याकूब 1:14 - जिरेल

¹⁴ मि सेम मेलेबा ओतेकी जसलाङ गोमा दोक खिइ खिइ सिराच्‍योक लाङगो। होथोक खाला थेला दाक्‍पोनला खिइ खिइ सिराच्‍योक लाबाते माक्‍याबाला ओङराङ मेङगो सिराच्‍योक लाङगो।

याकूब 1:14 Iomraidhean Croise

मत्ती 15:18

दोक ईन्‍देकी मिला पा फोक्‍च्‍येते साच्‍या थुङच्‍येतेकी मेन्‍देकी मि सेमदुकी खानामा थेन्‍च्‍येते बातकी ईन।

मत्ती 15:20

थोगी होदि कामताङ बातओन खानामेई मिला पा फोइओ। तर रीतिथितिला खि साबाच्‍योक खाला लाक्‍पा चोके मिक्‍किता खाला सोला थुलाचेन मिला पा मोफोगो,” सिन सिदुक।

मत्ती 4:1

थेकी बप्‍तिस्‍मा लानामेकी येशूला परमेश्‍वर आत्‍मेकी री नाङपा टीकीन खेरसुङ। ल्‍हन्‍डीक गेल्‍बो शैतानगी थे सेम तारस्‍यीत सिन थेला थेङपा खेरा ओतान।

मत्ती 5:28

ङाचेन ख्‍योकोनला च्‍यि सिते सासीन सुइँदेकी सुइँदा फेम्‍मे मिला खइँदा मेलेबा विचारगी तासुङ सासीनकामाङ थेकी थे फेम्‍मे मित्ताङ रन्‍डीबाजी खाबा छेतराङ ईन सिन सिओ।

रोमी 7:11

ङाराङ सेमला पाप ओतेकी खित्‍सादु परमेश्‍वर नियमला माकेत साबा साबा खासीन ओङगो सिन ङा छक्‍के खाईन ङे थेरू माकेत साबा साबाते कामराङ खाबाप। थोक खाईन पाप खानामेई ङा थे नियमगी तोके खाबाते पापकी सजाय भोगे खाला स्‍या फाप्‍च्‍या ओङाते ईन।

रोमी 7:13

परमेश्‍वर नियम दोक लेमु ईन्‍गीन ईन्‍गीनोङ ङा थेरू तोके खाबाते सजाय भोगे खिन स्‍या फाप्‍च्‍या ओङाते थे नियमगी खित्‍सादु मेन। दोक माकेत, थोक माकेत सिरच्‍येते नियम लेमु ईन्‍सीनोङ ङे थेरू माकेत साबाते खाईन पाप खाबेकीका ङा थोक खाईन थे नियमला तोके खाबाते सजाय ङेत्‍ला स्‍या फाप्‍च्‍या ओङाते ईन। पापकी खित्‍सादु दोक ओङेकी दि पाप सिराते चुक मेलेबा ईन्‍दे थेमे दिकी खित्‍सादु मिला चुक मेलेबा ओङच्‍या ईन्‍दाका सिन ङुरूङगी लेमु खाला छ्या स्‍येकीदुक।

एफिसी 4:22

था खेराङला लापा च्‍योकराङ खि। च्‍यि सासीन गोमा खिन ओताच्‍योक खिन मेदेता खाला मेलेबाते कामताङ बात खित्‍च्‍येते बानी थोङ। गोमाबा ख्‍योकोन दाक्‍पोन सेमला लाबा लाबाच्‍योक खासीन लेमु ओङगो सिन थोकराङ खिन ओतान। होथोक खाबेकी ख्‍योकोन ङ्येला डुइन ओतान।

हिब्रू 3:13

थोगी परमेश्‍वर बात ङेन्‍दा ताङला पाप खाला परमेश्‍वर छ्य्‌वापेई ठाला माफाप्‍स्‍यीत सिन परमेश्‍वर बात ङेन्‍दा फाप्‍क्‍यो सिन ख्‍योकोनगी दोक्‍पोईकी ज्‍येनज्‍यीकला ङीमे ठाङमा सिन देत। खेराङगी “थरिङ दिन” सिरा ङेत ङेतसाकराङ ख्‍योकोनगी दोक खिनराङ देत।

याकूब 1:13

थेमे मि सुङगीङ दाक्‍पोनला खइँदा मेलेबा काम खिइ खिइ सिराच्‍योक लाङजीन परमेश्‍वरगी ङाला दोक खित ज्‍युता चालाते ईन सिरा मेङेदो। सुङगीङ परमेश्‍वरला मेलेबा काम खित ज्‍युता मुथुबो। परमेश्‍वर थे खोरोङगीङ सुङलाङ मेलेबा खित ज्‍युता मोछोलो।

याकूब 1:15

थेमे होथोक खाईन थे खोरोङला खिताराङ फाप्‍क्‍यो सिराच्‍योक लाबाते काम खाला थेकी दाक पाप खिओ। थोक खाईन पाप खानामेई पापकी सजाय ङेत्‍ला थे स्‍या फाप्‍क्‍यो।