला परमेश्‍वर बात लोपाला स्‍यूसुङ।

लूका 15:1

कर लिन्‍कान्‍तेबा थेमे ज्‍येनगी पापी साबाते मि गाङेराङ येशूकी लोप्‍च्‍येते परमेश्‍वर बात ङेन्‍दाला झन झन थे ओत्‍सादु डुइन ओतान।

लूका 19:48

तर मि गाङे थे फेरोला देत्‍ला थे बात ङेन्‍गीन ओतेकी खित्‍सादु जति खासीनोङ थेबेकी थेला छ्याःङ खिता माथुप्‍सुङ।

शक्ति काम 1:15

येशूला विश्‍वास खित्‍कान्‍ते मिओन थोक खाला जम्‍मा ओङजीन ङीमाई मेन्‍दा खाल ठुकचो ओतान। थेमे पत्रुसकी थेबा गाङे दोन्‍दु लाकीन

शक्ति काम 10:33

थोगी ङे छ्याःङ अलमल मिक्‍किता खाईन हजूर खोल्‍ला लिन ताङाते ईन। हजूर खो दिस्‍साक दुक्‍पा खाईन वाबा थोङजीन ङ्योकोनला गा लासुङ। दुरू ङ्योकोन गाङेराङ प्रभु परमेश्‍वर दोन्‍दु जम्‍मा ओङा ओत। प्रभु परमेश्‍वरगी हजूर खोल्‍ला च्‍यि बात खि साबा ओते था थे बात ङ्योकोनला लेमु खाला लाप्‍ला नाङ। खुई बात ङेन्‍दाला ङ्योकोन गाङेराङ जम्‍मा ओङाते ईन,” सिन सिदुक।

शक्ति काम 13:48

पावलताङ बारनाबासकी दोक सिरजीन ज्‍येन ज्‍येन जातकी मि आउदी खाईन गा खासुङ। थेमे प्रभु येशू बात चुक लेमु दुका सिन बात खिताला स्‍यूसुङ। दोक खाईन नोमुङ मिसिन्‍च्‍येते जुनी तेराला परमेश्‍वरगी छाने खाबाते मिओनगीचेन येशूला विश्‍वास खिताला स्‍यूसुङ।

शक्ति काम 17:11

थेरू यहूदीओनगीचेन थिस्‍सलोनिकादु ओतातेबेकी च्‍योक मेलेबा मिक्‍किता खाईन पावलगी लापाते येशू बात लेमु खाईन ङेन्‍सुङ। थेमे थेकी लापाते बात परमेश्‍वर बातला टिबाते बातताङ डिइकाना मिडिक्‍का सिन थेबेकी ङीमे ठाङमा परमेश्‍वर बात आउदी खाईन पढे खाईन तासुङ।

शक्ति काम 2:42

येशूला विश्‍वास खित्‍कान्‍तेबेकी येशू ख्रीष्‍टकी खटे खाबाते मिओनगी लापाते बातओन लेमु खाला ङेन्‍गीन ओतान। थेबा ङ्योम्‍बुराङ डिक्‍ला देत्‍च्‍येते, प्रभु भोज साच्‍येते थेमे परमेश्‍वरला प्रार्थना खित्‍च्‍येते खिन ओतान।

एफिसी 4:26

सुइँदाताङ स्‍येदाङ लासीन स्‍येदाङगी खित्‍सादु मेलेबा काम माकेत। सुङताङ स्‍येदाङ मोसोक्‍पा खाला थे छोमुराङ थे बात डिक्‍पा खाला टोक ज्‍येत।

एफिसी 4:31

थेमे सुङताङ स्‍येदाङ खुरला मादेत, पालोईला स्‍येदाङ फुङ पुङच्‍येते माकेत, सुङताङ स्‍येदाङ माकेत, ज्‍येनताङ थोम्‍मु माकेत, सुङलाङ मामोत, मि बात खित्‍च्‍येते होदोक्‍ते बानी गाङे थोङ।

कलस्‍सी 3:15

ख्रीष्‍टकी ख्‍योकोनला सेम ढुक्‍क खाला देत ज्‍युत्‍च्‍येते ईन्‍देकी ख्‍योकोन सेमज्‍यीकराङ खाला डिक्‍ला थुन्‍ला देत। ख्‍योकोन जीउज्‍यीकराङ ओङाते गाङेराङ डिक्‍ला थुन्‍ला देत्‍स्‍यीत सिनराङ परमेश्‍वरगी ख्‍योकोनला थे खोरोङ दोन्‍दु स्‍योक सिन काताङाते ईन। परमेश्‍वरगी खाबाते गाङे कामगी लाईदु ख्‍योकोनगी थेला धन्‍यवाद बिन।

कलस्‍सी 3:8

थाचेन ख्‍योकोनगी दोक दोक खिता थोङ। च्‍यि सासीन सुङताङ स्‍येदाङ माकेत, स्‍येदाङ फुङ मापुङ, मि छतिपति माक्‍युर, मि मामोत, फोर बात माकेत

१ थिस्‍सलोनिकी 2:13

थेमे ङ्योकोन जहिलेङ दि बातकी लाईदुङ परमेश्‍वरला धन्‍यवाद सिओ। च्‍यि सासीन ङ्योकोनगी परमेश्‍वर बात लोप्‍जीन थे बात मिकी जोबाते मेन्‍दाक्‍वा, परमेश्‍वर बातराङ दुका सिन ख्‍योकोनगी ङेन्‍सुङ। ईन्‍दाबोङ थे बातचेन परमेश्‍वर बातराङ ईन। येशूला विश्‍वास खित्‍कान ख्‍योकोन नाङ परमेश्‍वरगी होथे बातकी छ्य्‌वापेईराङ काम खिन ओत।

याकूब 1:16

ङिङज्‍येते आज्‍यो न्‍वावे, ख्‍योकोन दाक्‍पोनगी ठुबाते डालुमला दाक्‍पोनराङ स्‍यूक्‍च्‍येते काम माकेत।

याकूब 1:2

आज्‍यो न्‍वावे, ख्‍योकोनला थरी थरी दुक्‍पा ओङजीन थोकनी लेमु ओङालाका ओङाते ईन सिन गा खि।

याकूब 1:26

सुइँदेकी ङानी परमेश्‍वरगी खि साबाच्‍योक खित्‍कान्‍ते मि ईन खिदुक तर खोपरोङ खाचेन थाताला मोज्‍योदुक सासीन थोक्‍ते मिकीनी दाक्‍पोनगी ठुबाते डालुमला दाक्‍पोनराङ स्‍यूक्‍च्‍येते काम खाबाते ईन। थोक्‍ते मिकी जस्‍तोराङ लेमु काम खासीनोङ थोक खाबेकी थेला छ्याःङ फाइदा मेङगो।

याकूब 2:1

आज्‍यो न्‍वावे, ख्‍योकोनचेन छ्येज्‍यीक शक्ति ओताते प्रभु येशू ख्रीष्‍टला विश्‍वास खित्‍कान्‍ते मि ईन। थोगी ख्‍योकोनगी मि छ्येत ताला काका पाका खिता मेङगो।

याकूब 2:5

ङिङज्‍येते आज्‍यो न्‍वावे, दि बात लेमु खाला ङेन। येशू ख्रीष्‍टला विश्‍वास खित्‍कान्‍ते मि ओङला थे खोरोङ राज्‍यदु देताला च्‍यि परमेश्‍वरगी ज्‍येनगी छ्याःङज्‍यीक खाङज्‍यीक मेताते मि ईन सिरच्‍येते मिओनलाराङ छाने खाबाते मेनरो? था थेबा परमेश्‍वरगी थे खोरोङला ङिङज्‍ये खित्‍कान्‍ते मिओनला तेरग्‍यो साबाते राज्‍यदु देता ङेत्‍क्‍यो।

याकूब 3:10

आज्‍यो न्‍वावे, ङुरूङचेन परमेश्‍वरला मान खिन थेते जय जय ओङस्‍यीत सिनोङ सिओ, मिला मोता सरापोङ खिओ। दोक खितानी पटक्‍क सोई मिक्‍किच्‍येते बात ईन।

याकूब 4:11

आज्‍यो न्‍वावे, ख्‍योकोनगी फलाना दोक्‍तेताङ थोक्‍ते सिन दोक्‍पोईकी ज्‍येनज्‍यीक बात माकेत। दाक्‍पोन आज्‍यो न्‍वाकी बात खिन ख्‍याम्‍कान्‍ते कि खो दोषी ईन सिन सिरकान्‍ते मिकीचेन परमेश्‍वर नियमला साबाते दि दि बात लेमु मेन सिन थे नियमराङ ठीक मेन साबाते ईन। थोक खित्‍कान्‍ते मिकीनी थे नियम ङेन्‍दा साटोला थे लेमु मेन सिनका साबाते ईन।

याकूब 5:12

आज्‍यो न्‍वावे, था ज्‍येन बातज्‍यीक च्‍यि सासीन ख्‍योकोनगी स्‍वर्ग जुम्‍ला ईन्‍स्‍यीत, पृथ्‍वी जुम्‍ला ईन्‍स्‍यीत थेमे ज्‍येनतोक खइँदाराङ ईन्‍स्‍यीत छ्याःङलाङ जुम्‍ला ना माकेल। ख्‍योकोनगी खालि ईन्‍दाते बातला ईन सि, मेन्‍दाते बातला मेन सि। होदोक खासीन परमेश्‍वरगी ख्‍योकोनला सजाय मेतेरो।

याकूब 5:19

थेमे आज्‍यो न्‍वावे, ख्‍योकोन नाङ सुइँदेकी सत्‍यते बात ङेन्‍दा ताङसुङ थेमे ख्‍योकोन ज्‍येनज्‍यीगी थेला लोक्‍ला परमेश्‍वर छ्य्‌वापाराङ लै खित च्‍युत्‍सुङ सासीन

१ यूहन्‍ना 2:21

सत्‍यते बात च्‍यि ईन्‍दे सिन ख्‍योकोनला छ्या मेत सिन ङे दि बात टिबाते मेन। सत्‍यते बात ख्‍योकोनला लेमुराङ खाला छ्या ओत। सत्‍यते बात खित्‍कान्‍तेकी नोमुङ ढाँर मिक्‍किओ सिनोङ ख्‍योकोनला छ्याराङ ओत।